ପ୍ରାଚୀନ କାଳରୁ ହିଁ ‘ମାଆ’ଙ୍କ ସମ୍ମାନର୍ଥେ ପର୍ବ

ଭୁବନେଶ୍ବର: “ମାଆ” ଅମୂଲ୍ୟ ସେ ଶବ୍ଦ । ସୃଷ୍ଟିର ସେ ଅନନ୍ୟ ସମ୍ପଦ । ମାଆ ଥରେ ଡାକି ଦେଲେ ମନରେ ଆନ୍ଦୋଳିତ ହେଉଥିବା ଅସୁମାରୀ ପ୍ରଶ୍ନର  ଯେପରି ଉତ୍ତର ମିଳିଯାଏ । କୁହାଯାଏ ଭଗବାନ ସମସ୍ତଙ୍କୁ ସମାନ ଖୁସି ଦେଇପାରନ୍ତିନି ବୋଲି ସେ ସମସ୍ତଙ୍କୁ ମାଆ ଦେଇଛନ୍ତି । ଯେ ତାର ପଣତ କାନି ଆଢୁଆଳରେ ମନର ସବୁ ଦୁଃଖ, କ୍ଲାନ୍ତ ଏବଂ ଅବସାଦକୁ ମୁହୂର୍ତ୍ତକେ ଦୂର କରିଥାଏ । ସେଥିପାଇଁ ପାଇଁ ତ କୁହାଯାଏ ‘ମାଆ ପରି କିଏ ସେ ହେବ’ ।

ନିଜର ସମସ୍ତ ସ୍ବାର୍ଥ ଛାଡି ଯେ ସମସ୍ତଙ୍କୁ ଆପଣାଇନିଏ ସେ ହେଉଛି ‘ମାଆ’ । ନିଜ ଭାଗର ସବୁ କିଛି ଯେ ନିଦ୍ବନ୍ଦରେ ଦେଇପାରେ ସେ ହେଉଛି ‘ମାଆ’ । ବିନା ଛୁଟି ଓ ବିନା ଦରମାରେ ଯେ ନିଜ କର୍ତ୍ତବ୍ୟ ପାଇଁ ସବୁ ବେଳେ ତତ୍ପର ଥାଏ ତା ନାଁ ପରା ‘ମାଆ’ । ନାରୀତ୍ବର ଅନନ୍ୟ ରୂପ ‘ମାଆ’ । ସେ ମାଆ ପାଇଁ ଲେଖା ଆରମ୍ଭ କଲେ ବୋଧେ ଶବ୍ଦ କମ୍ ପଡିଯିବ ହେଲେ ବାଖ୍ୟା ସରିବନି । ସେଇ ମାଆ ପାଇଁ ଆଜିର ଏ ଦିନଟିଏ । ସେମିତିତ ମାଆ ପାଇଁ ଦିନ ବାର ବର୍ଷ ଯୁଗ ସବୁ କମ୍ ପଡିଯିବ । ହେଲେ ତା ଋଣ କେବେ ସୁଝିି ହେବ ନାହିଁ, କି ସେ ଯାହା ଆମ ପାଇଁ କରିଛି ତା ପାଇଁ କରିବା ତାହା ଆଗରେ ଅତି ନଗଣ୍ୟ । କିନ୍ତୁ ପ୍ରତିବର୍ଷ ଏହି ଦିନଟି ଆସିଲେ କାହିଁକି କେଜାଣି ମନ ଭରିଉଠେ । ସବୁ ଦିନ ଯାହା ବି କର କିନ୍ତୁ ଏହି ଦିନରେ ମାଆକୁ ଟିକେ ‘ହାପି ମଦର୍ସ ଡେ’ କହିଦେଲେ ଲାଗେ ଯେମିତି ମାଆର ସବୁ କଷ୍ଟକୁ ଟିକିଏ ଆରାମ ଦେଲା ପରି । ଆଉ ଏହା ପରେ ତାର ମୁହଁରେ ଯେଉଁ ପୂର୍ଣ୍ଣ ହସଟି ଫୁଟିଉଠେ, ତାହା ସବୁରି ଉପରେ ।

ତେବେ ମାତୃ ଦିବସ, ମା’ଙ୍କ ସମ୍ମାନାର୍ଥେ ଛୁଟିଦିନ ଯାହା ସାରା ବିଶ୍ୱରେ ପାଳନ କରାଯାଏ । ପ୍ରତିବର୍ଷ ମେ’ ମାସ ଦ୍ବିତୀୟ ରବିବାରକୁ ହିଁ ମାତୃ ଦିବସ ରୂପେ ଭାରତ ସମେତ ଅନେକ ଦେଶ ପାଳନ କରିଆସୁଛନ୍ତି । ମାଆର ତ୍ୟାଗ, ବଳିଦାନ ପାଇଁ ଏହି ଦିନଟିକୁ ଉତ୍ସର୍ଗ କରାଯାଇଛି ।

ଏହା ଆଧୁନିକ ରୂପରେ ଛୁଟିଦିନରେ ହିଁ ଆମେରିକାରେ ଆରମ୍ଭ ହୋଇଥିଲା, ଯେଉଁଠାରେ ଏହା ମେ ମାସର ଦ୍ୱିତୀୟ ରବିବାରରେ ପାଳନ କରାଯାଏ | ଅନ୍ୟ ଅନେକ ଦେଶ ମଧ୍ୟ ଏହି ତାରିଖରେ ମାତୃ ଦିବସ ପାଳନ କରୁଥିବାବେଳେ କେତେକ ବର୍ଷର ଅନ୍ୟ ସମୟରେ ମଧ୍ୟ ପାଳନ କରନ୍ତି | ମଧ୍ୟଯୁଗରେ ଯେଉଁମାନେ ଯାଇଥିଲେ, ସେମାନେ ଲେଣ୍ଟ(ଏକ ପ୍ରକାର ଖ୍ରୀଷ୍ଟୀୟ ଉପବାସ)ର ଚତୁର୍ଥ ରବିବାର ଦିନ ନିଜ ଘର ପ୍ୟାରିସ୍ ଏବଂ ସେମାନଙ୍କ ମାତାଙ୍କୁ ଦେଖା କରିବାକୁ ଅନୁମତି ପାଇଥିଲେ | ଯେଉଁକାରଣରୁ ବ୍ରିଟେନରେ ଏହା ମାତୃତ୍ୱ ରବିବାର ହୋଇଗଲା ।

ମାତୃ ଦିବସ କିଏ ସୃଷ୍ଟି କଲା?

ମେ ୧୦, ୧୯୦୮ରେ, ଆମେରିକୀୟ କାର୍ଯ୍ୟକର୍ତ୍ତା ଆନ୍ନା ଜାରଭିସ୍, ଯିଏ ପ୍ରଥମ ମାତୃ ଦିବସ ପାଳନ କରିଥିଲେ ବୋଲି ବିବେଚନା କରାଯାଏ |ଫିଲାଡେଲଫିଆର ଆନ୍ନା ଜାରଭିସ୍,ମାତୃ ଦିବସ ଆରମ୍ଭ କରିଥିଲେ | ମେ ୧୨, ୧୯୦୭ ରେ, ସେ ପଶ୍ଚିମ ଭର୍ଜିନିଆର ଗ୍ରାଫଟନ୍ ସ୍ଥିତ ତାଙ୍କ ମାତାଙ୍କ ଚର୍ଚ୍ଚରେ ଏକ ସ୍ମୃତି ସଭା କରିଥିଲେ। ପାଞ୍ଚ ବର୍ଷ ମଧ୍ୟରେ ପ୍ରାୟ ପ୍ରତ୍ୟେକ ରାଜ୍ୟ ଏହି ଦିନକୁ ମାତୃ ଦିବସ ରୂପେ ପାଳନ କରୁଥିଲେ ।

ତେବେ ଏ ପରମ୍ପରା, ମା ଏବଂ ମାତା ଦେବୀଙ୍କୁ ସମ୍ମାନିତ କରିବା ପର୍ବ ପ୍ରାଚୀନ କାଳରୁ ହିଁ ଆରମ୍ଭ ହୋଇଥିଲା | ଫ୍ରିଗୀୟମାନେ ଗ୍ରୀକ୍ସ ପରି ଭଗବାନଙ୍କ ମହାନ ମାତା ସାଇବେଲେଙ୍କ ପାଇଁ ଏକ ପର୍ବ ଆୟୋଜନ କରିଥିଲେ। ସେହିଭଳି, ରୋମୀୟମାନେ ଏହି ଅଭ୍ୟାସକୁ ନିଜ ନିଜ ଅନୁସାରେ ପାଳନ କରିଥିଲେ । କେତେକ ଦେଶ ପ୍ରାଚୀନ ପର୍ବ ପାଳନ କରିବା ମଧ୍ୟ ଜାରି ରଖିଛନ୍ତି । ଯେମିତିକି ଦୁର୍ଗା-ପୂଜା, ଦେବୀ ଦୁର୍ଗାଙ୍କୁ ସମ୍ମାନ ଜଣାଇ, ଆମ ଦେଶ ଭାରତରେ ପାଳନ କରାଯାଏ ।