ଭୁବନେଶ୍ୱର: ସ୍ଥାନୀୟ କଳିଙ୍ଗ ଷ୍ଟାଡିୟମରେ ଆଜି ଏକ ବର୍ଣ୍ଣାଢ଼୍ୟ ପରିବେଶରେ ଇଣ୍ଟରକଣ୍ଟିନେଣ୍ଟାଲ ଫୁଟବଲ କପ ଆରମ୍ଭ ହୋଇଯାଇଛି । ପ୍ରଥମ ଥର ପାଇଁ ଜାତୀୟ ଫୁଟବଲ ଟିମ ଓଡିଶାରେ ମ୍ୟାଚ ଖେଳିବାକୁ ଯାଉଛି । ମୂଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହି ଅବସରରେ ଭାରତ ଏବଂ ମଙ୍ଗୋଲିଆ ଟିମର ଖେଳାଳିମାନଙ୍କୁ ସାକ୍ଷାତ କରିଥିଲେ । ଏଆଇଏଫଏଫ ସଭାପତି କଲ୍ୟାଣ ଚୌବେ ଓ ସେକ୍ରେଟାରୀ ଜେନେରାଲ ଶଜି ପ୍ରଭାକରନ ମଧ୍ୟ ଏହି ଅବସରରେ ଉପସ୍ଥିତ ଥିଲେ । ଓଡିଶାରେ ପୁନର୍ବାର ଆଉ ଏକ ଫୁଟବଲ ଟୁର୍ଣ୍ଣାମେଂଟ ଆୟୋଜିତ ହେଉଥିବାରୁ ମୁଁ ବ୍ୟକ୍ତିଗତ ଭାବେ ଖୁସି ଅଛି ।
ଭାରତର ଫୁଟବଲ ହବ ହେବାପାଇଁ ଓଡିଶାର ଚେଷ୍ଟା ଜାରୀ ରହିବ ବୋଲି ସେ କହିଛନ୍ତି । ଓଡିଶାର ଉଦୀୟମାନ ଫୁଟବଲରମାନେ ଏ ଭଳି ଆନ୍ତର୍ଜାତୀୟ ଟୁର୍ଣ୍ଣାମେଂଟ ମାଧ୍ୟମରେ ବହୁତ କିଛି ଶିକ୍ଷା ଲାଭ କରିପାରିବେ ବୋଲି କହିଛନ୍ତି । ଏଆଇଏଫଏଫ ସଭାପତିଙ୍କ ମୂଖ୍ୟମନ୍ତ୍ରୀ ଫୁଟବଲର ବିକାଶ ପାଇଁ ସମସ୍ତ ପ୍ରକାର ସୁବିଧା ସୁଯୋଗ ଯୋଗାଇଦେବେ ବୋଲି ଆଶ୍ୱସନା ଦେଇଥିଲେ । ସୂଚନାଯୋଗ୍ୟ, ଓଡିଶାରେ ୧୭ ବର୍ଷରୁ କମ ଫିଫା ମହିଳା ବିଶ୍ୱକପ, ଆଇଏସଏଲ, ଆଇଡବ୍ଲ୍ୟୁଏଲ, ସୁପରକପ ପରି ଟୁର୍ଣ୍ଣାମେଂଟ ସଫଳତାର ସହ ଆୟୋଜିତ ହୋଇସାରିଛି । ଓଡିଶା ସରକାରଙ୍କ ଯୋଗଦାନ ଏଥିପ୍ରତି ଗୁରୁତ୍ୱପୂର୍ଣ୍ଣ ରହିଛି ।
Comments are closed.