ଜୟପୁର: ରାଜସ୍ଥାନର କୋଟପୁଟଲିରେ ସୋମବାର ଏକ ବୋରୱେଲରେ ଫସିଲା ୩ ବର୍ଷର ଝିଅ। ଏଠାରେ ଏକ ତିନି ଚାରି ବର୍ଷର ଛୋଟ ଝିଅ ଖେଳିବା ସମୟରେ ୭୦୦ ଫୁଟ ଗଭୀର ବୋରୱେଲରେ ଖସିପଡିଥିଲା।
ସୂଚନା ପାଇବା ମାତ୍ରେ ପୋଲିସ ଓ ପ୍ରଶାସନ ଘଟଣାସ୍ଥଳରେ ପହଞ୍ଚିଥିଲେ। ନାବାଳିକାକୁ ବଞ୍ଚାଇବା ପାଇଁ ଉଦ୍ଧାରକାରୀ ଦଳ ପକ୍ଷରୁ ଚେଷ୍ଟା କରିଥିଲେ ମଧ୍ଯ ସଫଳତା ମିଳିପାରିନଥିଲା। ଫଳରେ ଜୟପୁର ସିଭିଲ ଡିଫେନ୍ସ ଏବଂ ଏସଡିଆରଏଫର ଟିମକୁ ଡକାଯାଇଥିଲା। ଏହି ଦଳ ବିଭିନ୍ନ ଟେକ୍ନୋଲୋଜି ମାଧ୍ୟମରେ ଉଦ୍ଧାର କାର୍ଯ୍ୟ ଆରମ୍ଭ କରିଥିଲା। ତେବେ ଝିଅଟି ପ୍ରାୟ ୧୫୦ ଫୁଟ ଗଭୀରରେ ବୋରୱେଲ ଭିତରେ ଅଟକି ରହିଥିବା କୁହାଯାଉଛି।
ମାମଲାଟି କୋଟପୁଟଲିର ବାଦିଆଲି ସ୍ଥିତ କିରାଟପୁରାର ଅଟେ। ପୋଲିସର ସୂଚନାନୁସାରେ, ଏଠାରେ ରହୁଥିବା ଭୁପ ସିଂ ଜାଟଙ୍କ ଝିଅ ଘର ବାହାରେ ଖେଳୁଥିଲା। ଏହି ସମୟ ମଧ୍ୟରେ ସେ ବୋରୱେଲରେ ପଡ଼ିଯାଇଥିଲା। ତାଙ୍କ ସହିତ ଖେଳୁଥିବା ଅନ୍ୟ ପିଲାମାନେ ଝିଅଟି ବୋରୱେଲରେ ପଡ଼ିଥିବାର ଦେଖିବା ପରେ ଏକ ଚିତ୍କାର କରିଥିଲେ। ପରେ ପୋଲିସକୁ ଏହି ବିଷୟରେ ସୂଚନା ଦିଆଯାଇଥିଲା।
ଅଧିକାରୀଙ୍କ କହିବାନୁସାରେ, ଝିିଅକୁ ବଞ୍ଚାଇବା ପାଇଁ ବୋରୱେଲ ନିକଟରେ ଏକ ସମାନ୍ତରାଳ ଗର୍ତ୍ତ ଖୋଳାଯାଉଛି। ୧୫୦ ଫୁଟ ଗଭୀର ଗର୍ତ୍ତ ଖୋଳିବା ପରେ ବୋରୱେଲ ପର୍ଯ୍ୟନ୍ତ ଏକ ଟନେଲ ନିର୍ମାଣ ହେବ ଏବଂ ଝିଅକୁ ଏହି ଟନେଲ ଦେଇ ବାହାରକୁ ଅଣାଯିବ।