ନୂଆଦିଲ୍ଲୀ: ମ୍ୟାଲେରିଆକୁ ନେଇ ସାମ୍ନାକୁ ଆସିଛି ଏକ ବଡ ଖବର । ଭାରତରେ ଧୀରେ ଧୀରେ ନିୟନ୍ତ୍ରଣ ଭିତରକୁ ଆସୁଛି ମ୍ୟାଲେରିଆ । ଦେଶରେ ୬୯ ପ୍ରତିଶତକୁ ହ୍ରାସ ପାଇଛି ମ୍ୟାଲେରିଆ । ବିଶ୍ୱ ମ୍ୟାଲେରିଆ ରିପୋର୍ଟରେ ପ୍ରକାଶିତ ତଥ୍ୟରେ ଏହା ପ୍ରକାଶ ପାଇଛି। ରିପୋର୍ଟ ଅନୁଯାୟୀ, ମ୍ୟାଲେରିଆ ରୋଗ ହ୍ରାସ କରିବାରେ ଏବଂ ଏହି ରୋଗରେ ମୃତ୍ୟୁ ହାର ହ୍ରାସ କରିବାରେ ଭାରତ ଏକ ବଡ ସଫଳତା ହାସଲ କରିଛି ।
ସୂଚନାଯୋଗ୍ୟ, ୨୦୧୭ ମସିହାରେ ଭାରତରେ ମ୍ୟାଲେରିଆ ମାମଲା ୬.୪ ନିୟୁତ ଥିଲା, ୨୦୨୩ ରେ ଏହି ମାମଲା ୨ ମିଲିୟନକୁ ଖସି ଆସିଛି। ଅର୍ଥାତ୍ ଦେଶରେ ମ୍ୟାଲେରିଆ ରୋଗ ପ୍ରାୟ ୭୦ ପ୍ରତିଶତ ହ୍ରାସ ପାଇଛି। ଏହି ଅବଧିରେ ମ୍ୟାଲେରିଆ କାରଣରୁ ମୃତ୍ୟୁ ସଂଖ୍ୟା ମଧ୍ୟ ୬୯ ପ୍ରତିଶତ ହ୍ରାସ ପାଇଛି।
ମ୍ୟାଲେରିଆ ସମ୍ବନ୍ଧରେ ପ୍ରତିବର୍ଷ ଏହି ରିପୋର୍ଟ ପ୍ରକାଶ ପାଇଥାଏ। ଏଥିରେ ଅନେକ ଦେଶର ତଥ୍ୟ ଅନ୍ତର୍ଭୁକ୍ତ ଥାଏ । ଭାରତରେ ମ୍ୟାଲେରିଆ ରୋଗର ହାର ଅନ୍ୟ ଦେଶ ତୁଳନାରେ ବହୁତ ଭଲ ଅଛି । ଗ୍ଲୋବାଲ ମ୍ୟାଲେରିଆ କାର୍ଯ୍ୟକ୍ରମର ନିର୍ଦ୍ଦେଶକ ଡାକ୍ତର ଡେନିୟଲ ମନ୍ଦାଡି କହିଛନ୍ତି ଯେ ମ୍ୟାଲେରିଆ ରୋଗ ହ୍ରାସ କରିବାରେ ଭାରତ ବହୁତ ଭଲ କାମ କରିଛି। ଭାରତ ବ୍ୟତୀତ ରମ୍ଵାଡା ଏବଂ ଲାଇବେରିଆ ଭଳି ଦେଶରେ ମଧ୍ୟ ଏହି ରୋଗ ହ୍ରାସ ପାଇଛି।
ଇଣ୍ଡିଆନ୍ ମେଡିକାଲ୍ ଏଜୁକେସନ୍ ରିସର୍ଚ୍ଚ ଭ୍ୟାଲି, ଆଇସିଏମ୍ଆରର ଡାକ୍ତର ରଜନୀକାନ୍ତ ଶ୍ରୀବାସ୍ତବଙ୍କ କହିବା ଅନୁଯାୟୀ, ଆର୍ଟେମିସିନିନ୍ (ଏସିଟି) ଏବଂ ଦୀର୍ଘ ସମୟ ପର୍ଯ୍ୟନ୍ତ ଚାଲୁଥିବା କୀଟନାଶକ (ଏଲଏଲଆଇଏନ) ର ମିଶ୍ରଣ ଯୋଗୁଁ ଭାରତରେ ଏହି ରୋଗକୁ ନିୟନ୍ତ୍ରଣ କରିବା ସମ୍ଭବ ହୋଇଛି। ଏହି ଚିକିତ୍ସାର ସୁବିଧା ହେଉଛି ଯେ ଆର୍ଟେମିସିନିନ୍ ପ୍ରଥମେ ପ୍ରୋଟିନ୍ ଉପରେ ଆକ୍ରମଣ କରି ମ୍ୟାଲେରିଆ ଜୀବାଣୁକୁ ମାରିଦିଏ ଏବଂ ଦ୍ୱିତୀୟ ଔଷଧ ଅବଶିଷ୍ଟ ଜୀବାଣୁକୁ ମାରିଦିଏ। ଏହା ସାହାଯ୍ୟରେ ମ୍ୟାଲେରିଆ ନିୟନ୍ତ୍ରଣ କରିବାରେ ସଫଳତା ହାସଲ ହୁଏ । ଏହା ମ୍ୟାଲେରିଆ ମୃତ୍ୟୂ ସଂଖ୍ୟା ମଧ୍ୟ ହ୍ରାସ କରିଛି ।
Comments are closed.