ନୂଆଦିଲ୍ଲୀ : ଦିଲ୍ଲୀ ଡେରାଡୁନ୍ ଜାତୀୟ ରାଜପଥରେ ମର୍ମନ୍ତୁଦ ଦୁର୍ଘଟଣା ଘଟିଛି । ଆଜି ସକାଳୁ ଏକ କାର୍ ଏବଂ ଟ୍ରକ୍ ମୁହାଁମୁହିଁ ଧକ୍କା ହୋଇଛି । ଫଳରେ ଏଥିରେ ୬ଜଣଙ୍କର ଜୀବନ ଚାଲିଯାଇଛି । ସୂଚନା ମୂତାବକ ଆଜି ୬ ଜଣ ବ୍ୟକ୍ତି ଏକ କାର୍ ରେ ଦିଲ୍ଲୀରୁ ହରିଦ୍ବାର ଯାଉଥିଲେ । ହଠାତ୍ ଛପାର ଥାନା ନିକଟରେ କାରଟି ଭାରସାମ୍ୟ ହରାଇ ଏକ ଟ୍ରକ ତଳେ ପଶିଯାଇଥିଲା ।
ଫଳରେ କାର୍ ରେ ଥିବା ୬ଜଣ ସାଙ୍ଗଙ୍କର ମୃତ୍ୟୁ ଘଟିଥିଲା । ସକାଳ ପ୍ରାୟ ୪ଟା ସମୟରେ ଏହି ଅଘଟଣ ଘଟିଥିଲା । ଦୁର୍ଘଟଣା ପରେ ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ସମସ୍ତଙ୍କୁ ଗୁରୁତର ଅବସ୍ଥାରେ ନିକଟସ୍ଥ ହସ୍ପିଟାଲରେ ଭର୍ତ୍ତି କରିଥିଲା । ହେଲେ ଡାକ୍ତର ସେଠାରେ ସମସ୍ତଙ୍କୁ ମୃତ ଘୋଷଣା କରିଥିଲେ । ପୋଲିସ ଘଟଣାରେ ଅଧିକ ଛାନଭିନ୍ ଜାରି ରଖିଛି ।
Comments are closed.