ନୂଆଦିଲ୍ଲୀ: ଆଇସିସି କାନପୁର ଗ୍ରୀନ ପାର୍କ ଷ୍ଟାଡିୟମର ଆଉଟ ଫିଲ୍ଡକୁ ଖରାପ ରେଟିଂ ପ୍ରଦାନ କରିଛି । ଏହା ବ୍ୟତୀତ ଡେମିରିଟ ପଂଏଟ ବି ଦିଆଯାଇଛି । ଆଇସିସି ପିଚକୁ କିନ୍ତୁ ସନ୍ତୋଷଜନକ ରିପୋର୍ଟ ଦେଇଛି । ଏଠାରେ ଭାରତ ଓ ବାଂଲାଦେଶ ଟେଷ୍ଟ ସିରିଜର ଦ୍ୱିତୀୟ ଟେଷ୍ଟ ଖେଳା ଯାଇଥିଲା । ୩ ଦିନ ମଧ୍ୟରେ ଭାରତ ଏହି ମ୍ୟାଚକୁ ୭ ୱିକେଟରେ ଜିତି ନେଇଥିଲା । ବର୍ଷା ଯୋଗୁ ପ୍ରଥମ ଦିନ ୩୫ ଓଭର ଖେଳାଯିବା ସମ୍ଭବପର ହୋଇଥିଲା । ଦ୍ୱିତୀୟ ଓ ତୃତୀୟ ଦିନ ଖେଳ ହୋଇପାରି ନ ଥିଲା । ଏହା ସତ୍ୱେ ଭାରତ ଏହି ମ୍ୟାଚରେ ବିଜୟ ହାସଲ କରିଥିଲା ।
ଚିଦାମ୍ବରମ ଷ୍ଟାଡିୟମକୁ ବହୁତ ଭଲ ଏବଂ ପୁଣେ, ବେଙ୍ଗାଲୁର ଓ ପୁଣେକୁ ସନ୍ତୋଷଜନକ ରିପୋର୍ଟ ପ୍ରଦାନ କରାଯାଇଛି । କାନପୁର ଷ୍ଟାଡିୟମକୁ ନେଇ ଆଲୋଚନା ହେବା ପରେ ବିସିସିଆଇ ଉପାଧ୍ୟକ୍ଷ ରାଜୀବ ଶୁକ୍ଲା ଅବଶ୍ୟ ପ୍ରଥମେ ଏହାକୁ ବଂଚାଇବା ପାଇଁ ଚେଷ୍ଟା କରିଥିଲେ । ପରେ ଷ୍ଟାଡିୟମର ନବୀକରଣର ଆବଶ୍ୟକତା ଅଛି ବୋଲି କହିଥିଲେ ।