କାଶ୍ମୀର: ଜମ୍ମୁ-କାଶ୍ମୀରରେ ପ୍ରବଳ ତୁଷାରପାତ ଯୋଗୁଁ ହିମସ୍ଖଳନ ଘଟିଛି । ଏଥିରେ ଭାରତୀୟ ସେନାର ୩ ଜଣ ଯବାନ ସହିଦ ହୋଇଥିବା ସୂଚନା ମିଳିଛି ।
ଅନ୍ୟପଟେ ହିମସ୍ଖଳନ ଯୋଗୁଁ ୫ଜଣ ସାଧାରଣ ଲୋକଙ୍କ ମଧ୍ୟ ମୃତ୍ୟୁ ହୋଇଥିବା ସୂଚନା ମିଳିଛି । ସେନାପକ୍ଷରୁ ଉଦ୍ଧାର କାର୍ଯ୍ୟ ଜାରି ରହିଛି ।
ସୂଚନା ଅନୁସାରେ ଲଗାଦାର ଗତ ୪୮ ଘଣ୍ଟା ଧରି ବରଫପାତ ହେବା ଯୋଗୁଁ ଏଭଳି ପରିସ୍ଥିତି ସୃଷ୍ଟି ହୋଇଛି । ୩ ଯବାନ ସହିଦ ହୋଇଥିବା ବେଳେ ଆଉ କେତେକ ଯବାନ ନିଖୋଜ ଅଛନ୍ତି । କାଶ୍ମୀର ଘାଟିରେ ଗତ କିଛି ଦିନ ଧରି ତୁଷାରପାତ ଲାଗି ରହିଥିବାରୁ ଲାଗି ରହିଛି । ଫଳରେ ସାଧାରଣ ଜୀବନଯାତ୍ରା ବ୍ୟାହତ ଘଟିଛି ।
Comments are closed.