ଭାରତର ଏହି ୫ଟି ରାଜ୍ୟରେ ରହିଛି ସବୁଠୁ ଅଧିକ ଜଙ୍ଗଲ …

ନୂଆଦିଲ୍ଲୀ: ସମଗ୍ର ବିଶ୍ୱ ପାଇଁ ଜଙ୍ଗଲ ଅତ୍ୟନ୍ତ ଗୁରୁତ୍ୱପୂର୍ଣ୍ଣ l ଅମ୍ଳଜାନର ମୁଖ୍ୟ ଉତ୍ସ ସାଜିଥାନ୍ତି ଏହି ଜଙ୍ଗଲମାନେ l ଜଙ୍ଗଲ କେବଳ ଉଦ୍ଭିଦ ଏବଂ ଜୀବଜନ୍ତୁଙ୍କ ଘର ନୁହେଁ, ଜଳବାୟୁ, ଜମି ସଂରକ୍ଷଣ ଏବଂ ସ୍ଥାନୀୟ ସମ୍ପ୍ରଦାୟର ଜୀବନଶୈଳୀ ଉପରେ ମଧ୍ୟ ଏହାର ଗଭୀର ପ୍ରଭାବ ପଡିଥାଏ l ଭାରତର କେତେକ ରାଜ୍ୟ ସେମାନଙ୍କ ଜଙ୍ଗଲ ସମ୍ପଦ ପାଇଁ ବିଶେଷ ଭାବରେ ଜଣାଶୁଣା l ତେବେ କଣ ଆପଣ ଜାଣନ୍ତି କି ଆମ ଦେଶର କେଉଁ ରାଜ୍ୟରେ ସର୍ବାଧିକ ସଂଖ୍ୟକ ଜଙ୍ଗଲ ଅଛି ? ଆସନ୍ତୁ ଜାଣିବା ସେ ବିଷୟରେ …

ମଧ୍ୟପ୍ରଦେଶ ​

ମଧ୍ୟପ୍ରଦେଶକୁ ଭାରତର “ବନ ପ୍ରଦେଶ” ବା “ଜଙ୍ଗଲ ରାଜ୍ୟ” କୁହାଯାଏ l ଏହି ରାଜ୍ୟ ବିସ୍ତୃତ ଜଙ୍ଗଲ କ୍ଷେତ୍ର ପାଇଁ ଜଣାଶୁଣା l ମଧ୍ୟପ୍ରଦେଶର ପ୍ରାୟ 77,486 ବର୍ଗ କିଲୋମିଟର ( ପ୍ରାୟ 25% ଜମି ) ଜଙ୍ଗଲ କ୍ଷେତ୍ର ରହିଛି l ଏଠାରେ ଥିବା ପ୍ରମୁଖ ଜଙ୍ଗଲରେ ବାନ୍ଧବଗଡ ଜାତୀୟ ଉଦ୍ୟାନ, କାହ୍ନl ଜାତୀୟ ଉଦ୍ୟାନ ଏବଂ ସତପୁଡା ଜାତୀୟ ଉଦ୍ୟାନ ଅନ୍ତର୍ଭୁକ୍ତ l ଏହି ଅଞ୍ଚଳ ବାଘ, ଚିତାବାଘ ଏବଂ ଅନ୍ୟ ବନ୍ୟ ପ୍ରାଣୀମାନଙ୍କ ପାଇଁ ପ୍ରସିଦ୍ଧ l ମଧ୍ୟପ୍ରଦେଶର ଜଙ୍ଗଲ କ୍ଷେତ୍ର ରାଜ୍ୟର ପରିବେଶ ସନ୍ତୁଳନ ବଜାୟ ରଖିବାରେ ଏକ ବିଶେଷ ଭୂମିକା ଗ୍ରହଣ କରିଥାଏ ଏବଂ ସ୍ଥାନୀୟ ଆଦିବାସୀ ସମ୍ପ୍ରଦାୟର ଜୀବନରେ ମଧ୍ୟ ଏକ ପ୍ରମୁଖ ଭୂମିକା ଗ୍ରହଣ କରିଥାଏ ।

ଛତିଶଗଡ

ଛତିଶଗଡର ଜଙ୍ଗଲ କ୍ଷେତ୍ର ମଧ୍ୟ ଖୁବ ବିସ୍ତୃତ ଅଟେ, ଯାହା ଭାରତର ସମୁଦାୟ ଜଙ୍ଗଲ କ୍ଷେତ୍ରର ଏକ ଗୁରୁତ୍ୱପୂର୍ଣ୍ଣ ଅଂଶ ଅଟେ l ଛତିଶଗଡର ପ୍ରାୟ 55,540 ବର୍ଗ କିଲୋମିଟର ଜଙ୍ଗଲ କ୍ଷେତ୍ର ଅଛି, ଯାହା ରାଜ୍ୟର ମୋଟ ଭୌଗୋଳିକ କ୍ଷେତ୍ରର ପ୍ରାୟ 44% ଅଟେ । ରାଜ୍ୟର ପ୍ରମୁଖ ଜଙ୍ଗଲରେ କାଙ୍ଗର ଘାଟି ଜାତୀୟ ଉଦ୍ୟାନ, ସିଲେବର ଜଙ୍ଗଲ କ୍ଷେତ୍ର ଏବଂ ଇନ୍ଦ୍ରାବତୀ ଜାତୀୟ ଉଦ୍ୟାନ ଅନ୍ତର୍ଭୁକ୍ତ। ଛତିଶଗଡର ଜଙ୍ଗଲରେ ଅନନ୍ୟ ଉଦ୍ଭିଦ ଏବଂ ଜୀବଜନ୍ତୁ ରହିଛନ୍ତି ଏବଂ ଜୈବ ବିବିଧତା ସଂରକ୍ଷଣରେ ବିଶେଷ ଅବଦାନ ରହିଛି।

ଅରୁଣାଚଳ ପ୍ରଦେଶ

ଅରୁଣାଚଳ ପ୍ରଦେଶ ଉତ୍ତର – ପୂର୍ବ ଭାରତର ଏକ ଗୁରୁତ୍ୱପୂର୍ଣ୍ଣ ଜଙ୍ଗଲ ଅଞ୍ଚଳ, ଯେଉଁଠାରେ ତାର ଭୌଗୋଳିକ ବିବିଧତା ଏବଂ ଉଚ୍ଚତା ହେତୁ ବିଭିନ୍ନ ପ୍ରକାରର ଉଦ୍ଭିଦ ଏବଂ ଜୀବଜନ୍ତୁ ଦେଖିବାକୁ ମିଳେ l ଅରୁଣାଚଳ ପ୍ରଦେଶରେ ପ୍ରାୟ 66,300 ବର୍ଗ କିଲୋମିଟର ଜଙ୍ଗଲ କ୍ଷେତ୍ର ଅଛି, ଯାହା ରାଜ୍ୟର ମୋଟ ଭୌଗୋଳିକ କ୍ଷେତ୍ରର ପ୍ରାୟ 82% ଅଟେ l ଏଠାରେ ପ୍ରମୁଖ ଜଙ୍ଗଲରେ ନାମଡାଫା ଜାତୀୟ ଉଦ୍ୟାନ ଏବଂ ମୋୖଲିଙ୍ଗ ଜାତୀୟ ଉଦ୍ୟାନ ଅନ୍ତର୍ଭୁକ୍ତ l

ହିମାଚଳ ପ୍ରଦେଶ

ହିମାଚଳ ପ୍ରଦେଶ ମଧ୍ୟ ତାର ଉଚ୍ଚ ପାହାଡ଼ ଏବଂ ଘନ ଜଙ୍ଗଲ ପାଇଁ ପ୍ରସିଦ୍ଧ l ହିମାଚଳ ପ୍ରଦେଶରେ ପ୍ରାୟ 37,033 ବର୍ଗ କିଲୋମିଟର ଜଙ୍ଗଲ କ୍ଷେତ୍ର ଅଛି, ଯାହା ରାଜ୍ୟର ମୋଟ ଭୌଗୋଳିକ କ୍ଷେତ୍ରର ପ୍ରାୟ 66% ଅଟେ l ରାଜ୍ୟର ପ୍ରମୁଖ ଜଙ୍ଗଲରେ ଜାସକର ଜାତୀୟ ଉଦ୍ୟାନ, ଗୋରିଶଙ୍କର ଜାତୀୟ ଉଦ୍ୟାନ ଏବଂ କିନୌର ଜଙ୍ଗଲ ଅନ୍ତର୍ଭୁକ୍ତ। ହିମାଚଳ ପ୍ରଦେଶର ଜଙ୍ଗଲ, କେବଳ ସ୍ଥାନୀୟ ଉଦ୍ଭିଦ ଏବଂ ଜୀବଜନ୍ତୁଙ୍କ ପାଇଁ ଗୁରୁତ୍ୱପୂର୍ଣ୍ଣ ନୁହେଁ ବରଂ ଜଳବାୟୁ ସନ୍ତୁଳନ ଏବଂ ଜଳବାୟୁ ପରିବର୍ତ୍ତନରେ ମଧ୍ୟ ସହାୟକ ହୋଇଥାଏ।

ମହାରାଷ୍ଟ୍ର

ମହାରାଷ୍ଟ୍ରର ଜଙ୍ଗଲ କ୍ଷେତ୍ର ମଧ୍ୟ ଅତ୍ୟନ୍ତ ଗୁରୁତ୍ୱପୂର୍ଣ୍ଣ, ଯାହା ରାଜ୍ୟର ଅନେକ ସ୍ଥାନକୁ ବ୍ୟାପିଛି l ମହାରାଷ୍ଟ୍ରର ପ୍ରାୟ 61,940 ବର୍ଗ କିଲୋମିଟର ଜଙ୍ଗଲ କ୍ଷେତ୍ର ଅଛି , ଯାହା ରାଜ୍ୟର ମୋଟ ଭୂମି କ୍ଷେତ୍ରର 20% ଅଟେ l ଏଠାରେ ଥିବା ପ୍ରମୁଖ ଜଙ୍ଗଲରେ ସଜଲି, ଚନ୍ଦ୍ରପୁର ଏବଂ ନନ୍ଦୁରବାରର ଜଙ୍ଗଲ ଅନ୍ତର୍ଭୁକ୍ତ l ଚିତାବାଘ ଏବଂ ବାଘ ଭଳି ବିଭିନ୍ନ ବନ୍ୟଜନ୍ତୁ ପାଇଁ ମହାରାଷ୍ଟ୍ରର ଜଙ୍ଗଲ ଅତ୍ୟନ୍ତ ଗୁରୁତ୍ୱପୂର୍ଣ୍ଣ l କେବଳ ଏତିକି ନୁହେଁ ସ୍ଥାନୀୟ ଜଳବାୟୁ ଏବଂ ଇକୋସିଷ୍ଟମକୁ ବଜାୟ ରଖିବାରେ ମଧ୍ୟ ଏହା ସାହାଯ୍ୟ କରେ l