ନୂଆଦିଲ୍ଲୀ: ଭାରତରେ ହେବାକୁ ଥିବା ୨୦୨୩ ଦିନିକିଆ ବିଶ୍ୱକପ କ୍ରିକେଟ ପାଇଁ ମଙ୍ଗଳବାର ଆଇସିସି ପକ୍ଷରୁ ସମ୍ପୂର୍ଣ୍ଣ କାର୍ଯ୍ୟସୂଚୀ ଘୋଷିତ କରାଯାଇଛି । ୪୬ ଦିନରେ ଓଭରାଲ ୪୮ଟି ମ୍ୟାଚ ଖେଳାଯିବ । ଅକ୍ଟୋବର ୫ରେ ଅହମ୍ମଦାବାଦ ନରେନ୍ଦ୍ର ମୋଦି ଷ୍ଟାଡିୟମରେ ନ୍ୟୁଜିଲାଣ୍ଡ-ଇଂଲଣ୍ଡ ମଧ୍ୟରେ ଉଦଘାଟନୀ ମୁକାବିଲା ଖେଳାଯିବ । ଟୁର୍ଣ୍ଣାମେଂଟର ସବୁଠାରୁ ଚର୍ଚ୍ଚିତ ଭାରତ-ପାକିସ୍ତାନ ହାଇ ଭୋଲଟେଜ ମୁକାବିଲା ଅକ୍ଟୋବର ୧୫ରେ ଅହମ୍ମଦାବାଦରେ ଖେଳାଯିବ । ଅକ୍ଟୋବର ୮ରେ ଅଷ୍ଟ୍ରେଲିଆ ବିପକ୍ଷରେ ଭାରତ ତାର ଅଭିଯାନ ଆରମ୍ଭ କରିବ । ଏହି ମ୍ୟାଚ ଚେନ୍ନାଇରେ ଖେଳାଯିବ ।
Proud moment for India! Hosting the ICC Men's Cricket World Cup for the fourth time is an incredible honor. With 12 cities as the backdrop, we'll showcase our rich diversity and world-class cricketing infrastructure. Get ready for an unforgettable tournament! #CWC2023 @ICC @BCCI pic.twitter.com/76VFuuvpcK
— Jay Shah (@JayShah) June 27, 2023
ଏହା ପରେ ପରେ ଭାରତ ୧୧ରେ ଆଫଗାନିସ୍ତାନକୁ ଦିଲ୍ଲୀରେ ଭେଟିବ । ୧୯ରେ ବାଂଲାଦେଶକୁ ପୁଣେରେ, ୨୨ରେ ନ୍ୟୁଜିଲାଣ୍ଡକୁ ଧର୍ମଶାଳାରେ, ୨୯ରେ ଇଂଲଣ୍ଡକୁ ଲକ୍ଷ୍ନୌରେ ଓ ୨ ନଭେମ୍ବରରେ କ୍ୱାଲିଫାୟର ୨କୁ ମୁମ୍ବାଇରେ ଭେଟିବ । ୨ଟି ଯାକ ସେମିଫାଇନାଲ ୧୫ ଓ ୧୬ ନଭେମ୍ବରରେ ଯଥାକ୍ରମେ ମୁମ୍ବାଇ ଓ କୋଲକତାରେ ଖେଳାଯିବ । ଫାଇନାଲ ମ୍ୟାଚ ୧୯ରେ ଅହମ୍ମଦାବାଦରେ ଖେଳାଯିବ । ସମସ୍ତ ମ୍ୟାଚଗୁଡିକ ୧୦ଟି ସହରରେ ଖେଳାଯିବ । ସେଗୁଡିକ ହେଲା ଅହମ୍ମଦାବାଦ, ବାଙ୍ଗାଲୋର, ଚେନ୍ନାଇ, ଦିଲ୍ଲୀ, ଧର୍ମଶାଳା, ହାଇଦ୍ରାବାଦ, କୋଲକାତା, ଲକ୍ଷ୍ନୌ, ମୁମ୍ବାଇ ଓ ପୁଣେ । ୨୯ ସେପ୍ଟମ୍ବରରୁ ୩ ଅକ୍ଟୋବର ପର୍ଯ୍ୟନ୍ତ ଅଭ୍ୟାସ ମ୍ୟାଚ ହାଇଦ୍ରାବାଦ, ଗୋଆ ଓ ଥିରୁୱନ୍ତପୁରମରେ ଖେଳାଯିବ ।
Comments are closed.