କଟକ: ଆରମ୍ଭ ହୋଇଯାଇଛି କଟକର ଐତିହାସିକ ବାଲିଯାତ୍ରା । ବାଲିଯାତ୍ରାର ମଜା ନେଉଛନ୍ତି ହଜାର ହଜାର ଲୋକେ। ଏହାର ସୁଯୋଗ ନେଇ ଲୋକଙ୍କୁ ଠକୁଛନ୍ତି ବ୍ୟବସାୟୀ। ବାଲିଯାତ୍ରା ପଡିଆରେ କଟକ ମହାନଗର ନିଗମ ଫୁଡ଼ ସ୍କ୍ବାର୍ଡର ଚଢାଉ । ସମସ୍ତ ଉପର ଏବଂ ତଳ ପଡିଆରେ ଥିବା ଫୁଡ୍ ଷ୍ଟଲରେ ଚଢାଉ କରି ବାସି ଖାଦ୍ୟ ନଷ୍ଟ କରିଛି ସ୍ୱାସ୍ଥ୍ୟ ଟିମ୍ । ସେହିପରି ବାସିଖାଦ୍ୟ ରଖିଥିବା ନେଇ କିଛି ଫୁଡ୍ ଷ୍ଟଲକୁ ଫାଇନ୍ ଦେବାକୁ ମଧ୍ୟ ପଡିଛି ।
ଚାଓମିନ, ମୋମୋ, ବିରିୟାନୀ, ଚାଟ, ତଡକା, ତରକାରୀ ଆଦି ବିଭିନ୍ନ ପ୍ରକାର ବାସୀ ଖାଦ୍ୟ ଜବତ କରି ନଷ୍ଟ କଲା ସ୍କ୍ବାର୍ଡ। ଏନେଇ ସିଏମସି ସ୍ବାସ୍ଥ୍ୟ ଅଧିକାରୀଙ୍କ ନେତୃତ୍ବରେ ଚାଲିଛି ଚଢାଉ। ତେଲ ଓ ମସଲା ମାନ କୁ ନେଇ ମଧ୍ୟ ଯାଞ୍ଚ କରୁଛି ଟିମ। ଯେଉଁ ବ୍ୟବସାୟୀ ମାନେ ବାସୀ ଖାଦ୍ୟ ଦେଉଛନ୍ତି ସେମାନଙ୍କୁ ଚେତବନୀ ଦେହା ସହ ଯଦି ଆଗାମୀ ଦିନରେ ଏପରି ଦୃଶ୍ୟ ସାମ୍ନା କୁ ଆସେ ତେବେ ସଙ୍ଗେ ସଙ୍ଗେ ଫାଇନ କରାଯିବ ବୋଲି ସୂଚନା ଦେଇଛନ୍ତି ସିଏମସି ସ୍ବାସ୍ଥ୍ୟ ବିଭାଗ ଅଧିକାରୀ।
ତେବେ ବାଲିଯାତ୍ରା ୯ ଦିନ ବ୍ୟାପି ହେବାକୁ ଥିଲା ବେଳେ ଖାଦ୍ୟ ଉପରେ ସମସ୍ତଙ୍କ ରହିଥାଏ ନଜର । ଆଉ ଏହାର ସୁଯୋଗ ନେଇ ଅନେକ ବ୍ୟବସାୟୀ ଲୋକମାନଙ୍କୁ ବାସୀ ଖାଦ୍ୟ ଦେଇ ଠକିଥିବା ଅଭିଯୋଗ ହୋଇଛି ।