ଚେନ୍ନାଇ: ତାମିଲନାଡୁ ଶିବକାଶୀର ୨ଟି ସ୍ଥାନରେ ବିସ୍ଫୋରଣ । ବାଣ କାରଖାନାରେ ବିସ୍ଫୋରଣ ଯୋଗୁଁ ଏଥିରେ ୧୩ ଜଣଙ୍କର ପ୍ରାଣହାନୀ ଘଟିଥିବା ସୂଚନା ମିଳିଛି । ଏହି ସମସ୍ତ ମୃତକ ଉକ୍ତ ବାଣଗୋଦାମରେ କାମ କରୁଥିବା ଜଣାପଡିଛି । ଘଣାଟାସ୍ଥଳରେ ଅଗ୍ନିଶମବାହିନୀ ପହଞ୍ଚି ନିଆଁକୁ ଆୟତ୍ତ କରିଛି ।
ପୋଲିସର ସୂଚନାନୁସାରେ, ପ୍ରଥମେ ଶିବକାଶୀର ବିରୁଧୁନଗରରେ ଥିବା ଏକ ବାଣ କାରଖାନାରେ ନିଆଁ ଲାଗିଥିବାର ସୂଚନା ମିଳିଥିଲା । ଉକ୍ତ ସ୍ଥାନକୁ ଅଗ୍ନିଶମବାହିନୀର ଏକ ଟିମ ପଠାଯାଇ ନିଆଁକୁ ଆୟତ୍ତକରାଯାଇଥିବାବେଳେ, କମ୍ମାପଟ୍ଟି ଗାଁରେ ଥିବା ଆଉ ଏକ ବାଣ କାରଖାନାରେ ବିସ୍ଫୋରଣ ହେବାର ସୂଚନା ମିଳିଥିଲା। ତେବେ କେଉଁ କାରଣରୁ ଏହି ବିସ୍ଫୋରଣ ଘଟିଛି ତାହା ଏଯାବତ ଜଣାପଡିନାହିଁ ।
ତେବେ ଆଗକୁ ଦିପାବଳୀ ଥିବାବେଳେ ଏହାକୁ ଦୃଷ୍ଟିରେ ରଖି ଏହି ବାଣ କାରଖାନା ଗୁଡିକରେ ଯୋରସୋରରେ ବାଣ ତିଆରି କାର୍ଯ୍ୟ ଚାଲୁଥିଲା । ଯାହାଫଳରେ କୌଣସି ପ୍ରକାର ଅସାବଧାନତା କାରଣରୁ ଏତେ ବଡ ଧରଣର ଦୁର୍ଘଟଣା ଘଟିଥିବା ଅନୁମାନ କରାଯାଉଛି।
Comments are closed.