ପୁରୀ: ପୁରୀ ଶ୍ରୀମନ୍ଦିର ପଶ୍ଚିମ ଦ୍ୱାରରେ ଜଣେ ଭକ୍ତଙ୍କଠାରୁ ଲାଞ୍ଚ ନେଉଥିବା ଅଭିଯୋଗରେ OSAP ର ଭାରତୀୟ ରିଜର୍ଭ ବ୍ୟାଟାଲିୟନ (ଆଇଆରବିଏନ୍) ଜଣେ ସିପାହୀଙ୍କୁ ଶନିବାର ନିଲମ୍ବିତ କରାଯାଇଛି । ସେ ମନ୍ଦିର ଭିତରକୁ ଯିବା ପାଇଁ ଅନୁମତି ଦେବା ଲାଗି ଜଣେ ଭକ୍ତଙ୍କଠାରୁ ଲାଞ୍ଚ ନେଉଥିବା ଅଭିଯୋଗ ହୋଇଥିଲା ।
ସୂଚନାନୁସାରେ, ମନ୍ଦିରକୁ ଆସୁଥିବା ଭକ୍ତଙ୍କ ଉପରେ ଉପରେ ନଜର ରଖିବା ପାଇଁ ପଶ୍ଚିମ ଦ୍ୱାରରେ ଆଇଆରବିଏନ୍ ଯବାନ ଶୁଭାଶୀଷ ଦାସଙ୍କୁ ନିୟୋଜିତ କରାଯାଇଥିଲା । ମନ୍ଦିର ପ୍ରଶାସନର କଟକଣା ଅନୁଯାୟୀ, ଭକ୍ତମାନଙ୍କୁ କେବଳ ପୂର୍ବ ଫାଟକ ଦେଇ ମନ୍ଦିରରେ ପ୍ରବେଶ କରିବାକୁ ଅନୁମତି ଦିଆଯାଇଛି। ବାକି ତିନୋଟି ଫାଟକ କେବଳ ମନ୍ଦିରର ସେବକମାନଙ୍କ ଦ୍ୱାରା ବ୍ୟବହୃତ ହୋଇଥାଏ ।
ଏକ ଭିଡିଓରେ ଦେଖିବାକୁ ମିଳିଛି, ପଶ୍ଚିମ ଦ୍ୱାରରେ ଜଣେ ଭକ୍ତ ଯବାନଙ୍କୁ କିଛି ଟଙ୍କା ଦେଇ ମନ୍ଦିର ଭିତରକୁ ଯିବାକୁ ଅନୁମତି ନେଉଛି । ଏହି ଭିଡିଓ ଭାଇରାଲ ସୋସିଆଲ ମିଡିଆରେ ଭାଇରାଲ ହେବାପରେ ଅନ୍ୟ ଭକ୍ତଙ୍କ ମଧ୍ୟରେ ତୀବ୍ର ଅସନ୍ତୋଷ ଦେଖାଦେଇଥିଲା। ଏହି ଘଟଣା ପରେ ପୁରୀ ଏସପି କାନୱାର ବିଶାଲ ସିଂ ଯବାନଙ୍କୁ ନିଲମ୍ବନ କରିବା ସହ ଘଟଣାର ତଦନ୍ତ ପାଇଁ ନିର୍ଦ୍ଦେଶ ଦେଇଛନ୍ତି ।
ସୂଚନାଯୋଗ୍ୟ ଯେ, ଶ୍ରୀମନ୍ଦିରର ଚାରି ଦ୍ୱାର ଖୋଲିବା ପାଇଁ ଏବେ ଦାବି ଜୋର ଧରିଛି । ଏହାକୁ ନେଇ ବିରୋଧୀ ଦଳ ନେତାଙ୍କ ସମେତ ଜଗନ୍ନାଥ ସେନା, ସାଧାରର ଭକ୍ତ ସମସ୍ତେ ସ୍ୱର ଉଠାଇଛନ୍ତି । COVID ମହାମାରୀ ସମୟରେ ତିନି ଦ୍ୱାର ବନ୍ଦ କରାଯାଇଥିଲା । ଏବେ କୋଭିଡ ଭୟ ଆଉ ନ ଥିବାରୁ ଏହି କଟକଣା ହଟାଇବାକୁ ସମସ୍ତେ ଦାବି କରିଛନ୍ତି ।
Comments are closed.