ସ୍କଟଲ୍ୟାଣ୍ଡ: ପରିବାରରେ କୌଣସି ମହିଳା ଯଦି ମାଆ ହୁଅନ୍ତି, ସେତେବେଳେ ସମସ୍ତେ ଖୁସି ହୋଇଥାନ୍ତି । କିନ୍ତୁ ଯେତେବେଳେ ଗୋଟିଏ ପରିବାରରେ ୪ ଜଣ ଏକାସାଙ୍ଗରେ ମାଆ ହେବେ, ତେବେ ଏହି ଖବର ସମସ୍ତଙ୍କୁ ଯେତିକି ଖୁସି କରିବ ସେତିକି ଆଶ୍ଚର୍ଯ୍ୟ ବି କରିବ । ନିକଟରେ ସ୍କଟଲ୍ୟାଣ୍ଡର ଜଣେ ବ୍ୟକ୍ତିଙ୍କ ପରିବାରରେ ସମାନ ଘଟଣା ଘଟିଛି, ଯେଉଁଠି ଏକାସଙ୍ଗରେ ମାଆ ହେବାକୁ ଯାଉଛନ୍ତି ୪ ଝିଅ ।
ସ୍କଟଲ୍ୟାଣ୍ଡର ଷ୍ଟିରଲିଂରେ ରୁହନ୍ତି ୪ ଭଉଣୀ କେରିଆନ୍ ଥମ୍ପସନ୍(୪୧), ଜୟ ଗୁଡୱିଲ୍ (୩୫), କେଲି ଷ୍ଟୁଆର୍ଟ (୨୯) ଏବଂ ଆମି ଗୁଡୱିଲ୍ (୨୪) । ପ୍ରକୃତରେ ସେମାନେ ୬ ଭଉଣୀ । ସେମାନଙ୍କ ମଧ୍ୟରୁ ଏହି ୪ ଭଉଣୀଙ୍କ ବୟସ ବହୁତ ପାର୍ଥକ୍ୟ । କିନ୍ତୁ ଆଶ୍ଚର୍ଯ୍ୟର କଥା ସେମାନେ ଏକାସଙ୍ଗରେ ଗର୍ଭବତୀ ହୋଇଛନ୍ତି । ଏହିବର୍ଷ ଶେଷସୁଦ୍ଧା ସମସ୍ତେ ନିଜ ସନ୍ତାନକୁ ଜନ୍ମଦେବେ । କେଲି ଓ ଜୟଙ୍କ ପ୍ରସବ ତାରିଖ ମେ ୨୨ ତାରିଖ ଥିବା ବେଳେ କେରିଆନ୍ ଅକ୍ଟୋବର ଓ ଆମିଙ୍କ ଅଗଷ୍ଟରେ ପ୍ରସବ ସମୟ ରହିଛି ।
୪ ଭଉଣୀ କହିଛନ୍ତିଯେ, ଯେତେବେଳେ ସେମାନେ ଏହି ଖବର ନିଜ ପରିବାରକୁ ଜଣାଇଥିଲେ ସେତେବେଳେ ସେମାନଙ୍କ ଖୁସି ନ କହିଲେ ସରେ । ତଥାପି ସେମାନେ ଚକିତ ବି ହୋଇଯାଇଥିଲେ । ଏହି ୪ ଭଉଣୀ ଯେ ଏକାସଙ୍ଗରେ ମାଆ ହୋଇଛନ୍ତି ତାହାନୁହେଁ, ପୂର୍ବରୁ ଆମେରିକା ଓ ଅଷ୍ଟ୍ରେଲିଆର ୪ ଭଉଣୀ ଏକାସଙ୍ଗରେ ମାଆ ହୋଇ ଚର୍ଚ୍ଚାକୁ ଆସିଥିଲେ ।
Comments are closed.