ନୂଆଦିଲ୍ଲୀ: ଭାରତୀୟ କ୍ରିକେଟର ଷ୍ଟାର ବ୍ୟାଟ୍ସମ୍ୟାନ ବିରାଟ କୋହଲି ଭାରତ ଛାଡି ଲଣ୍ଡନରେ ରହିବାକୁ ଯାଉଛନ୍ତି ବୋଲି ଖବର ପ୍ରକାଶ ପାଇଛି । କୋହଲିଙ୍କ ପିଲା ବେଳର କୋଚ ରାଜକୁମାର ଶର୍ମା ଏହି ଖୁଲାସା କରିଛନ୍ତି । ସେ କହିଛନ୍ତି, କୋହଲି ପତ୍ନୀ ତଥା ବଲିଉଡ ଅଭିନେତ୍ରୀ ଅନୁଷ୍କା ଶର୍ମା ଏବଂ ଝିଅ ଭାମିକା ଓ ପୁଅ ଆକିୟା ସହ ଲଣ୍ଡନରେ ରହିବା ନେଇ ଆଗ୍ରହ ପ୍ରକାଶ କରିଛନ୍ତି । ସେ ତାଙ୍କ ପିଲାମାନଙ୍କୁ ଏକ ଉଜ୍ଜ୍ୱଳ ଭବିଷ୍ୟତ ଦେବା ପାଇଁ ଏହି ଯୋଜନା କରୁଛନ୍ତି ବୋଲି କୋଚ କହିଛନ୍ତି । ସେ ଯଦି ଏ ନେଇ ଚୂଡାନ୍ତ ନିଷ୍ପତି ନେବେ ତାହାହେଲେ ସମସ୍ତଙ୍କୁ ଜଣାଇବେ ବୋଲି ସେ କହିଛନ୍ତି ।
କୋହଲିଙ୍କ ଖରାପ ଫର୍ମ ସମ୍ପର୍କରେ ତାଙ୍କୁ ପଚରାଯିବାରୁ ସେ କହିଥିଲେ, ସେ ଏବେି ବି ଫିଟ ଅଛନ୍ତି । ଆରାମରେ ଆଉ ୫ ବର୍ଷ ଖେଳିପାରିବେ । ଯେବେ ବି ତାଙ୍କ ଫର୍ମ ନେଇ ପ୍ରଶ୍ନ ଉଠୁଛି ସେ ସଫଳତାର ସହ ପ୍ରତ୍ୟାବର୍ତନ କରିଛନ୍ତି । ରବିଚନ୍ଦ୍ରନ ଅଶ୍ୱୀନ ହଠାତ ଅବସର ନେବା ପରେ କୋହଲି ଓ ରୋହିତ ଶର୍ମାଙ୍କ ପ୍ରଦର୍ଶନ ଉପରେ ନଜର ରହିବ ବୋଲି ଅcନୁମାନ କରାଯାଉଛି । ବର୍ଡର-ଗାଭାସ୍କର ଟ୍ରଫିରେ ୩ଟି ମ୍ୟାଚରେ କୋହଲି ଗୋଟିଏ ଶତକ ମାରିଥିବା ବେଳେ ଅନ୍ୟ ମୁକାବିଲାରେ ବିଫଳ ହୋଇଛନ୍ତି । ୱାର୍ଲ୍ଡ ସିରିଜ ଫାଇନାଲରେ ପ୍ରବେଶ ପାଇଁ ଭାରତକୁ ବାକିଥିବା ଅଷ୍ଟ୍ରେଲିଆ ବିପକ୍ଷ ୨ଟି ଟେଷ୍ଟରେ ବିଜୟ ହାସଲ କରିବାକୁ ପଡିବ ।