ପ୍ରୟାଗ: ମହାକୁମ୍ଭ ୨୦୨୫ ଆରମ୍ଭ ହୋଇଯାଇଛି। ପ୍ରଶାସନ ସମଗ୍ର ପ୍ରୟାଗରାଜ ସଙ୍ଗମ ଅଞ୍ଚଳକୁ ସମସ୍ତ ବ୍ୟବସ୍ଥା କରାଯାଇଛି। ଏଥର କୋଟି କୋଟି ସନାତନ ସଙ୍ଗମରେ ବୁଡ଼ ପକାଇବାକୁ ଯାଉଛନ୍ତି। ଏହାରି ମଧ୍ୟରେ ବଲିଉଡ ଷ୍ଟାରମାନେ ସାମିଲ ହେବାନେଇ କୁହାଯାଉଛି।
ପ୍ରଥମ ଥର ପାଇଁ ଅଭିନେତ୍ରୀ ଅଦା ଶର୍ମା ଲକ୍ଷଲକ୍ଷ ଲୋକଙ୍କ ଉପସ୍ଥିତିରେ ଶିବ ତାଣ୍ଡବ ସ୍ତୋତ୍ରମକୁ ଲାଇଭ୍ ପ୍ରଦର୍ଶନ କରିବେ। କୁମ୍ଭମେଳା ପାଇଁ ଅମିତାଭ ବଚ୍ଚନଙ୍କ ସମେତ ଅନେକ ବଲିଉଡ ଅଭିନେତାଙ୍କୁ ନିମନ୍ତ୍ରଣ ପଠାଯାଇଥିବା ରିପୋର୍ଟରୁ ଜଣାପଡିଛି।
ଗଣମାଧ୍ୟମ ସୂଚନା ଅନୁଯାୟୀ, ମହାକୁମ୍ଭରେ ବଲିଉଡ୍ ଷ୍ଟାରମାନେ କିଛି ଦିନ ପାଇଁ ଲାଇଭ୍ ଶୋ’ କରିବେ। ଶଙ୍କର ମହାଦେବନଙ୍କ ଟିମ୍ ଉଦଘାଟନୀ ଦିବସରେ ପ୍ରଦର୍ଶନ କରିବାକୁ ଯାଉଛନ୍ତି।
ସାଧନା ସରଗମ ଜାନୁଆରୀ ୨୬ରେ, ଶାନ ଜାନୁଆରୀ ୨୭ରେ, ରଞ୍ଜନୀ ଏବଂ ଗାୟତ୍ରୀ ଜାନୁଆରୀ ୩୧ରେ ପରିବେଷଣ କରିବାକୁ ଯାଉଛନ୍ତି। ସେହିପରି କୈଳାସ ଖେର ୨୩ ଫେବୃଆରୀ, ୨୪ ଫେବୃଆରୀରେ ମୋହିତଙ୍କ ଶୋ ପ୍ରଦର୍ଶନ ସହିତ ମହାକୁମ୍ଭ କାର୍ଯ୍ୟକ୍ରମ ଶେଷ ହେବ। ତେବେ ମହାକୁମ୍ଭରେ ଶୋ’ ପାଇଁ ହଂସରାଜ ହଂସ, ହରିହରନ, କବିତା କୃଷ୍ଣମୂର୍ତ୍ତିଙ୍କ ଭଳି ଷ୍ଟାରମାନେ ମଧ୍ୟ ଆସୁଛନ୍ତି।