ମୁମ୍ବାଇ: ପୁଷ୍ପା: ଦ ରୁଲ- ପାର୍ଟ୨ ଚଳିତ ବର୍ଷର ବହୁ ପ୍ରତୀକ୍ଷିତ ଚଳଚ୍ଚିତ୍ର ମଧ୍ୟରୁ ଗୋଟିଏ। ଅଲୁ ଅର୍ଜୁନଙ୍କ ଫିଲ୍ମର ପ୍ରଥମ ଭାଗ ଦର୍ଶକ ବହୁତ ପସନ୍ଦ କରିଛନ୍ତି। ବର୍ତ୍ତମାନ ଦର୍ଶକ ପାର୍ଟ୨ କୁ ଅପେକ୍ଷା କରିଛନ୍ତି। ପୁଷ୍ପାର ଲୋକପ୍ରିୟତା ଦେଖି ଅଲ୍ଲୁ ଅର୍ଜୁନଙ୍କ ପ୍ରଶଂସକମାନେ ଉତ୍ସାହର ସହିତ ଏହି ଫିଲ୍ମକୁ ଅପେକ୍ଷା କରିଛନ୍ତି । ହେଲେ ଏହି ଫିଲ୍ମ ରିଲିଜ ହେବା ପୂର୍ବରୁ ଏହାର କ୍ଲାଇମେକ୍ସ ଦୃଶ୍ୟ ଭାଇରାଲ ହେବାରେ ଲାଗିଛି।
ଏହାପୂର୍ବରୁ ପୁଷ୍ପା ୨ ଅଗଷ୍ଟରେ ପ୍ରେକ୍ଷାଳୟରେ ମୁକ୍ତିଲାଭ କରିବାର ଥିଲା, କିନ୍ତୁ ପ୍ରଡକ୍ସନ୍ କାମ ଶେଷ ହୋଇନଥିବାରୁ ଫିଲ୍ମର ନିର୍ମାତାମାନେ ଚଳିତ ବର୍ଷ ଶେଷରେ ଫିଲ୍ମ ରିଲିଜ୍ କରିବାକୁ ନିଷ୍ପତ୍ତି ନେଇଛନ୍ତି। ବର୍ତ୍ତମାନ ପୁଷ୍ପା-୨ ରିଲିଜ ହେବା ପୂର୍ବରୁ କ୍ଲାଇମାକ୍ସ ଦୃଶ୍ୟ ଭାଇରାଲ ହେବାରେ ଲାଗିଛି।
ଏହି ଫିଲ୍ମର ଏକ ଦୃଶ୍ୟ ସୋସିଆଲ ମିଡିଆରେ ଭାଇରାଲ ହେଉଛି। ଯେଉଁଥିରେ ଏହି ଫିଲ୍ମର ସୁଟିଂ ଚାଲିଛି। ସୋସିଆଲ ମିଡିଆରେ ଦାବି ହେଉଛି ଯେ ଏହା ହେଉଛି ଅଲ୍ଲୁ ଅର୍ଜୁନଙ୍କ ଫିଲ୍ମ ପୁଷ୍ପା ୨ ର କ୍ଲାଇମାକ୍ସ ଦୃଶ୍ୟର ସୁଟିଂ। ମାତ୍ର ଏହାର ସ୍ପଷ୍ଟତା ମିଳିନାହିଁ । ଏହି ଭିଡିଓ ସୋସିଆଲ ମିଡିଆରେ ଅଧିକ ଭାଇରାଲ ହେବାରେ ଲାଗିଛି। ଅନେକ ସୋସିଆଲ ମିଡିଆ ବ୍ୟବହାରକାରୀମାନେ ଏହି ଭିଡିଓକୁ ବହୁତ ପସନ୍ଦ କରିଛନ୍ତି।
ସୂଚନାଯୋଗ୍ୟ ଯେ ପୁଷ୍ପା୨ ପ୍ରାୟ ୫୦୦ କୋଟି ଟଙ୍କା ବଜେଟରେ ପ୍ରସ୍ତୁତ କରାଯାଉଛି। ଅଲ୍ଲୁ ଅର୍ଜୁନ ଏବଂ ରଶ୍ମିକା ମନ୍ଦନା ମୁଖ୍ୟ ଭୂମିକାରେ ଅଛନ୍ତି। ଚଳିତ ବର୍ଷ ରିଲିଜ୍ ହେବାକୁ ଥିବା ଏହା ହେଉଛି ସବୁଠାରୁ ବଡ ଚଳଚ୍ଚିତ୍ର ଏବଂ ଏହା ଏକ ବୃହତ ପ୍ୟାନ୍ ଇଣ୍ଡିଆ ଚିତ୍ତାକର୍ଷକ ହେବାର ସମସ୍ତ ମାନଦଣ୍ଡ ପୂରଣ କରିବ ବୋଲି ଆଶା କରାଯାଉଛି। ଏହାପୂର୍ବରୁ ଏହି ଚଳଚ୍ଚିତ୍ର ଅଗଷ୍ ୧୫ଟରେ ରିଲିଜ ହେବାର ଥିଲା କିନ୍ତୁ ବର୍ତ୍ତମାନ ଡିସେମ୍ବର ୬କୁ ସ୍ଥାନାନ୍ତରିତ ହୋଇଛି।
Comments are closed.