ଇଡେନ ଗାର୍ଡେନ: ଚଳିତ ଆଇପିଏଲରେ ଶନିବାର ଅନୁଷ୍ଠିତ ମୁକାବିଲାରେ ଗୁଜରାଟ ଟାଇଟାନ୍ସ ୭ ୱିକେଟରେ କୋଲକାତା ନାଇଟ ରାଇଡର୍ସକୁ ପରାସ୍ତ କରିଛି । ପ୍ରଥମେ ବ୍ୟାଟିଂ କରି କୋଲକାତା ୨୦ ଓଭରରେ ୭ ୱିକେଟ ବିନିମୟରେ ୧୭୯ ରନ କରିଥିଲା । ରହମୁନାଲ୍ଲା ଗୁରବାଜଙ୍କ ଆକର୍ଷଣୀୟ ୮୧ ରନ ଯୋଗୁ କୋଲକାତା ଭଲ ସ୍କୋର କରିପାରିଥିଲା । ଆନ୍ଦ୍ରେ ରସେଲ ୩୪ ରନର ବିସ୍ଫୋରକ ଇନିଂସ ଖେଳିଥିଲେ । ଗୁଜରାଟ ପକ୍ଷରୁ ମହମ୍ମଦ ସାମି ୩ଟି ଏବଂ ଜୋଶ ଲିଟଲ ଓ ନୂର ଅହମ୍ମଦ ୨ଟି ଲେଖାଁଏ ୱିକେଟ ଅକ୍ତିଆର କରିଥିଲେ । ଜବାବରେ ୧୮୦ ରନର ବିଜୟ ଲକ୍ଷ୍ୟକୁ ଗୁଜରାଟ ୧୭.୫ ଓଭରରେ ୩ ୱିକେଟ ହରାଇ ହାସଲ କରି ନେଇଥିଲା । ଶୁଭମନ ଗିଲ ୪୯ ରନ କରିଥିବା ବେଳେ ବିଜୟ ଶଙ୍କର ୫୧ ଓ ଡେଭିଡ ମିଲର ୩୨ ରନ କରି ଅପରାଜିତ ରହିଥିଲେ ।
ହର୍ଷିତ ରାଣା, ରସେଲ ଓ ସୁନୀଲ ନାରିନ ଗୋଟିଏ ଲେଖାଁଏ ୱିକେଟ ନେଇଥିଲେ । ଟସ ଜିତି ଗୁଜରାଟ ପ୍ରଥମେ ଫିଲ୍ଡିଂ କରିବା ପାଇଁ ନିଷ୍ପତି ନେଇଥିଲା । ୮ ମ୍ୟାଚରେ ୧୨ ପଂଏଟ ହାସଲ କରି ଗୁଜରାଟ ପଂଏଟ ଟେବୁଲର ଶୀର୍ଷ ସ୍ଥାନ ହାସଲ କରିଛି । ଅପରପକ୍ଷରେ କୋଲକାତା ୯ ମ୍ୟାଚରେ ୬ ପଂଏଟ ହାସଲ କରିଛି । ପ୍ରଭାବୀ ପ୍ରଦର୍ଶନ ପାଇଁ ଜୋଶ ଲିଟଲଙ୍କୁ ମ୍ୟାନ ଅଫ ଦି ମ୍ୟାଚ ବିବେଚିତ କରାଯାଇଥିଲା । ଗତ ସଂସ୍କରଣର ଚାମ୍ପିୟନ ଗୁଜରାଟ ପୁନର୍ବାର ସମ୍ପୂର୍ଣ୍ଣ ଷ୍ଟାଇଲରେ ଆଗେଇ ଚାଲିଛି ।
Comments are closed.