ନୂଆଦିଲ୍ଲୀ: ସାରା ବିଶ୍ୱରେ ଖ୍ରୀଷ୍ଟମାସ ପର୍ବ ଆନନ୍ଦ ଉଲ୍ଲାସ ସହିତ ପାଳନ କରାଯାଉଛି। ଭାରତର ବିଭିନ୍ନ ସ୍ଥାନରେ ଖ୍ରୀଷ୍ଟମାସ କାର୍ନିଭାଲ ଏବଂ ବିଭିନ୍ନ ପ୍ରକାରର କାର୍ଯ୍ୟକ୍ରମ ଆୟୋଜନ ମଧ୍ଯ କରାଯାଉଛି।
ଏହି ସମୟରେ ଆମ୍ ଆଦମୀ ପାର୍ଟି ସଂଯୋଜକ ତଥା ଦିଲ୍ଲୀର ପୂର୍ବତନ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ଏକ ଏଆଇ ଭିଡିଓ ଶେୟାର କରିଛନ୍ତି। ଯେଉଁଥିରେ ସେ ସାଣ୍ଟା କ୍ଲଜ ଗେଟଅପ୍ ରେ ନଜର ଆସିଛନ୍ତି।
ଆପ୍ ଏହାର ଅଫିସିଆଲ୍ ଏକ୍ସ ହ୍ୟାଣ୍ଡେଲରେ ଏହି ଭିଡିଓ ସେୟାର କରିଛି। ଯାହା ସୋସିଆଲ ମିଡିଆରେ ଖୁବ୍ ଭାଇରାଲ ହେବାରେ ଲାଗିଛି। ଏଥିରେ ସେ ଦିଲ୍ଲୀ ସରକାରଙ୍କ ଯୋଜନାକୁ ପ୍ରୋତ୍ସାହିତ କରୁଥିବା ଦେଖିବାକୁ ମିଳିଛି। ଲୋକଙ୍କୁ ଖ୍ରୀଷ୍ଟମାସ ଶୁଭେଚ୍ଛା ମଧ୍ଯ ଜଣାଇଛନ୍ତି।
ପୂର୍ବତନ ସିଏମ୍ ଅରବିନ୍ଦ କେଜ୍ରିୱାଲ ସାନ୍ତା କ୍ଲଜ୍ ଲୁକରେ ମହିଳା ସମ୍ମାନ ରାଶି, ସଞ୍ଜୀବନୀ ଯୋଜନା, ମାଗଣା ବିଦ୍ୟୁତ୍ ବଣ୍ଟନ ଗିଫ୍ଟ କରୁଥିବା ଦେଖିବାକୁ ମିଳୁଛି। ତେବେ ଭିଡିଓର କ୍ୟାପସନରେ ଲେଖା ରହିଛି – “ଦିଲ୍ଲୀର ନିଜସ୍ୱ ସାଣ୍ଟା କ୍ଲଜ୍ ବର୍ଷସାରା ଉପହାର ଦେଇଥାଏ। # ମେରୀ ଖ୍ରୀଷ୍ଟମାସ।
Delhi's own Santa delivering gifts year-round ✨ #MerryChristmas pic.twitter.com/km2IOdAPoQ
— AAP (@AamAadmiParty) December 25, 2024