ମୁମ୍ବାଇ: ଫିଲ୍ମମେକର ବିବେକ ଅଗ୍ନିହୋତ୍ରୀଙ୍କ ଦି ଭ୍ୟାକ୍ସିନ ୱାର ସେପ୍ଟମ୍ବର ୨୮ରେ ରିଲିଜ ହେବ । ଦି କଶ୍ମୀର ଫାଇଲ୍ସ ପରେ ବିବେକଙ୍କ ଏହି ଫିଲ୍ମ ପ୍ରତି ଦର୍ଶକଙ୍କ ଉତ୍କଣ୍ଠା ରହିଛି । ନିକଟରେ ଅଭିନେତା ଆର.ମାଧବନ ଏହି ଫିଲ୍ମର ସ୍କ୍ରିନିଂ ଯୋଗ ଦେଇଥିଲେ । ଫିଲ୍ମ ଦେଖିବା ପରେ ସେ ଏହାର ଭୂୟସୀ ପ୍ରଶଂସା କରିଛନ୍ତି । କରୋନା ମହାମାରୀ ସମୟରେ ଆମ ବୈଜ୍ଞାନିକଙ୍କ ଉଦ୍ୟମ ନିଶ୍ଚିତ ଭାବେ ଆପଣଙ୍କୁ ଗୌରବାନ୍ୱିତ କରିବ । ଫିଲ୍ମ ଦେଖିବା ପରେ ଆପଣ ତାଳି ନ ବଜେଇ ରହିପାରିବେ ନାହିଁ ବୋଲି ସେ କହିଛନ୍ତି ।
ବିବେକ ଜଣେ ଭଲ ନିର୍ଦ୍ଦେଶକ । ସେ ଯେଉଁ ଭଳି ଢ଼ଙ୍ଗରେ କାହାଣୀକୁ ପରଦାରେ ଦେଖାଇଛନ୍ତି ତାହାର ଯେତେ ପ୍ରଶଂସା କରାଯିବ କମ ହେବ । କରୋନା ମହାମାରୀ ସମୟରେ କିପରି ଭ୍ୟାକ୍ସିନ ପ୍ରସ୍ତୁତ କରିବା ପାଇଁ ଆମ ବୈଜ୍ଞାନିକମାନେ କିପରି ବିଭିନ୍ନ ପ୍ରକାରର ଅସୁବିଧାର ସମ୍ମୁଖୀନ ହୋଇଥିଲେ ତାହା ଏଥିରେ ଦର୍ଶାଯାଇଛି । ନାନା ପାଟେକର, ପଲ୍ଲବୀ ଯୋଶୀ, ଅନୁପମ ଖେର, ରାଇମା ସେନଙ୍କ ପରି କଳାକାର ଏଥିରେ ଚମତ୍କାର ଅଭିନୟ କରିଛନ୍ତି ।
Comments are closed.