କେଉଁଠି ହିଂସା, କେଉଁଠି ଶାନ୍ତି, ସବୁଠୁ ବେଶୀ ଇଭିଏମ ତ୍ରୁଟି; ଏହାରି ଭିତରେ ସରିଲା ୨୪ ନିର୍ବାଚନ

ଭୁବନେଶ୍ୱର: ସରିଲା ୨୦୨୪ ନିର୍ବାଚନ। ଦେଶରେ ମୋଟ ୭ ଟି ରାଜ୍ୟରେ ୪ ଟି ପର୍ଯ୍ୟାୟରେ ଅନୁଷ୍ଠିତ ହୋଇଥିବା ଉଭୟ ଲୋକସଭା ଓ ବିଧାନସଭାର ଆଜି ଥିଲା ଶେଷ ପରୀକ୍ଷା। ଜୁନ୍ ୪ ରେ ଜଣାପଡ଼ିବ କାହାର ହେବ ଗାଦି? ତେବେ ଏଥର ନିର୍ବାଚନ ସବୁଠୁ ନିଆରା ଥିଲା। ଶାସକ ଓ ବିରୋଧି ଦଳ ମଧ୍ୟରେ ଏଥର ଟକ୍କର ରୋଚକ ଥିଲା। ଏହାରି ଭିତରେ ଅନେକ ସ୍ଥାନରେ ହିଂସାକାଣ୍ଡ ମଧ୍ୟ ଦେଖିବାକୁ ମିଳିଥିଲା। ଅନେକ ସ୍ଥାନରେ ଶାନ୍ତିପୂର୍ଣ୍ଣ ଭାବରେ ଭୋଟ ଗ୍ରହଣ ହୋଇଥିଲେ ମଧ୍ୟ ସବୁଠୁ ବେଶୀ ଅଭିଯୋଗ ଆସିଥିଲା ଇଭିଏମ ତ୍ରୁଟିର। ଆଉ ଇଭିଏମ୍ ତ୍ରୁଟିକୁ ନେଇ ଅନେକ ଜାଗାରେ ହିଂସା ହୋଇଥିବା ମଧ୍ୟ ଅଭିଯୋଗ ହୋଇଛି। ଅନେକ ଜାଗାରେ ଏଥିପାଇଁ ଭୋଟ ଗ୍ରହଣରେ ବିଳମ୍ବ ମଧ୍ୟ ହୋଇଥିଲା। ଏହି କାରଣରୁ ଭିଭିପାଟ୍ ରୁ ଭୋଟିଂ ସ୍ଲିପ ମଧ୍ୟ ବାହାରିଥିଲା। ଯାହାକୁ ନେଇ ଅସନ୍ତୋଷ ପ୍ରକାଶ କରିଥିଲେ ମତଦାତା।
ତେବେ ଗତଥର ଅପେକ୍ଷା ଏଥର କମ୍ ସଂଖ୍ୟକ ତ୍ରୁଟି ଦେଖିବାକୁ ମିଳିଥିଲା ବୋଲି କହିଛନ୍ତି ମୁଖ୍ୟ ନିର୍ବାଚନ ଅଧିକାରୀ। ସେ କହିଛନ୍ତି ଚଳିତ ନିର୍ବାଚନରେ ଇଭିଏମ୍ ଓ ଭିଭିପାଟରେ ହୋଇଥିବା
ତ୍ରୁଟି ସାମାନ୍ୟ। ଏହା କେବଳ ଖରା ଓ ପାଗ ପାଇଁ ଦେଖା ଦେଇଥିଲା ବୋଲି ସେ ମତ ପ୍ରକାଶ କରିଛନ୍ତି।
ନିର୍ବାଚନ ଅଧିକାରୀଙ୍କ କହିବା ଅନୁଯାୟୀ, ଆଜିର ପର୍ଯ୍ୟାୟରେ ଦିନ ଗୋଟାଏ ସୁଦ୍ଧା ମୋଟ୍ ୧୨୯ ଟି ବାଲଟ ୟୁନିଟ, ୧୮୯ ଟି କଣ୍ଟ୍ରୋଲ ୟୁନିଟ, ଏବଂ ୫୧୫ ଟି ବଦଳାଯାଇଥିଲା। ତେବେ ଏଭଳି ସ୍ଵାଭାବିକ ତ୍ରୁଟି ଭିତରେ ପୂର୍ବ ନିର୍ବାଚନ ଅପେକ୍ଷା ଏଥର ଅଧିକ ଶାନ୍ତିଶୃଙ୍ଖଳା ସହିତ ନିର୍ବାଚନ ଶେଷ ହୋଇଛି। ଖାଲି ଜୁନ୍ ୪ କୁ ଅପେକ୍ଷା, କ’ଣ ହେବ ଫଳାଫଳ?