ମୂଲ୍ୟାଙ୍କନ ଓ ସେୟାର ପ୍ରିମିୟମ ବାବଦରେ ଷ୍ଟାର୍ଟ-ଅପ୍ ନିବେଶକାରୀଙ୍କୁ ଯାଞ୍ଚ କରାଯିବ ନାହିଁ: ଅର୍ଥମନ୍ତ୍ରୀ
ନୂଆଦିଲ୍ଲୀ: ସରକାର ଆବଶ୍ୟକୀୟ ଘୋଷଣା ପତ୍ର ଫାଇଲ କରୁଥିବା ଏବଂ ସେମାନଙ୍କ ରିଟର୍ଣ୍ଣରେ ସୂଚନା ପ୍ରଦାନ କରୁଥିବା ଷ୍ଟାର୍ଟ-ଅପ ଏବଂ ସେମାନଙ୍କ ନିବେଶକାରୀମାନଙ୍କୁ ମୂଲ୍ୟାଙ୍କନ ଓ ସେୟାର ପ୍ରିମିୟମ କ୍ଷେତ୍ରରେ କୌଣସି ପ୍ରକାର ଯାଂଚର ସମ୍ମୁଖୀନ ହେବାକୁ ପଡିବ ନାହିଁ । “ଆଞ୍ଜେଲ କର” ବିଷୟକ ସମାଧାନ ନେଇ ଆଜି ସଂସଦରେ କେନ୍ଦ୍ର ଅର୍ଥ ଓ କର୍ପୋରେଟ ବ୍ୟାପାର ମନ୍ତ୍ରୀ ନିର୍ମଳା ସୀତାରମଣଙ୍କ ଦ୍ୱାରା ଉପସ୍ଥାପିତ କେନ୍ଦ୍ର ବଜେଟ ୨୦୧୯-୨୦ରେ ଏହି ପ୍ରସ୍ତାବ ଦିଆଯାଇଛି ।
ଅର୍ଥମନ୍ତ୍ରୀ ତାଙ୍କ ବଜେଟ ବକ୍ତବ୍ୟରେ କହିଲେ ଯେ, ନିବେଶକାରୀ ଏବଂ ସେମାନଙ୍କ ଅନୁଦାନର ଉତ୍ସକୁ ଚିହ୍ନଟ କରିବା ପ୍ରକ୍ରିୟାର ସମାଧାନ ଇ-ଭେରିଫିକେସନ ପ୍ରକ୍ରିୟା ଦ୍ୱାରା କରାଯିବ । ଏହାଦ୍ୱାରା ଷ୍ଟାର୍ଟ- ଅପ ଗୁଡିକ ପାଇଁ ସଂଗ୍ରହ କରାଯାଉଥିବା ଅନୁଦାନ ରାଶିଗୁଡିକ ପାଇଁ ଆୟକର ବିଭାଗ ଦ୍ୱାରା କୌଣସି ଯାଂଚ ପ୍ରକ୍ରିୟାର ଆବଶ୍ୟକତା ପଡିବ ନାହିଁ ।
କେନ୍ଦ୍ରୀୟ ବଜେଟ୍ ଉପସ୍ଥାପନରେ ଅର୍ଥମନ୍ତ୍ରୀ ଆହୁରି କହିଛନ୍ତି ଯେ, ଷ୍ଟାର୍ଟ-ଅପ ଗୁଡିକର ବିଳମ୍ବିତ ଆକଳନ ଏବଂ ସେମାନଙ୍କ ସମସ୍ୟାର ସମାଧାନ ପାଇଁ ସେଂଟ୍ରାଲ ବୋର୍ଡ ଅଫ ଡାଇରେକ୍ଟ ଟ୍ୟାକ୍ସେସ (ସିବିଡିଟି) ଦ୍ୱାରା ସ୍ୱତନ୍ତ୍ର ପ୍ରଶାସନିକ ପଦକ୍ଷେପ ଗ୍ରହଣ କରାଯିବ । “ତଦାରଖକାରୀ ଅଧିକାରୀଙ୍କ ବିନା ଅନୁମୋଦନରେ କୌଣସି ଆକଳନକାରୀ ଅଧିକାରୀ ଏହି ଘଟଣାଗୁଡିକ କ୍ଷେତ୍ରରେ ଅନୁସନ୍ଧାନ ବା ଯାଂଚ ଯେପରି ନକରିପାରନ୍ତି ସେ ନେଇ ନିଶ୍ଚିତ କରାଯିବ,” ବୋଲି ସେ କହିଥିଲେ ।
ଷ୍ଟାର୍ଟ-ଅପ ଗୁଡିକ କ୍ଷେତ୍ରରେ ଏହାର ପ୍ରତିଷ୍ଠା ଏବଂ କ୍ଷତି ଦୂର କରିବା ପାଇଁ କେତେ ଗୁଡିଏ ସର୍ତାବଳୀ କୋହଳ କରିବା ଲାଗି ଅର୍ଥମନ୍ତ୍ରୀ ପ୍ରସ୍ତାବ ଦେଇଥିଲେ । ନିବେଶ ପାଇଁ ଆବାସିକ ଗୃହଗୁଡିକର ବିକ୍ରୟରୁ ଆସୁଥିବା ଆର୍ଥିକ ଲାଭ ପାଇଁ ସମୟ ସୀମା ୩୧.୦୩.୨୦୨୧କୁ ବୃଦ୍ଧି କରିବା ନେଇ ଏବଂ ଏହି ଛାଡ ଲାଗି କେତେକ ସର୍ତାବଳୀ କୋହଳ କରିବା ପାଇଁ ଅର୍ଥମନ୍ତ୍ରୀ ପ୍ରସ୍ତାବ ଦେଇଥିଲେ । ଡିଡି ଚ୍ୟାନେଲ ମାନଙ୍କରେ ଷ୍ଟାର୍ଟ-ଅପ ଗୁଡିକ ପାଇଁ ସ୍ୱତନ୍ତ୍ର ଟିଭି କାର୍ଯ୍ୟକ୍ରମ ଉପରୋକ୍ତ କର ସମ୍ବନ୍ଧୀୟ ଲାଭ ବ୍ୟତୀତ ଅର୍ଥମନ୍ତ୍ରୀ ମଧ୍ୟ ପ୍ରସ୍ତାବ ଦେଇଥିଲେ ଯେ ଡିଡି ଚ୍ୟାନେଲ ମାନଙ୍କରେ ଷ୍ଟାର୍ଟ-ଅପ ଗୁଡିକ ପାଇଁ ଏକ ବିଶେଷ କାର୍ଯ୍ୟକ୍ରମ ପ୍ରସାରଣ କରାଯାଉ ।
ଏହା ଫଳରେ ଷ୍ଟାର୍ଟ-ଅପ ଗୁଡିକର ପ୍ରୋତ୍ସାହନ କ୍ଷେତ୍ରରେ ଏକ ଭିତିଭୂମି ସୃଷ୍ଟି ହେବ, ସେମାନଙ୍କର ପ୍ରଗତି ନେଇ ଥିବା ସମସ୍ୟା ସମ୍ବନ୍ଧରେ ଆଲୋଚନା ହୋଇପାରିବ ଏବଂ ନିବେଶ, ଅନୁଦାନ ଓ କର ପ୍ରଦାନ କ୍ଷେତ୍ରରେ ଯୋଜନା ପ୍ରସ୍ତୁତି ହୋଇପାରିବ । ଷ୍ଟାର୍ଟ-ଅପ ଗୁଡିକ ଦ୍ୱାରା ଏହି ଚ୍ୟାନେଲର ଡିଜାଇନ ଏବଂ କାର୍ଯ୍ୟକାରିତା ପ୍ରସ୍ତୁତି କରାଯିବ । ସୂର୍ଯ୍ୟୋଦୟ ଓ ଉନ୍ନତ ପ୍ରଯୁକ୍ତି ବିଦ୍ୟା କ୍ଷେତ୍ରରେ ବଡ ଧରଣର ନିବେଶ ଅର୍ଥନୈତିକ ପ୍ରଗତି ଓ ମେକ ଇନ ଇଣ୍ଡିଆକୁ ବଳ ଦେବା ପାଇଁ ଅର୍ଥମନ୍ତ୍ରୀ କହିଛନ୍ତି ଯେ ସେମିକଣ୍ଡକ୍ଟର ଫାବ୍ରିକେସନ (ଏଫଏବି), ସୋଲାର ଫୋଟୋ ଭୋଲାଟିକ ସେଲ୍ସ, ଲିଥିୟମ ଷ୍ଟୋରେଜ ବ୍ୟାଟେରିଜ୍, ସୋଲାର ଇଲେକ୍ଟ୍ରିକ ଚାର୍ଜିଂ ଇନଫ୍ରାଷ୍ଟ୍ରକଚର, କମ୍ପ୍ୟୁଟର ସରଭର, ଲାପଟପ ଆଦି କ୍ଷେତ୍ରରେ ବଡ ଧରଣର ନିର୍ମାଣକାରୀ ପ୍ଲାଂଟ ପ୍ରତିଷ୍ଠା ପାଇଁ ସରକାର ସ୍ୱଚ୍ଛ ଓ ପ୍ରତିଦ୍ୱନ୍ଦ୍ୱିତାମୂଳକ ବିଡିଂ ପ୍ରକ୍ରିୟା ମାଧ୍ୟମରେ ବୈଶ୍ୱିକ କମ୍ପାନୀମାନଙ୍କୁ ଆମନ୍ତ୍ରଣ କରିବା ନେଇ ଏକ ଯୋଜନା ପ୍ରସ୍ତୁତ କରିବ । ଏଥି ସହିତ ସରକାର ମଧ୍ୟ ସେମାନଙ୍କୁ ଆୟକର ଆଇନର ଧାରା ୩୫ ଏଡି ଅନ୍ତର୍ଗତ ନିବେଶ ଆଧାରିତ ଆୟକର ରିହାତି ଓ ଅନ୍ୟାନ୍ୟ ପ୍ରତ୍ୟକ୍ଷ କର ସମ୍ବନ୍ଧିତ ଲାଭ ପ୍ରଦାନ କରିବେ ।