ମେଲବୋର୍ଣ୍ଣ: ଭାରତର ପେସ ବୋଲର ଯଶପ୍ରୀତ ବୁମରାହ ଆଇସିସି ଟେଷ୍ଟ ର୍ୟାଙ୍କିଙ୍ଗରେ କୀର୍ତିମାନ ସ୍ଥାପନ କରିଛନ୍ତି । ସେ ତାଙ୍କ କ୍ୟାରିୟରର ସର୍ବୋଚ୍ଚ ରେଟିଂ ପଂଏଟ ହାସଲ କରିବା ସହ ଶୀର୍ଷ ସ୍ଥାନରେ ରହିଛନ୍ତି । ବୁମରାହଙ୍କ ରେଟିଂ ପଂଏଟ ୯୦୪ରେ ପଂହଚିଛି । ଏହା ପୂର୍ବରୁ ଭାରତୀୟ ବୋଲରମାନଙ୍କ ମଧ୍ୟରେ କେବଳ ରବିଚନ୍ଦ୍ରନ ଅଶ୍ୱୀନ ୯୦୪ ପଂଏଟ ପାଇଥିଲେ । ଏଥିସହ ସେ ଭାରତର ସର୍ବୋଚ୍ଚ ରେଟିଂ ପ୍ରାପ୍ତ ବୋଲର ହୋଇଛନ୍ତି । ଦକ୍ଷିଣ ଆଫ୍ରିକାର କାଗିସା ରାବାଡା (୮୫୬)ଓ ଅଷ୍ଟ୍ରେଲିଆର ଜୋଶ ହାଜେଲଉଡ ୮୫୨ ପଂଏଟ ସହ ଦ୍ୱିତୀୟ ଏବଂ ତୃତୀୟ ସ୍ଥାନରେ ରହିଛନ୍ତି ।
ତେବେ ବ୍ୟାଟିଂ ର୍ୟାଙ୍କିଙ୍ଗରେ ଭାରତର ବିରାଟ କୋହଲି ପ୍ରଥମ ୨୦ଜଣଙ୍କ ମଧ୍ୟରୁ ବାଦ ପଡିଛନ୍ତି । ସେ ଏବେ ୬୪୬ ରେଟିଂ ପଂଏଟ ସହ ୨୧ତମ ସ୍ଥାନରେ ରହିଛନ୍ତି । ଯଶସ୍ୱୀ ଜୈସୱାଲ(୮୦୫) ଗୋଟିଏ ସ୍ଥାନ ତଳକୁ ଖସି ୫ମରେ ରହିଛନ୍ତି । ରିଷଭ ପନ୍ତ(୭୦୮) ୧୧ତମ ସ୍ଥାନରେ ଏବଂ ଶୁଭମନ ଗିଲ(୬୫୨) ୨୦ତମ ସ୍ଥାନରେ ରହିଛନ୍ତି । ରୋହିତ ଶର୍ମା ୩୫ତମ ସ୍ଥାନକୁ ଖସି ଆସିଛନ୍ତି । ଜୋ ରୁଟ, ହ୍ୟାରୀ ବ୍ରୁକ ଓ କେନ ୱିଲିୟମସନ ଯଥାକ୍ରମେ ପ୍ରଥମ ୩ଟି ସ୍ଥାନରେ ରହିଛନ୍ତି ।