ବମ୍ବେ: ମୁମ୍ବାଇ: ବଲିଉଡ ଅଭିନେତ୍ରୀ ଦିଶା ପାଟନୀ ଫିଲ୍ମ ଅପେକ୍ଷା ତାଙ୍କ ବ୍ୟକ୍ତିଗତ ଲାଇଫକୁୁ ନେଇ ସବୁବେଳେ ଚର୍ଚ୍ଚାରେ ରହିଥାନ୍ତି । ସେ ବଲିଉଡ ଅଭିନେତା ଟାଇଗର ଶ୍ରଫଙ୍କୁ ଡେଟ କରୁଥିବା ନେଇ ଇଣ୍ଡଷ୍ଟ୍ରିରେ ଚର୍ଚ୍ଚା ଜୋର ଧରିଥିଲା । କାରଣ ଉଭୟଙ୍କୁ ଅନେକ ଇଭେଣ୍ଟ ଓ ହୋଟେଲରେ ଏକାଠି ଦେଖିବାକୁ ମିଳେ । ପ୍ରଶଂସକମାନେ ସେମାନଙ୍କର ଅନସ୍କ୍ରିନ ଏବଂ ଅଫସ୍କ୍ରିନ କେମେଷ୍ଟ୍ରିକୁ ବହୁତ ପସନ୍ଦ କରୁଥିଲେ । ପରେ ସେମାନଙ୍କ ମଧ୍ୟରେ ବ୍ରେକଅପ ହୋଇଥିବା ନେଇ ଚର୍ଚ୍ଚା ହୋଇଥିଲା । କୁହାଗଲା ଯେ ଦିଶା ଏବଂ ଟାଇଗର ଅଲଗା ହୋଇଯାଇଛନ୍ତି । ଏହାପରଠାରୁ ଉଭୟଙ୍କୁ ଆଉ ଏକାଠି ଦେଖିବାକୁ ମିଳିଲା ନାହିଁ । ତେଣୁ ଲୋକେ ସେମାନେ ଅଲଗା ହୋଇଯାଇଥିବା ନେଇ ସ୍ପଷ୍ଟ ହୋଇଗଲେ । ଏସବୁ ଭିତରେ ଏବେ ଦିଶାଙ୍କୁ ନୂଆ ବୟଫ୍ରେଣ୍ଡ ମିଳିଯାଇଛି । ଦିଶାଙ୍କୁ ଏବେ ଅଭିନେତା ଆଲେକ୍ସଜାଣ୍ଡାର ଆଲେକ୍ସିକଙ୍କ ସହ ଦେଖିବାକୁ ମିଳୁଛି ।
ଏବେ ଦିଶା ବିଭିନ୍ନ କାର୍ଯ୍ୟକ୍ରମରେ ଆଲେକ୍ସଜାଣ୍ଡାରଙ୍କ ସହ ନଜର ଆସୁଛନ୍ତି । ସେମାନେ ପରସ୍ପରର ଅତି ନିକଟତର ହୋଇଯାଇଛନ୍ତି । ନିକଟରେ ଦିଶା ଏକ ଭିଡିଓରେ ତାଙ୍କୁ ପ୍ରେମିକ ବୋଲି କହିଥିଲେ । ଏବେ ଆଲେକ୍ସଜାଣ୍ଡର ମଧ୍ୟ ନିଜ ବାହୁରେ ଦିଶାଙ୍କ ଫଟୋର ଟାଟୁ କରି ସମ୍ପର୍କ ପକ୍କା ବୋଲି ପରୋକ୍ଷରେ କହିଛନ୍ତି ।
Comments are closed.