ମୁମ୍ବାଇ: ମଧ୍ୟପ୍ରଦେଶର ଛତ୍ରପୁର ବାଗେଶ୍ୱର ଧାମର ଧୀରେନ୍ଦ୍ର କୃଷ୍ଣ ଶାସ୍ତ୍ରୀଙ୍କ ବିରୋଧରେ ମାମଲା ରୁଜୁ ହୋଇଛି। ମୁମ୍ବାଇର ବାନ୍ଦ୍ରା ଥାନାରେ ତାଙ୍କ ବିରୋଧରେ ଏତଲା ହୋଇଛି। ନିକଟରେ ଧୀରେନ୍ଦ୍ର ଶାସ୍ତ୍ରୀ ସାଇ ବାବାଙ୍କ ସମ୍ପର୍କରେ ବିବାଦୀୟ ବୟାନ ଦେଇଥିଲେ। ଏହପରେ ସାଇବାବାଙ୍କ ଶ୍ରଦ୍ଧାଳୁ ଏପରି ବୟାନକୁ ବିରୋଧ କରି ତାଙ୍କ ବିରୋଧରେ ଥାନାରେ ଏତଲା ଦେଇଛନ୍ତି। ଏତଲାରେ କୁହାଯାଇଛି ଯେ ଧୀରେନ୍ଦ୍ରଙ୍କ ବିବୃତ୍ତି ଧାର୍ମିକ ଭାବନାକୁ ଆଘାତ ଦେଇଛି। ଉଦ୍ଧବ ଗୋଷ୍ଠୀର ଶିବସେନା ଯୁବ ସେନା ଦଳର ନେତା ରାହୁଲ କାନଲ ଏହି ଅଭିଯୋଗ କରିଛନ୍ତି।
ଜବଲପୁରର ପାନାଗରର ବାଗେଶ୍ୱର ଧାମର ଧର୍ମେନ୍ଦ୍ର କୃଷ୍ଣ ଶାସ୍ତ୍ରୀ କହିଥିଲେ ଯେ ସାଇ ବାବା ଜଣେ ସାଧୁ, ଫକିର ହୋଇପାରିବେ କିନ୍ତୁ ଭଗବାନ ହୋଇପାରିବେ ନାହିଁ। ସେ କହିଛନ୍ତି, ଲୋକମାନଙ୍କର ନିଜର ବ୍ୟକ୍ତିଗତ ବିଶ୍ୱାସ ଅଛି ଏବଂ ଆମେ କାହାର ବିଶ୍ୱାସକୁ ଆଘାତ କରିପାରିବୁ ନାହିଁ। ଆମେ ଏତିକି କହିପାରିବା। ସାଇ ବାବା ଜଣେ ସାଧୁ ହୋଇପାରନ୍ତି, ଫକିର ହୋଇପାରନ୍ତି କିନ୍ତୁ ଈଶ୍ୱର ହୋଇପାରିବେ ନାହିଁ।
ସେ କହିଛନ୍ତି ଯେ ଆମ ଭାରତରେ ଅନେକ ସାଇ ଭକ୍ତ ଅଛନ୍ତି। ମହାରାଷ୍ଟ୍ର ତଥା ଦକ୍ଷିଣରେ ମଧ୍ୟ ଅନେକ ସାଇ ଭକ୍ତ ଅଛନ୍ତି। କିନ୍ତୁ ସନାତନ ସାଇ ଭଗବାନ ମୂର୍ତ୍ତି ପୂଜାକୁ ପ୍ରତ୍ୟାଖ୍ୟାନ କରୁଥିବାବେଳେ ସାଇ ଉପାସନା ସମ୍ପୂର୍ଣ୍ଣ ସନାତନ ଅଟେ।
ବାବା ବାଗେଶ୍ୱର ଏହାର କହିଛନ୍ତି ଯେ ଆମ ଧର୍ମର ଶଙ୍କରାଚାର୍ଯ୍ୟ ସାଇ ବାବାଙ୍କୁ ଦେବତାଙ୍କ ସ୍ଥାନ ଦେଇ ନାହାନ୍ତି ଏବଂ ଶଙ୍କରାଚାର୍ଯ୍ୟଙ୍କୁ ମାନିବା ଉଚିତ। କାରଣ ସେ ସନାତନ ଧର୍ମର ମୁଖ୍ୟ ଅଟନ୍ତି।
Comments are closed.