ଉତ୍ତରପ୍ରଦେଶ : ଆଜିକାଲି ଅନେକ ଯୁବପିଢୀ ସୋସିଆଲ ମିଡ଼ିଆରେ ଲୋକପ୍ରିୟ ହେବା ପାଇଁ କୌଣସି ବି କାମ କରିବାକୁ ପଛାଉ ନାହାନ୍ତି । ଏମିତି କି କିଛି ପିଲା ନିଜ ଜୀବନକୁ ବାଜି ଲଗାଇ ମଧ୍ୟ ଭିଡ଼ିଓ ବନାଉଛନ୍ତି । ଏବେ ଉତ୍ତରପ୍ରଦେଶର ଜଣେ ଯୁବକ ଲୋକପ୍ରିୟ ହେବା ପାଇଁ ରେଳ ଧାରଣାରେ ଭିଡ଼ିଓ କରି ନିଜ ଜୀବନକୁ ବାଜି ଲଗାଇଛନ୍ତି । ଏହାର ଏକ ଭିିଡ଼ିଓ ସୋସିଆଲ ମିଡ଼ିଆରେ ଭାଇରାଲ ହେଉଛି, ଯାହାକୁ ଦେଖିଲେ ଆପଣ ଆଶ୍ଚର୍ଯ୍ୟ ହୋଇଯିବେ ।
ଭାଇରାଲ ଭିଡ଼ିଓରେ ଦେଖିବାକୁ ମିଳିଛି ଯେ, ଉତ୍ତରପ୍ରଦେଶର ବାରବାଙ୍କି ଅଞ୍ଚଳର କିଶୋର ଫାର୍ମାନ ନାମକ ଜଣେ ଯୁବକ ରେଳ ଧାରଣାରେ ଠିଆ ହୋଇ ରିଲ୍ସ କରୁଥିଲେ । ସେ ରିଲ୍ସ କରିବାରେ ଏମିତି ମସଗୁଲ୍ ହୋଇଯାଇଥିଲେ ଯେ, ଟ୍ରେନ ଆସିବା ଜାଣିପାରିଲେ ନାହିଁ । ଟ୍ରେନକୁ ତାଙ୍କୁ ଧକ୍କା ଦେଇଥିଲା । ଫଳରେ ସେ ଗୁୁରୁତର ଆହତ ହୋଇଥିଲେ । ତାଙ୍କୁ ସଙ୍ଗେ ସଙ୍ଗେ ସ୍ଥାନୀୟ ହସପିଟାଲରେ ଭର୍ତ୍ତି କରାଯାଇଥିଲା । କିଶୋରଙ୍କ ଆଖିରେ ଜୋର ଆଘାତ ଲାଗିଥିବା ବେଳେ ଶରୀରର ବିଭିନ୍ନ ସ୍ଥାନରେ କ୍ଷତ ସୃଷ୍ଟି ହୋଇଛି ।
Comments are closed.