ବ୍ରହ୍ମପୁର: ନିର୍ମାଣାଧୀନ କୋଠାରୁ ବୋମା ଭର୍ତ୍ତି ବ୍ୟାଗ୍ ମିଳିବା ଘଟଣା । ବୋମା ସବୁକୁ ନିଷ୍କ୍ରିୟ କରିବା ସହ ଜଣେ ଯୁବକଙ୍କୁ ଅଟକ ରଖିଛି ବ୍ରହ୍ମପୁର ପୋଲିସ । ତେବେ ବାକି ୩ ଜଣ ଅଭିଯୁକ୍ତ ଫେରାର ଅଛନ୍ତି । ଏନେଇ ସୂଚନା ଦେଇଛନ୍ତି ବ୍ରହ୍ମପୁର ଏସ୍ପି ।
ସୂଚନା ଅନୁସାରେ, ବୈଦ୍ୟନାଥପୁର ଥାନା ପୋଲିସ ପକ୍ଷରୁ ଆଜି ପାଟ୍ରୋଲିଂ ଚାଲିଥିଲା । ଏନଏଚ ୧୬, ଖଜୁରିଆ ନିକଟ ଏକ ନିର୍ମାଣଧିନ କୋଠାରେ କିଛି ଲୋ ବୋମା କାରବାର କରୁଥିବା ବେଳେ ପାଟ୍ରୋଲିଂ ଗାଡ଼ି ଦେଖି ଅଚାନକ ଦୌଡି ପଳାଇଥିଲେ ୪ ଦୁର୍ବୃତ୍ତ । ୪ ଦୁର୍ବୃତ୍ତଙ୍କୁ ଦୌଡି ପଳାଇବା ଦେଖି ସନ୍ଦେହରେ ଉକ୍ତ ସ୍ଥାନରେ ସର୍ଚ୍ଚ ଅପରେସନ ଆରମ୍ଭ କରିଥିଲା ପୋଲିସ । ସର୍ଚ୍ଚ ଅପରେସନ ବେଳେ ଘର ଭିତରୁ ୭ଟି ଅଫୁଟା ବୋମା ମିଳିଥିଲା । ସଙ୍ଗେ ସଙ୍ଗେ ବୋମା ନିଷ୍କ୍ରିୟକାରୀଙ୍କୁ ଖବର ଦିଆଯାଇଥିଲା । ବୋମା ନିଷ୍କ୍ରିୟକାରୀ ଦଳ ଘଟଣାସ୍ଥଳରେ ପହଞ୍ଚି ପ୍ରଥମେ ବୋମା ଗୁଡିକ ନିଷ୍କ୍ରିୟ କରିଥିଲେ । ତେବେ ପୋଲିସ ଜଣେ ଯୁବକଙ୍କୁ ଚିହ୍ନଟ କରାଯାଇ ଅଟକ ରଖାଯାଇଛି । ଫେରାର୍ ଥିବା ଆଉ ୩ ଯୁବକଙ୍କୁ ଖୁବ୍ଶୀଘ୍ର ଧରାଯିବ ବୋଲି ସୂଚନା ଦେଇଛନ୍ତି ବ୍ରହ୍ମପୁର ଏସ୍ପି ।
କିଛି ଦିନ ହେଲାଣି ବ୍ରହ୍ମପୁରରେ ଅପରାଧମୂଳକ ଘଟଣା ବଢ଼ିବାରେ ଲାଗିଛି। ଏହାକୁ ଦୃଷ୍ଟିରେ ରଖି ବିଭିନ୍ନ ସ୍ଥାନରେ ବ୍ଲକିଂ କରି କଡ଼ା ଯାଞ୍ଚ କରାଯାଉଥିବା ବେଳେ ସହର ବାହାରେ ଥିବା ନିର୍ମାଣାଧୀନ ଘର ବି ତଲାସୀ କରାଯାଉଛି।