ସୋସିଆଲ ମିଡ଼ିଆରେ ଏମିତି ଅଜବ ଭିଡ଼ିଓ ଦେଖିବାକୁ ମିଳେ, ଯାହାକୁ ଆଖି ବି ବିଶ୍ୱାସ କରିପାରେ ନାହିଁ । ଏବେ ସେମିତି ଏକ ଭିଡ଼ିଓ ଭାଇରାଲ ହେଉଛି,ଯାହା ଲୋକଙ୍କୁ ଆଶ୍ଚର୍ଯ୍ୟ କରିଛି ।
ଭାଇରାଲ୍ ଭିଡିଓରେ ଦେଖିବାକୁ ମିଳିଛି ଯେ, ଏକ ଟେବୁଲ ଉପରେ ଗୋଟିଏ ବଡ଼ ମାଛ ରଖାଯାଇଛି । ଟେବୁଲ ଚାରିପାଖରେ କିଛି ଲୋକ ଘେରି କି ଅଛନ୍ତି । ଏହି ମାଛର ପେଟକୁ ଜଣେ ବ୍ୟକ୍ତି ଧୀରେ ଧୀରେ କାଟୁଛନ୍ତି । ଏହି ମାଛ ପେଟରୁ ଅନ୍ୟ ପ୍ରଜାତିର ଜୀବନ୍ତ ଛୋଟ ମାଛଟିଏ ବାହାରୁଛି । ମାଛଟିକୁ ବାହାରକୁ କାଡ଼ିବା ମାତ୍ରେ ସେ ଟେବୁଲ ଉପରେ ଡ଼େଇଁବା ଆରମ୍ଭ କରୁଛି । ଏହାକୁ ଦେଖି ସେଠାରେ ଉପସ୍ଥିତ ଥିବା ଲୋକେ ଆଶ୍ଚର୍ଯ୍ୟ ହୋଇଯାଇଥିଲେ ।
ବାସ୍ତବରେ ଏହି ବଡ଼ମାଛଟିକୁ ଜଣେ ବ୍ୟକ୍ତି ଖାଇବା ପାଇଁ କିଣି କରି ଆଣିଥିଲେ । ଘରକୁ ଆଣିବା ପରେ ତାର ପେଟ ଫୁଲିବା ସହ କିଛି ଚାଲୁଥିବା ଦେଖିବାକୁ ପାଇଥିଲେ । ପରେ ମାଛର ପେଟକୁ କାଟିବାରୁ ଜୀବନ୍ତ ମାଛ ବାହାରିଥିଲା । କୁହାଯାଉଛି ଯେ, ବଡ଼ମାଛଟି ଛୋଟ ମାଛକୁ ଖାଇବା ପରେ ଏହାକୁ ହଜମ କରିବା ପୂର୍ବରୁ ଜାଲରେ ଫସି ଯାଇଥିଲା । ଏହି ଭିଡ଼ିଓକୁ ଲୋକେ ଏତେମାତ୍ରାରେ ପସନ୍ଦ କରୁଛନ୍ତି ଯେ, ବର୍ତ୍ତମାନ ସୁଦ୍ଧା ୫୪ କୋଟିରୁ ଅଧିକ ଭ୍ୟୁ ପାଇଛି ।
Comments are closed.