ମୁମ୍ବାଇ: ବଲିଉଡ୍ ଅଭିନେତ୍ରୀ ଆଲିଆ ଭଟ୍ଟ ଏବେ ଖୁବ୍ ଚର୍ଚ୍ଚାରେ । ପାପାରାଜିଙ୍କ ଚପଲ ଉଠାଇ ହୃଦୟ ଜିତିଛନ୍ତି ଆଲିଆ । ଏହାର ଏକ ଭିଡ଼ିଓ ଏବେ ସୋସିଆଲ ମିଡ଼ିଆରେ ଖୁବ୍ ଭାଇରାଲ ହେବାରେ ଲାଗିଛି । ଏହାକୁ ଦେଖିବା ପରେ ଅନେକ ପ୍ରଶଂସକ ତାଙ୍କର ପ୍ରଶଂସା କରିଛନ୍ତି ।
ବଲିଉଡ଼ର ଲୋକପ୍ରିୟ ଅଭିନେତ୍ରୀଙ୍କ ମଧ୍ୟରୁ ଆଲିଆ ହେଉଛନ୍ତି ଅନ୍ୟତମ । ତାଙ୍କର ଆଗାମୀ ଫିଲ୍ମ ‘ରକି ଔର ରାନୀ କି ପ୍ରେମ କାହାଣୀ’ର ପ୍ରମୋଶନରେ ବ୍ୟସ୍ତ ଅଛନ୍ତି ଆଲିଆ । ଆସନ୍ତା ଜୁଲାଇ ୨୮ରେ ଏହି ଫିଲ୍ମ ରିଲିଜ୍ ହେବ । ଏଥିରେ ସେ ପୁଣି ଥରେ ରଣବୀର ସିଂଙ୍କ ସହ ନଜର ଆସିବେ । ତାଙ୍କ ଅଭିନୟକୁ ଲୋକେ ଖୁବ୍ ପସନ୍ଦ କରନ୍ତି । ନିକଟରେ ସେ ମା ସୋନି ରାଜଦାନ ଓ ଭଉଣୀ ଶାହିନ ଭଟ୍ଟଙ୍କ ସହ ଏକ ହୋଟେଲକୁ ଡ଼ିନର ପାଇଁ ଯାଇଥିଲେ । ହୋଟେଲରୁ ବାହରକୁ ଆସିବା ମାତ୍ରେ ପାପାରାଜିମାନେ ତାଙ୍କୁ ଘେରି ଯାଇଥିଲେ । ଏହି ସମୟରେ ଜଣେ ପାପାରାଜିଙ୍କ ଚପଲ ପାଦରୁ ଖସିପଡିଥିଲା । ଆଲିଆ ଚପଲଟି ଦେଖିବା ମାତ୍ରେ କାହାର ବୋଲି ବଡ଼ପାଟିରେ ପଚାରି ଥିଲେ । ଏହି ଚପଲଟି ପାପାରାଜିଙ୍କ ଜାଣିବା ପରେ ଆଲିଆ ନିଜ ହାତରେ ତାକୁ ଉଠାଇ ତାଙ୍କୁ ଦେଇଥିଲେ । ଏହାର ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି । ଆଲିଆଙ୍କ ଏପରି କାର୍ଯ୍ୟକୁ କିଛି ପ୍ରଂଶସକ ପ୍ରଶଂସା କରିଥିବାବେଳେ ଆଉ କିଛି ସମାଲୋଚନା କରିଛନ୍ତି ।
Comments are closed.