ନୂଆଦିଲ୍ଲୀ : ଗଣତି ଆରମ୍ଭ ହୋଇଗଲାଣି | ଆରମ୍ଭ ହେବାକୁ ଯାଉଛି ମୋଦି ୩.୦ କାଳ | ଲଗାତାର ତୃତୀୟ ଥର ପାଇଁ ପ୍ରଧାନମନ୍ତ୍ରୀ ଭାବେ ଶପଥ ନେବାକୁ ଯାଉଛନ୍ତି ନରେନ୍ଦ୍ର ମୋଦି | ଏହା ସହିତ ଶପଥ ନେବେ ପ୍ରାୟ ୬୫ କ୍ୟାବିନେଟ ମନ୍ତ୍ରୀ | ସେଥିପାଇଁ ପୁନଃଗଠିତ ହୋଇଯାଇଛି ମୋଦି ସରକାରଙ୍କ ନୂଆ କ୍ୟାବିନେଟ | ଅମିତ ଶାହା, ରାଜନାଥ ସିଂ , ନିତିନ ଗଡ଼କରୀ, ନିର୍ମଳା ସୀତାରମଣଙ୍କ ଭଳି ଅନେକ ମନ୍ତ୍ରୀଙ୍କୁ ପୁଣି ସୁଯୋଗ ମିଳିଥିବା ବେଳେ ଏଥର ବାଦ ପଡିଯାଇଛନ୍ତି ଦ୍ୱିତୀୟ କ୍ୟାବିନେଟରେ ବହୁ ଗୁରୁତ୍ୱପୂର୍ଣ୍ଣ ପଦବୀରେ ଥିବା ଅନେକ ମନ୍ତ୍ରୀ | ସେମାନଙ୍କ ମଧ୍ୟରୁ ସ୍ମୃତି ଇରାନୀ , ଅନୁରାଗ ଠାକୁର ଓ ରାଜୀବ ଚନ୍ଦ୍ରଶେଖରଙ୍କ ଭଳି ମନ୍ତ୍ରୀ ରହିଛନ୍ତି |
ତେବେ ଚଳିତ ନିର୍ବାଚନରେ ସଂଖ୍ୟା ଗରିଷ୍ଠତା ହାସଲ କରିପାରିନାହିଁ ବିଜେପି | ସରକାର ଗଢିବାକୁ ବିଜେପି ନେତୃତ୍ୱଧୀନ ଏନଡିଏ ସହଯୋଗୀଙ୍କ ସାଥ ଲୋଡିଛି ବିଜେପି | ତେଣୁ କ୍ୟାବିନେଟରେ ଏଥର ଏନଡିଏ ସହଯୋଗୀଙ୍କୁ ବି ସ୍ଥାନ ଦିଆଯାଉଛି | ଏହି କାରଣରୁ ଅନେକ ବିଜେପି ମନ୍ତ୍ରୀ ଏଥର ବାଦ ପଡିଛନ୍ତି | ପ୍ରାୟ ପୂର୍ବ କ୍ୟାବିନେଟର ୨୦ ଜଣଙ୍କୁ ଏଥର କ୍ୟାବିନେଟରେ ଅନ୍ତର୍ଭୁକ୍ତ କରାଯାଇନାହିଁ |
ତେବେ ଯେଉଁ ନେତାମାନେ ଏଥର କ୍ୟାବିନେଟରେ ସ୍ଥାନ ପାଇନାହାନ୍ତି ସେମାନଙ୍କ ମଧ୍ୟରେ ରହିଛନ୍ତି ସ୍ମୃତି ଇରାନୀ, ଅନୁରାଗ ଠାକୁର, ରାଜୀବ ଚନ୍ଦ୍ରଶେଖର, ଅଜୟ ମିଶ୍ର ଟେନି, ଜେନେରାଲ ଭି.କେ ସିଂ, ଅଶ୍ୱିନୀ ଚୌବେ, ନାରାୟଣ ରାଣେ, ଅଜୟ ଭଟ୍ଟ, ସାଧବୀ ନିରଂଜନ ଜ୍ୟୋତି, ମୀନାକ୍ଷୀ ଲେଖୀ, ରାଜକୁମାର ରଂଜନ ସିଂ, ଆର.କେ ସିଂ, ଅର୍ଜୁନ ମୁଣ୍ଡା, ନିଶିଥ ପ୍ରେମାନିକ, ସୁଭାଷ ସାର୍କ, ଜନ ବାର୍ଲା, ଭାରତୀ ପାନୱାର,ରାଓସାହେବ ଦାନଭେ, କପିଲ ପାଟିଲ, ନାରାୟଣ ରାଣେ ଏବଂ ଭାଗବତ କରଦରେଙ୍କ ନାମ ରହିଛି।
ତେବେ ଏହି ନେତାଙ୍କ ମଧ୍ୟରୁ କେତେକ ଚଳିତ ନିର୍ବାଚନରେ ପରାଜିତ ହୋଇଥିବା ବେଳେ ଆଉ କିଛି ଏଥର ଲୋକସଭା ଟିକେଟ ପାଇନଥିଲେ | ଏହା ବ୍ୟତୀତ ଏହା ମଧ୍ୟରୁ ଅନେକ ନେତା ନିର୍ବାଚନରେ ଜିତିଥିଲେ ମଧ୍ୟ ଚଳିତ କ୍ୟାବିନେଟରୁ ବାଦ ପଡିଛନ୍ତି |
BREAKING NEWS
- ସଫଳ ମହିଳା ଉଦ୍ୟୋଗୀ : କଳ୍ପନା ସରୋଜ
- ପହଞ୍ଚିଲେ ମୁଖ୍ୟମନ୍ତ୍ରୀ, ଜନତାଙ୍କ ଅଭିଯୋଗ ଶୁଣିବେ
- ମୃତ ସ୍ତ୍ରୀକୁ ଡାକ୍ତରଖାନାରେ ଛାଡ଼ି ସ୍ବାମୀ ଫେରାର
- କାର୍ ଦୁର୍ଘଟଣାଗ୍ରସ୍ତ; ଗାଡ଼ି ତଳେ ଚାପି ହୋଇଗଲେ ୨ ଜଣ, ଜଣେ ମୃତ ଓ ୩ ଗୁରୁତର
- ଦେଶରେ ନୂଆ ଆଇନ, ଭାରତୀୟ ନ୍ୟାୟ ସଂହିତାରେ ରୁଜ୍ଜୁ ହେଲା ପ୍ରଥମ ମାମଲା
- ସପ୍ତଶଯ୍ୟା ପାହାଡ଼ରେ ୫ ନିଖୋଜ ଛାତ୍ର ଉଦ୍ଧାର
- ବିଷାକ୍ତ ଛତୁ ଖାଇ ୧୧ ଅସୁସ୍ଥ, ୫ ଜଣଙ୍କ ଅବସ୍ଥା ଗୁରୁତର
- ଆଜିଠୁ ମୁଖ୍ୟମନ୍ତ୍ରୀଙ୍କ ଅଭିଯୋଗ ଶୁଣାଣି ଶିବିର, ଅଭିଯୋଗ ପ୍ରକୋଷ୍ଠରେ ନିୟମିତ ଶୁଣିବେ ଲୋକଙ୍କ ସମସ୍ୟା
- ୫୪ ଲକ୍ଷ ଟଙ୍କାରୁ ଉର୍ଦ୍ଧ୍ୱ ସାଇବର ଠକେଇ ମାମଲାରେ ଭଦ୍ରକର ୬ ଜଣଙ୍କୁ ଗିରଫ କଲା ମୁମ୍ବାଇ ପୋଲିସ
- ଇତିହାସ ହୋଇଯିବ ଆଇପିସି, ଆଜିଠୁ ନୂଆ ଅପରାଧିକ ଆଇନ ଲାଗୁ