ଭାରତର ଜାତୀୟ ସଙ୍ଗୀତ ଗାନ କରିବାପରେ ମୋଦୀଙ୍କ ପାଦ ଛୁଇଁଲେ ଗାୟକ ମେରି ମିଲବେନ୍

ଓ୍ୱାଶିଂଟନ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ତିନି ଦିନିଆ ଆମେରିକା ଗସ୍ତର ଆଜି ଶେଷ ଦିନ। ଏହି ଅବସରରେ ପ୍ରଧାନମନ୍ତ୍ରୀ ମୋଦୀ ଏନଆରଆଇ ସମ୍ପ୍ରଦାୟକୁ ସମ୍ବୋଧିତ କରିଛନ୍ତି। ଏହି ସମାରୋହରେ ଆମେରିକାର କଣ୍ଠଶିଳ୍ପୀ ବା ଗାୟକ ମେରି ମିଲବେନ୍ ଭାରତର ଜାତୀୟ ସଂଗୀତ ଗାନ କରିଥିଲେ । ଏହାପରେ ପ୍ରଧାନମନ୍ତ୍ରୀ ମୋଦୀଙ୍କ ପାଦ ଛୁଇଁଥିଲେ। ମରିୟମଙ୍କ ଏଭଳି ଆଚରଣକୁ ନେଇ ସମସ୍ତେ ଭାବବିହୋଳ । ଜଣେ ଆମେରିକୀୟ ହୋଇ ଭାରତର ଜାତୀୟ ସଙ୍ଗୀତ ଓ ପ୍ରଧାନମନ୍ତ୍ରୀଙ୍କ ପ୍ରତି ସମ୍ମାନକୁ ନେଇ ଏବେ ପ୍ରତ୍ୟେକ ଭାରତୀୟ ନିଜ ନିଜର ମତାମତ ଜାହିର କରୁଛନ୍ତି। ମିଲବେନଙ୍କ ଏହି ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି।

ମେରି ମିଲବେନ ପ୍ରଧାନମନ୍ତ୍ରୀ ମୋଦୀଙ୍କ ସମାରୋହରେ ଅଂଶଗ୍ରହଣ କରି ଖୁସି ବ୍ୟକ୍ତ କରିଛନ୍ତି ଏବଂ ଏଠାରେ ଉପସ୍ଥିତ ଥିବାରୁ ସେ ଅତ୍ୟନ୍ତ ଗୌରବାନ୍ୱିତ ବୋଲି କହିଛନ୍ତି। ଯେତେବେଳେ ମିଲବେନ ଜାତୀୟ ସଙ୍ଗୀତ ଗାନ କରିଥିଲେ ଏବଂ ତାପରେ ପ୍ରଣାମ କରି ପ୍ରଧାନମନ୍ତ୍ରୀ ମୋଦୀଙ୍କ ପାଦ ଛୁଇଁଲେ, ସେଠାରେ ସମସ୍ତେ କରତଳା ଦେଇ ତାଙ୍କୁ ପ୍ରଶଂସା କରିଥିଲେ।

ଆମେରିକାର ଏହି ଗାୟକ ଜାତୀୟ ସଙ୍ଗୀତ ଶେଷ କରିବା ମାତ୍ରେ ପ୍ରଧାନମନ୍ତ୍ରୀ ମୋଦୀ ହାତ ହଲାଇବାରୁ ଆଗକୁ ଯାଇଥିଲେ, କିନ୍ତୁ ଗାୟକ ଜଣଙ୍କ ତାଙ୍କୁ ମୁଣ୍ଡିଆ ମାରୁଥିବା ଦେଖି ପ୍ରଧାନମନ୍ତ୍ରୀ ମୋଦୀ ନିଜେ ନଇଁଯାଇ ତାଙ୍କୁ ମୁଣ୍ଡିଆ ମାରିବାକୁ ଅଟକାଇଥିଲେ। ପରେ ମୋଦୀ ନିଜ ଆଡୁ ହାତ ବଢାଇ ହ୍ୟାଣ୍ଡସେକ କରିଥିଲେ। ବର୍ତ୍ତମାନ ମୁଲବେନ ଓ ମୋଦୀଙ୍କ ଏହି କିଛି ସମୟର ଭିଡିଓ କେବଳ ଭାରତରେ ନୁହେଁ ଆମେରିକାରେ ମଧ୍ୟ ପ୍ରଶଂସା କରାଯାଉଛି।

#WATCH | Award-winning international singer Mary Millben performs the National Anthem of India at the Ronald Reagan Building in Washington, DC pic.twitter.com/kBYkrnsu0N

— ANI (@ANI) June 23, 2023

ଅନ୍ତର୍ଜାତୀୟ ପୁରସ୍କାର ବିଜେତା ଏହି ଗାୟକ ମେରି ମୋଦୀଙ୍କୁ ପ୍ରଶଂସା କରି କହିଛନ୍ତି ଯେ ‘ମୋଦୀ ଅତ୍ୟନ୍ତ ଚମତ୍କାର ଏବଂ ଦୟାଳୁ ବ୍ୟକ୍ତି’। ତେହେ ଏହା ପୂର୍ବରୁ ଜୁନ୍ ୨୧ରେ ଅନ୍ତର୍ଜାତୀୟ ଯୋଗ ଦିବସ ଅବସରରେ ମିଲବେନ ମୋଦୀଙ୍କ ସହ ମିଳିତ ଜାତିସଂଘ ମୁଖ୍ୟାଳୟରେ ଉପସ୍ଥିତ ଥିଲେ। ଆଉ ଯୋଗ କାର୍ଯ୍ୟକ୍ରମରେ ଅଂଶଗ୍ରହଣ କରିଥିଲେ।

ମିଲବେନ୍ ତାଙ୍କ ଗୀତ ପାଇଁ ଭାରତରେ ବହୁତ ପ୍ରସିଦ୍ଧ। ଏହାପୂର୍ବରୁ ମରିୟମ ଭଗବାନ ବିଷ୍ଣୁଙ୍କ ପ୍ରାର୍ଥନା ‘ଓମ୍ ଜୟ ଜଗଦୀଶ ହେରେ’ ଗୀତ ମଧ୍ୟ ଗାଇଛନ୍ତି। ଏହି ଗୀତ ଦିପାବଳୀ ଅବସରରେ ବହୁତ ଲୋକପ୍ରିୟ ହୋଇଥିଲା। ଏଥିସହିତ, ଭାରତର ୭୪ ତମ ସ୍ୱାଧୀନତା ଦିବସ ଅବସରରେ ମେରି ଜାତୀୟ ସଂଗୀତ ଗାନ କରି ଚର୍ଚ୍ଚାର ଶିରୋନାମା ପାଲଟିଥିଲେ। ଗତବର୍ଷ ମେରିଙ୍କୁ ଭାରତ ଡକାଯାଇଥିଲା। ୭୬ ତମ ସ୍ୱାଧୀନତା ଦିବସରେ ମରିୟମଙ୍କୁ ଜାତୀୟ ସଙ୍ଗୀତ ଗାନ କରିବାକୁ ଡକାଯାଇଥିଲା। ଭାରତର ସ୍ୱାଧୀନତା ଦିବସ ଅବସରରେ ମେରି ପ୍ରଥମ ଆମେରିକୀୟ-ଆଫ୍ରିକୀୟ କଳାକାର ହୋଇଥିଲେ।