ଆଜିକାଲି ସୋସିଆଲ ମିଡ଼ିଆରେ ଭିଡ଼ିଓ କରିବା ପାଇଁ ସମସ୍ତେ ପାଗଳ । ଏଥିଲାଗି ସେମାନେ ନିଜ ଜୀବନକୁ ବାଜି ମଧ୍ୟ ଲଗାଇ ଦେଉଛନ୍ତି । ଏବେ ସେମିତି ଜଣେ ଯୁବକ ଭିଡ଼ିଓ ବନାଇବା ପାଇଁ ବାଘ ସହିତ ମଜା କରିବା ତାଙ୍କୁ ମହଙ୍ଗା ପଡ଼ିଛି । ଆଉ ବାଘଟି ତାଙ୍କର କ’ଣ କରିଛି ଦେଖିଲେ ଆପଣ ଚକିତ ହୋଇଯିବେ । ଏହି ଭିଡ଼ିଓ ଏବେ ସୋସିଆଲ ମିଡ଼ିଆରେ ଖୁବ୍ ଭାଇରାଲ ହେବାରେ ଲାଗିଛି ।
ଭାଇରାଲ ଭିଡ଼ିଓରେ ଦେଖିବାକୁ ମିଳିଛି ଯେ, ଏକ ପ୍ରାଣୀ ଉଦ୍ୟାନରେ ଗୋଟିଏ ବାଘ ଜନ୍ତା ଭିତରେ ରହିଛି । ଏହି ସମୟରେ ଜଣେ ଯୁବକ ତାର ବାଡ଼ ଭିତରେ ହାତ ପୁରାଉଛନ୍ତି । ବାଘଟି ତାଙ୍କ ପାଖକୁ ଧୀରେ ଧୀରେ ଆସୁଛି । ଯୁବକ ଜଣକ ହାତ ବାହାକୁ ନ ଆଣି ବାଘର ମୁଣ୍ଡକୁ ଆଉଁସିବାକୁ ଚେଷ୍ଟା କରୁଛନ୍ତି । ଯୁବକ ଜଣକ ଯେପରି ବାଘର ମୁଣ୍ଡକୁ ଛୁଇଁଛନ୍ତି, ହଠାତ୍ ବାଘଟି ରାଗିଯାଇ ତାଙ୍କ ହାତକୁ କାମୁଡ଼ି ଦେଉଛି । ଏହି ସମୟରେ ତାଙ୍କର ଭିଡ଼ିଓ ବନାଉଥିବା ଅନ୍ୟ ଜଣେ ଯୁବକ ଜଣକ ଚିତ୍କାର କରିବାକୁ ଲାଗୁଛନ୍ତି । ଚିତ୍କାର ଶୁଣି ବାଘଟି ତାଙ୍କ ହାତକୁ ଛାଡ଼ି ଦେଇଥିଲା । ଯୁବକଙ୍କ ହାତକୁ ବାଘ ଜୋରରେ କାମୁଡ଼ି କ୍ଷତାକ୍ତ କରିଦେଇଛି । ଏହି ଭିଡିଓ ଦେଖିବା ପରେ ଅନେକ ଲୋକ ନକରାତ୍ମକ ମନ୍ତବ୍ୟ ଦେଇଛନ୍ତି ।
Comments are closed.