ମୋବାଇଲ୍ ଫୋନ୍ ଏବେ ସାରା ପୃଥିବୀରେ ବହୁଳ ଭାବରେ ବ୍ୟବହୃତ ହେଉଛି। ମୋବାଇଲ୍ ଫୋନ୍ ବା ସେଲୁଲାର୍ ଫୋନ୍ ଏବେ ଆଧୁନିକ ଟେଲି ଯୋଗାଯୋଗର ଏକ ଅଭିନ୍ନ ଅଙ୍ଗ ପାଲଟିଛି। ସାରା ପୃଥିବୀର ଅଧାରୁ ଅଧିକ ବ୍ୟକ୍ତି ଏବେ ମୋବାଇଲ୍ ଫୋନ୍ ବ୍ୟବହାର କରୁଛନ୍ତି। ଅନ୍ୟାନ୍ୟ ଫୋନ୍ ତୁଳନାରେ ମୋବାଇଲ୍ ଫୋନ୍ ସର୍ବାଧିକ ଭରସାଯୋଗ୍ୟ ସାବ୍ୟସ୍ତ ହୋଇଛି। ମୋବାଇଲ୍ ଫୋନ୍ର ବହୁଳ ବ୍ୟବହାର କାରଣରୁ ଜନସାଧାରଣଙ୍କ ଉପରେ ଏହାର ପ୍ରଭାବ ବିଷୟରେ ଅନୁସନ୍ଧାନ କରିବା, ବୁଝିବା ଓ ସାବଧାନତା ଅବଲମ୍ବନ କରିବା ଗୁରୁତ୍ୱପୂର୍ଣ୍ଣ ହୋଇଯାଇଛି। ଅତ୍ୟଧିକ ମୋବାଇଲ ବ୍ୟବହାର କଲେ ହୁଏ କି ବ୍ରେନ୍ କ୍ୟାନ୍ସର ? ଏନେଇ ଏକ ରିପୋର୍ଟ ପ୍ରକାଶ ପାଇଛି।
ବିଶ୍ୱ ସ୍ୱାସ୍ଥ୍ୟ ସଂଗଠନ ଏକ ନୂତନ ରିପୋର୍ଟରେ କହିଛି ଯେ ମୋବାଇଲ୍ ଫୋନ୍ ବ୍ୟବହାର କରିବା ଦ୍ୱାରା ମସ୍ତିଷ୍କ କର୍କଟ ହୁଏ ନାହିଁ। ବିଶ୍ୱର ଅନେକ ଲୋକ ବେତାର ଟେକ୍ନୋଲୋଜି ବ୍ୟବହାର କରିଛନ୍ତି, କିନ୍ତୁ ମସ୍ତିଷ୍କ କର୍କଟ ରୋଗ ବୃଦ୍ଧି ପାଇନାହିଁ ବୋଲି ମଙ୍ଗଳବାର ଦିନ ଏହି ରିପୋର୍ଟ ଆସିଛି। ଯେଉଁମାନେ ମୋବାଇଲ ଫୋନରେ ଦୀର୍ଘ ସମୟ ଧରି ବ୍ୟବହାର କରିଛନ୍ତି ଏବଂ କଥାବାର୍ତ୍ତା କରନ୍ତି କିମ୍ବା ଦଶ ବର୍ଷରୁ ଅଧିକ ସମୟ ଧରି ମୋବାଇଲ୍ ଫୋନ୍ ବ୍ୟବହାର କରୁଛନ୍ତି ସେମାନଙ୍କ କ୍ଷେତ୍ରରେ ଏହି ପରୀକ୍ଷା କରାଯାଇଥିଲା।
ଚୂଡ଼ାନ୍ତ ରିପୋର୍ଟରେ ୧୯୯୪ରୁ ୨୦୨୨ ମଧ୍ୟରେ କରାଯାଇଥିବା ୬୩ଟି ଅଧ୍ୟୟନ ଅନ୍ତର୍ଭୁକ୍ତ, ଯାହା ଅଷ୍ଟ୍ରେଲିଆ ସରକାରଙ୍କ ରେଡିଏସନ୍ ପ୍ରୋଟେକ୍ସନ୍ ଅଥରିଟି ସମେତ ୧୦ଟି ଦେଶର ୧୧ ଅନୁସନ୍ଧାନକାରୀଙ୍କ ଦ୍ୱାରା ମୂଲ୍ୟାଙ୍କନ କରାଯାଇଥିଲା। ନ୍ୟୁଜିଲ୍ୟାଣ୍ଡର ଅକଲ୍ୟାଣ୍ଡ ବିଶ୍ୱବିଦ୍ୟାଳୟର କର୍କଟ ମହାମାରୀ ବିଭାଗର ପ୍ରଫେସର ମାର୍କ ଏଲଉଡ୍ କହିଛନ୍ତି ଯେ ଏହି ଅଧ୍ୟୟନରେ ମୋବାଇଲ୍ ଫୋନ୍ ତଥା ଟିଭି, ଶିଶୁ ମନିଟର ଏବଂ ରାଡାରରେ ବ୍ୟବହୃତ ହେଉଥିବା ରେଡିଓଫ୍ରିକ୍ୱେନ୍ସିର ପ୍ରଭାବ ଆକଳନ କରାଯାଇଛି।
ସେ କହିଛନ୍ତି, ଅତ୍ୟଧିକ ମୋବାଇଲ ବ୍ୟବହାର କଲେ ବ୍ରେନ୍ କ୍ୟାନ୍ସର ହୁଏ ନାହିଁ। ଏହି ରିପୋର୍ଟରେ ବୟସ୍କ ଏବଂ ଶିଶୁମାନଙ୍କ ମସ୍ତିଷ୍କର କର୍କଟ, ପିଟ୍ୟୁଟାରୀ ଗ୍ରନ୍ଥି, ଲାଳ ଗ୍ରନ୍ଥି ଏବଂ ଲ୍ୟୁକେମିଆ କ୍ୟାନ୍ସର ଏବଂ ମୋବାଇଲ୍ ଫୋନ୍ ବ୍ୟବହାର, ବେସ୍ ଷ୍ଟେସନ୍ କିମ୍ବା ଟ୍ରାନ୍ସମିଟର ଦ୍ୱାରା ସୃଷ୍ଟି ହେଉଥିବା ବିପଦ ଉପରେ ମଧ୍ୟ ଅଧ୍ୟୟନ କରାଯାଇଥିଲା।
ଏହି ରିପୋର୍ଟ ଆସିବା ପୂର୍ବରୁ ସମାନ ଏଭଳି ରିପୋର୍ଟ ଆସିଥିଲା। ବିଶ୍ୱ ସ୍ୱାସ୍ଥ୍ୟ ସଂଗଠନ ଏବଂ ଅନ୍ୟାନ୍ୟ ଆନ୍ତର୍ଜାତୀୟ ସ୍ୱାସ୍ଥ୍ୟ ସଂଗଠନ ପୂର୍ବରୁ କହିଥିଲେ ଯେ ମୋବାଇଲ୍ ଫୋନରୁ ନିର୍ଗତ ହେଉଥିବା ବିକିରଣର କୌଣସି କ୍ଷତି ହୁଏ ନାହିଁ, କିନ୍ତୁ ସେମାନେ ଅଧିକ ଅନୁସନ୍ଧାନ ପାଇଁ କହିଥିଲେ। ଏହା ବର୍ତ୍ତମାନ ଆନ୍ତର୍ଜାତୀୟ ଏଜେନ୍ସି ଫର ରିସର୍ଚ୍ଚ ଅନ୍ କ୍ୟାନସର (IARC) ସମ୍ଭବଜନୀତ କର୍କିନୋଜେନିକ୍ କିମ୍ବା ଶ୍ରେଣୀ ୨ ବି ଶ୍ରେଣୀଭୁକ୍ତ ହୋଇଛି। ପୂର୍ବରୁ ଇଣ୍ଟରନ୍ୟାସନାଲ ଏଜେନ୍ସି ଫର୍ ରିସର୍ଚ୍ଚ ଅନ୍ କ୍ୟାନସର୍ ମୋବାଇଲ୍ ଫୋନ୍ରୁ ଉତ୍ପନ୍ନ ହେଉଥିବା ବୈଦ୍ୟୁତିକ ଚୁମ୍ବକୀୟ କ୍ଷେତ୍ରକୁ ମନୁଷ୍ୟମାନଙ୍କ ପାଇଁ ସମ୍ଭବତଃ କାର୍ସିନୋଜେନିକ ବା କର୍କଟର କାରଣ ଭାବରେ ବର୍ଗୀକୃତ କରିଥିଲା। ସେବେଠାରୁ ମୋବାଇଲ୍ ଫୋନ୍ ବ୍ୟବହାରର ସମ୍ଭାବ୍ୟ ଦୀର୍ଘକାଳୀନ ପ୍ରଭାବଗୁଡ଼ିକ ବିଷୟରେ ଅଧିକ ଜାଣିବା ପାଇଁ ବିଭିନ୍ନ ଅଧ୍ୟୟନ ଚାଲିଥିଲା।
Comments are closed.