ପୁଞ୍ଚ: ଜମ୍ମୁ କଶ୍ମୀରରେ ହୋଇଥିବା ଆତଙ୍କବାଦୀ ଆକ୍ରମଣରେ ଶହୀଦଙ୍କ ସଂଖ୍ୟା ଚାରିକୁ ବୃଦ୍ଧି ପାଇଛି। ଗୁରୁବାର ସନ୍ଧ୍ୟାରେ ଆତଙ୍କବାଦୀମାନେ ସେନା ଗାଡି ଉପରେ ଗୁଳି ଚଳାଇଥିଲେ। ଏହି ଆକ୍ରମଣରେ ତିନିଜଣ ସୈନିକ ଘଟଣାସ୍ଥଳରେ ଶହୀଦ ହୋଇଥିବାବେଳେ ଅନ୍ୟ ତିନିଜଣ ଆହତ ହୋଇଥିଲେ। ସୂଚନା ଅନୁଯାୟୀ, ଚତୁର୍ଥ ସୈନିକ ମଧ୍ୟ ଡାକ୍ତରଖାନାରେ ମୃତ୍ୟୁ ସହ ଲଢିବା ପରେ ବିଳମ୍ବିତ ରାତିରେ ଶେଷ ନିଶ୍ବାସ ନେଇଛନ୍ତି।
ସୂଚନାନୁସାରେ, ଏହି ଆତଙ୍କବାଦୀ ଆକ୍ରମଣ ରଜୌରୀ ସେକ୍ଟରର ଥାନାମାଣ୍ଡି ଅଞ୍ଚଳରେ ଦୁଇଟି ସେନା ଗାଡି ଉପରେ ଘଟିଥିଲା। ପୁଞ୍ଚ ଜିଲ୍ଲାର ସୁରାନକୋଟ ତହସିଲର ବାଫଲିଆଜ ପୋଲିସ ଷ୍ଟେସନ ମାଣ୍ଡି ରୋଡକୁ ଯାଉଥିବା ଏକ ସେନା ଗାଡିକୁ ଟାର୍ଗେଟ କରି ଆକ୍ରମଣ କରାଯାଇଥିଲା।
ଆହତ ସୈନିକମାନଙ୍କୁ ସେନା ଡାକ୍ତରଖାନାରେ ଭର୍ତ୍ତି କରାଯାଇଛି। ସମାନ ଅଞ୍ଚଳରେ ସର୍ଚ୍ଚ ଅପରେସନ୍ ଚାଲିଛି ଢ ସର୍ଚ୍ଚ ଅପରେସନ ବେଳେ କିଶଟୱର ପୋଲିସ ଆତଙ୍କବାଦୀ ପରଭେଜ ଅହମ୍ମଦ ଛଦ୍ମନାମ ହରିସଙ୍କୁ ଗିରଫ କରିବାରେ ସଫଳ ହୋଇଛି। ଗତ ୧୮ ବର୍ଷ ଧରି ଭାରତୀୟ ପୋଲିସ ଆତଙ୍କବାଦୀଙ୍କୁ ଖୋଜୁଥିଲା।
ଏହି ଘଟଣା ପରେ ଜମ୍ମୁ କଶ୍ମୀରରେ ସୁରକ୍ଷା କଡାକଡି କରାଯାଇଛି ଏବଂ ସମସ୍ତ ଆସୁଥିବା ଏବଂ ଯାଉଥିବା ଯାନ ଯାଞ୍ଚ କରାଯାଉଛି।
Comments are closed.