ପୁନଃ ସ୍ଥାପନ ହେଲା ଭଜନ ସମ୍ରାଟଙ୍କ ପ୍ରତିମୂର୍ତ୍ତୀ

କଟକ: କିଛିଦିନ ପୂର୍ବେ ପରିତ୍ୟକ୍ତ ଭାବେ ଫୋପାଡି ଦିଆଯାଇଥିଲା ଭଜନ ସମ୍ରାଟ ଭିକାରି ବଳଙ୍କ ପ୍ରତିମୂର୍ତ୍ତୀ। ଖବର ପ୍ରସାରଣ ପରେ କଟକ ମହାନଗର ନିଗମ ବୈଷ୍ଣବ ପାଣି ପାର୍କରେ ପୁନଃ ସ୍ଥାପନ କରିଛି ଭିକାରି ବଳଙ୍କ ପ୍ରତିମୂର୍ତ୍ତୀ। ଉନ୍ନୟନମୂଳକ କାମ ପାଇଁ ଭଜନ ସମ୍ରାଟ ଭିକାରି ବଳଙ୍କର ପ୍ରତିମୂର୍ତ୍ତୀକୁ ଖାନନଗର ପାର୍କରୁ ତାଡି ନେଇ ସିଏମସି ଗୋଦାମରେ ପଡିଥିବା ଦେଖିବାକୁ ମିଳିଥିଲା।  ଏନେଇ ଖବର ପ୍ରସାରଣ ପରେ ଶୁକ୍ରବାର ସିଏମସି ତରଫରୁ ଭିକାରି ବଳଙ୍କର ପ୍ରତିମୂର୍ତ୍ତି ଖାନ ନଗରସ୍ଥିତ ବୈଷ୍ଣବ ପାଣି ପାର୍କରେ ପୁନଃ ସ୍ଥାପନ କରାଯାଇଛି। ଏହି ଅବସରରେ ଭିକାରି ବଳଙ୍କ ପୁଅ ଭଜନ ସମ୍ରାଟଙ୍କୁ ମରୋଣତ୍ତର ପଦ୍ମ ସମ୍ମାନରେ ସମ୍ମାନୀତ କରିବାକୁ ଦାବି କରିଛନ୍ତି। ଏହା ସହ ଭିକାରି ବଳଙ୍କ ସ୍ମୃତି ରକ୍ଷା ପାଇଁ କଟକରେ ଏକ ଆଧ୍ୟାତ୍ମିକ ପାର୍କ ପ୍ରତିଷ୍ଠା ପାଇଁ ଦାବି ମଧ୍ୟ କରିଛନ୍ତି। ଭବିଷ୍ୟତରେ ଭିକାରି ବଳଙ୍କ ସ୍ମୂତି ରକ୍ଷା ପାଇଁ ଅନେକ ଯୋଜନା ପ୍ରସ୍ତୁତ ହୋଇଥିବା କଥା ମେୟର ସୂଚନା ଦେଇଛନ୍ତି।