ମୁମ୍ବାଇ: ଗଦର ୨ର ଅଦ୍ଭୁତପୂର୍ବ ସଫଳତା ପରେ ସନୀ ଦେଓଲଙ୍କୁ ଅନେକ ଫିଲ୍ମ ଅଫର ହେଉଥିବା ବିଭିନ୍ନ ୱେବସାଇଟରେ ଖବର ପ୍ରକାଶ ପାଉଛି । ପ୍ରଥମେ ବର୍ଡର ୨ ଓ ଏବେ ମା ତୁଝେ ସଲାମକୁ ନେଇ ଚର୍ଚ୍ଚା ଜୋର ଧରିଛି । ଏପରିକି ମା ତୁଝେ ସଲାମର ସିକ୍ୱେଲ ଫଟୋ ମଧ୍ୟ ପ୍ରକାଶ ପାଇଛି । ଅବଶ୍ୟ ଏଥିରେ ଅଭିନେତା କିମ୍ବା ନିର୍ଦ୍ଦେଶକଙ୍କ ନାମ ଉଲ୍ଲେଖ ରହି ନାହିଁ । ଏହି ସବୁ ଖବର ପ୍ରସାରିତ ହେବା ପରେ ସନୀ ଦେଓଲ ସୋସିଆଲ ମିଡିଆରେ ମୁହଁ ଖୋଲିଛନ୍ତି । ସେ ସ୍ପଷ୍ଟ ଭାବେ ଲେଖିଛନ୍ତି ଯେ, ମୁଁ ଗଦର ୨ ସଫଳତା ନେଇ ବେଶ ଖୁସି ଅଛି । ଏ ପର୍ଯ୍ୟନ୍ତ କୌଣସି ଫିଲ୍ମ ସାଇନ କରି ନାହିଁ । କୌଣସି ନୂତନ ଫିଲ୍ମ ସାଇନ କଲେ ଆପଣମାନଙ୍କୁ ନିଶ୍ଚିତ ଭାବେ ଜଣାଇ ଦିଆଯିବ ।
ବର୍ଡର ୨ ସାଇନ କରିଥିବା ନେଇ ଜୋର ଧରିଥିଲେ ମଧ୍ୟ ଏଥିରେ ଏବେ ବିରାମ ଲାଗିଛି । ମା ତୁଝେ ସଲାମ ୨୦୦୨ରେ ରିଲିଜ ହୋଇଥିଲା । ଏଥିରେ ସନୀ ମେଜର ପ୍ରତାପ ସିଂଙ୍କ ରୋଲ କରିଥିଲେ । ଟିନୁ ବର୍ମା ଏହାର ନିର୍ଦ୍ଦେଶନା ଦେଇଥିଲେ । ଏବେ ପ୍ରସାରିତ ପୋଷ୍ଟରରେ ଏହାର ବହୁ ଚର୍ଚ୍ଚିତ ଡାଇଲାଗ ଦୁଧ..ମାଗେଂରେ ପରିବର୍ତନ କରାଯାଇଛି । ଏଥିରେ ଲେଖାଯାଇଛି ଦୁଧ ମାଗୋଁଗେ ତୋ କ୍ଷୀର ଦେଂଗେ, କଶ୍ମୀର ମାଗୋଁଗୋ ତୋ ଲାହୋର ଭି ଛିନ ଲେଂଗେ ।
Comments are closed.