ନୂଆଦିଲ୍ଲୀ: ଦ୍ରୌପଦୀ ମୁର୍ମୁ ଆଜି (ଜୁଲାଇ ୨୫)ରେ ଦେଶର ୧୫ ତମ ରାଷ୍ଟ୍ରପତି ଭାବରେ ଶପଥ ଗ୍ରହଣ କରିବେ। ବିଶେଷ କଥା ହେଉଛି ୧୯୭୭ ପରେ ସେ ଦଶମ ରାଷ୍ଟ୍ରପତି ହେବେ ଯିଏ ଏହି ତାରିଖରେ ଶପଥ ନେବେ। ଜୁଲାଇ ୨୪ରେ ରାମନାଥ କୋବିନ୍ଦଙ୍କ କାର୍ଯ୍ୟକାଳ ଶେଷ ହୋଇଥିଲା। ୨୩ରେ ତାଙ୍କୁ ସଂସଦର ସେଣ୍ଟ୍ରାଲ ହଲରେ ବିଦାୟ ଦିଆଯାଇଥିଲା। ଗତକା ଲି ରାତିରେ ରାଷ୍ଟ୍ରପତି ଭାବରେ ଶେଷ ଥର ପାଇଁ ରାମନାଥ କୋବିନ୍ଦ ଦେଶକୁ ସମ୍ବୋଧିତ କରିଥିଲେ।
ଦେଶର ପ୍ରଥମ ଆଦିବାସୀ ମହିଳା ରାଷ୍ଟ୍ରପତିଙ୍କ ଶପଥ ଗ୍ରହଣ ପାଇଁ ପ୍ରସ୍ତୁତି ଶେଷ ହୋଇଛି। ସେ ସଂସଦର ସେଣ୍ଟ୍ରାଲ ହଲରେ ଶପଥ ଗ୍ରହଣ କରିବେ। ଉଲ୍ଲେଖଯୋଗ୍ୟ, ରାଷ୍ଟ୍ରପତିଙ୍କ ଶପଥ ଗ୍ରହଣ ପାଇଁ କୌଣସି ନିର୍ଦ୍ଦିଷ୍ଟ ତାରିଖ ନାହିଁ । ତଥାପି ୧୯୭୭ ପରଠାରୁ ଦେଖାଯାଇଛି ଯେ ନିର୍ଦ୍ଦିଷ୍ଟ ପ୍ରକ୍ରିୟା ଅନୁଯାୟୀ ନିର୍ବାଚିତ ପ୍ରତ୍ୟେକ ରାଷ୍ଟ୍ରପତି କେବଳ ୨୫ ଜୁଲାଇରେ ଶପଥ ନେଇଛନ୍ତି।
ଏହି ମାମଲାରେ କେବଳ ବ୍ୟତିକ୍ରମ ହେଉଛି ପ୍ରଥମ ରାଷ୍ଟ୍ରପତି ଡକ୍ଟର ରାଜେନ୍ଦ୍ର ପ୍ରସାଦ, ପରେ ସର୍ବପଲ୍ଲୀ ରାଧାକ୍ରିଷ୍ଣନ୍, ଜାକିର ହୁସେନ୍ ଏବଂ ଫଖରୁଦ୍ଦିନ ଅଲି ଅହମ୍ମଦ। ୨୬ ଜାନୁଆରୀ ୧୯୫୦ରେ ରାଜେନ୍ଦ୍ର ପ୍ରସାଦ ଶପଥ ଗ୍ରହଣ କରିଥିଲେ। ଏହି ଦିନ ଭାରତ ଏକ ଗଣତନ୍ତ୍ର ଦେଶ ରୂପେ ମାନ୍ୟତା ପାଇଥିଲା। ଏହା ପରେ ସେ ୧୯୫୨ରେ ରାଷ୍ଟ୍ରପତି ନିର୍ବାଚନରେ ଜିତିଥିଲେ। ଦୁଇଥର ରାଷ୍ଟ୍ରପତି ହେବା ପରେ, ୧୩ ମେ ୧୯୬୨ ରେ, ଡକ୍ଟର ସର୍ବପଲ୍ଲୀ ରାଧାକ୍ରିଷ୍ଣନ୍ ଦେଶର ରାଷ୍ଟ୍ରପତି ଭାବରେ ନିର୍ବାଚିତ ହୋଇଥିଲେ। ସେ ୧୩ ମେ ୧୯୬୭ ପର୍ଯ୍ୟନ୍ତ ରାଷ୍ଟ୍ରପତି ରହିଥିଲେ।
ରାଧାକ୍ରିଷ୍ଣନଙ୍କ ପରେ ଦୁଇ ରାଷ୍ଟ୍ରପତି ଜାକିର ହୁସେନ୍ ଏବଂ ଫଖରୁଦ୍ଦିନ ଅଲ୍ଲୀ ଅହମ୍ମଦ ସେମାନଙ୍କ କାର୍ଯ୍ୟକାଳ ଶେଷ କରିପାରିନଥିଲେ। ମଝିରେ ତାଙ୍କର ମୃତ୍ୟୁ ହୋଇଥିଲା ଏବଂ ମଧ୍ୟବର୍ତ୍ତୀକାଳୀନ ନିର୍ବାଚନ ହୋଇଥିଲା। ଦେଶର ଷଷ୍ଠ ରାଷ୍ଟ୍ରପତି ନୀଲମ ସଞ୍ଜୀବ ରେଡ୍ଡୀ ୨୫ ଜୁଲାଇ ୧୯୭୭ ରେ ଶପଥ ଗ୍ରହଣ କରିଥିଲେ। ସେବେଠାରୁ ସମସ୍ତ ରାଷ୍ଟ୍ରପତି କେବଳ ୨୫ ଜୁଲାଇରେ ଶପଥ ଗ୍ରହଣ କରିଆସୁଛନ୍ତି। ଏଥିରେ ଜିଆନି ଜୈଲ ସିଂ, ଆର ଭେଙ୍କଟରାମନ, ଶଙ୍କର ଦିନଲ ଶର୍ମା, କେ.ଆର ନାରାୟଣନ, ଏପିଜେ ଅବଦୁଲ କଲାମ, ପ୍ରତିଭା ପାଟିଲ, ପ୍ରଣବ ମୁଖାର୍ଜୀ, ରାମନାଥ କୋବିନ୍ଦଙ୍କ ନାମ ରହିଛି। ଯିଏ କି ୨୫ ଜୁଲାଇରେ ଶପଥ ଗ୍ରହଣ କରିଥିଲେ।
Comments are closed.