ମୁମ୍ବାଇ: ମଝି ଆକାଶରେ ସାଉଥ୍ ଅଭିନେତ୍ରୀ ରଶ୍ମିକା ମନ୍ଦନାଙ୍କୁ ଚୁମ୍ବନ ଦେଲେ ବଲିଉଡ଼ ଅଭିନେତା ରଣବୀର କପୁର । ଏବେ ଏହାର ଏକ ଫଟୋ ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଛି । ଭାଇରାଲ ଫଟୋରେ ଉଭୟ ପରସ୍ପରକୁ ଚୁମ୍ବନ ଦେଉଥିବା ନଜର ଆସିଛିି । ବିମାନରେ ବସିଥିବା ବେଳେ ଉଭୟ ଚୁମ୍ବନ ଦେଉଥିବା ଦେଖିବାକୁ ମିଳିଛି ।
ତେବେ ଭାଇରାଲ ହେଉଥିବା ଫଟୋଟି ହେଉଛି ଫିଲ୍ମ ‘ଆନିମଲ’ର । ଏହାର ଟିଜର ସାମ୍ନାକୁ ଆସିସାରିଥିବା ବେଳେ ଫିଲ୍ମ ରିଲିଜକୁ ଉତ୍ସାହର ସହ ଅପେକ୍ଷା କରିଛନ୍ତି ଦର୍ଶକ । ଏମଧ୍ୟରେ ଦର୍ଶକଙ୍କ ଉତ୍ସାହ ବଢ଼ାଇବା ପାଇଁ ରଶ୍ମିକା, ରଣବୀରଙ୍କ ସହ ଏକ ଫଟୋ ସେୟାର କରାଯାଇଛି, ଯେଉଁଥିରେ ସେ ପରସ୍ପରକୁ ଚୁମ୍ବନ ଦେଉଛନ୍ତି । ଏହି ଫଟୋ ସେୟାର କରି ଫିଲ୍ମରେ ଥିବା ଗୀତ ‘ହୁଆ ମେଁ’ ଆସନ୍ତାକାଲି ରିଲିଜ୍ ହେବ ବୋଲି ସୂଚନା ଦେଇଛନ୍ତି ଅଭିନେତ୍ରୀ ।
ତେବେ ଏହି ଫିଲ୍ମଟି ଡିସେମ୍ବର ୧ ତାରିଖରେ ହିନ୍ଦୀ, ତେଲୁଗୁ, ତାମିଲ, କନ୍ନଡ, ମାଲାୟାଲମ୍ ସମେତ ଅନେକ ଭାଷାରେ ପ୍ରେକ୍ଷାଳୟରେ ରିଲିଜ୍ ହେବ । ଏଥିରେ ରଣବୀର, ରଶ୍ମିକା ମନ୍ଦନା, ବବି ଦେଓଲ୍, ଅନିଲ କପୁର ଏବଂ ତ୍ରୁପ୍ତି ଡିମ୍ରି ପ୍ରମୁଖ ଭୂମିକାରେ ନଜର ଆସିବେ ।
Comments are closed.