କେନ୍ଦ୍ରାପଡ଼ା: ସାନିଟାଇଜର ଡବାରେ ଲାଗିଗଲା ନିଆଁ । ନିଆଁରୁ ବିସ୍ଫୋରଣ । ବିସ୍ଫୋରଣ ଏତେ ଭୟଙ୍କର ଥିଲା ଯେ, ଏଥିରେ ଦୁଇ ଭଉଣୀ ଗୁରୁତର ହୋଇ ପଡିଛନ୍ତି । ଏମିତି ଅଭାବନୀୟ ଘଟଣା ଦେଖିବାକୁ ମିଳିଛି କେନ୍ଦ୍ରାପଡା ଜିଲ୍ଲା ଆଳି ବ୍ଲକରେ ।
ଆଳି ବ୍ଲକ ଗୋବିନ୍ଦପୁର ଗାଁରେ ଆଜି ସକାଳ ପ୍ରାୟ ସାଢ଼େ ୮ଟା ବେଳେ ଘଟିଥିଲା ଏହି ଅଘଟଣ । ଚୁଲି ପାଖରେ ଥିବା ସାନିଟାଇଜର ଡବାରେ ନିଆଁଲାଗି ଭୟଙ୍କର ବିସ୍ଫୋରଣ ହୋଇଛି । ବିସ୍ଫାେରଣରେ ଦୁଇ ନାବାଳିକା ଭଉଣୀ ଗୁରୁତର ହେବାରୁ ସେମାନଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି । ଆହତ ଦୁଇ ଭଉଣୀ ହେଲେ ଗିରିଧାରୀ ମଳିକଙ୍କ ଝିଅ ଅଭିଲିପ୍ସା (୧୫) ଓ ସମୀକ୍ଷା (୧୦)।
ଚୁଲି ପାଖରେ ବସି ଅଭିଲିପ୍ସା ପୁରୀ ବେଲୁଥିଲାବେଳେ ପାଖରେ ଥିଲଷ ସାନ ଭଉଣୀ ସମୀକ୍ଷା । ଚୁଲି ପାଖରେ ଏକ ୫ ଲିଟିରିଆ ସାନିଟାଇଜର ଡବା ଥିଲା। ସାନିଟାଇଜର ଡବାଟି କେମିତି କେଜାଣି ନିଆଁ ସଂସ୍ପର୍ଶରେ ଆସି ଯାଇଥିଲା। ଫଳରେ ସାନିଟାଇଜର ଜଳିବା ସହ ଭୟଙ୍କର ବିସ୍ଫୋରଣ ହୋଇଥିଲା। ଡବାରୁ ସାନିଟାଇଜର ବାହାରି ୨ ଭଉଣୀଙ୍କ ଉପରେ ପଡିଥିଲା । ଫଳରେ ସେମାନଙ୍କ ଶରୀର ପୋଡି ଯାଇଥିଲା ।
Comments are closed.