ମୁମ୍ବାଇ: ୨୦୧୯ରେ ରିଲିଜ୍ ହୋଇଥିବା କାର୍ତ୍ତିକ ଆର୍ଯ୍ୟନଙ୍କ ଫିଲ୍ମ “ପତି ପତ୍ନୀ ଔର ଔ”ର ସିକ୍ୱେଲ୍ ତିଆରି ହେଉଛି । କିନ୍ତୁ, ଏଥର କାର୍ତ୍ତିକ ଆର୍ଯ୍ୟନଙ୍କ ସ୍ଥାନ ନେଇଛନ୍ତି ଆୟୁଷ୍ମାନ ଖୁରାନା । ଫିଲ୍ମର ସିକ୍ୱେଲ୍ ଘୋଷଣା ହେବା ପରଠାରୁ ପ୍ରଶଂସକମାନେ ଏହାର ସିକ୍ୱେଲ୍ ପାଇଁ ଉତ୍ସାହର ସହିତ ଅପେକ୍ଷା କରିଛନ୍ତି । ଏହି ସିକ୍ୱେଲର ନାମ ରହିଛି “ପତି ପତ୍ନୀ ଔର ଔ ଦୋ”।
ମୁଦାସର ଅଜିଜଙ୍କ ନିର୍ଦ୍ଦେଶିତ ଏହି ଫିଲ୍ମର ରିଲିଜ୍ ତାରିଖ କିଛି ସମୟ ପୂର୍ବରୁ ଘୋଷଣା କରାଯାଇଥିଲା, କିନ୍ତୁ ପରେ ନିର୍ମାତାମାନେ ଏହାକୁ ସ୍ଥଗିତ ରଖିଥିଲେ । କିନ୍ତୁ, “ପତି ପତ୍ନୀ ଔର ଔ ଦୋ” ଏବେ ରିଲିଜ୍ ପାଇଁ ଏକ ନୂଆ ତାରିଖ ରଖାଯାଇଛି ।
ଆୟୁଷ୍ମାନ ଖୁରାନାଙ୍କ “ପତି ପତ୍ନୀ ଔର ଔ ଦୋ” ପ୍ରଥମେ ମାର୍ଚ୍ଚ ୪ ତାରିଖରେ ଥିଏଟରରେ ରିଲିଜ୍ ହେବାର ଥିଲା । ନିର୍ମାତାମାନେ ଏକ ନିର୍ଦ୍ଦିଷ୍ଟ କାରଣ ପାଇଁ ରିଲିଜ ତାରିଖ ପରିବର୍ତ୍ତନ କରିବାକୁ ନିଷ୍ପତ୍ତି ନେଇଥିଲେ । ଏବେ ଏହା ନିଶ୍ଚିତ ହୋଇଛି ଯେ ଫିଲ୍ମଟି ମାର୍ଚ୍ଚ ୪ ପରିବର୍ତ୍ତେ ଦୁଇ ମାସ ପରେ ମରିଲିଜ କରାଯିବ ।
ରିପୋର୍ଟ ଅନୁସାରେ, “ପତି ପତ୍ନୀ ଔର ଔ ଦୋ” ର ପୋଷ୍ଟ-ପ୍ରଡକ୍ସନ ସମ୍ପୂର୍ଣ୍ଣ ହୋଇନଥିବାରୁ ଏବଂ ଏକ ଗୀତ ସୁଟିଂ ବାକି ଥିବାରୁ ଏହାକୁ ସ୍ଥଗିତ ରଖାଯାଇଛି । ନିର୍ମାତା ଏହି ପ୍ରକ୍ରିୟାକୁ ଶୀଘ୍ର କରିବାକୁ ଚାହୁଁନାହାଁନ୍ତି । ଆୟୁଷ୍ମାନ ଖୁରାନାଙ୍କ “ପତି ପତ୍ନୀ ଔର ଔ ଦୋ” ଏବେ ୧୫ ମେ, ୨୦୨୬ରେ ସିନେମା ହଲରେ ମୁକ୍ତିଲାଭ କରିବ ।
ଆୟୁଷ୍ମାନ ଖୁରାନାଙ୍କ ବ୍ୟତୀତ, ଏହି ଫିଲ୍ମରେ ସାରା ଅଲି ଖାନ, ଭାମିକା ଗବ୍ବି ଏବଂ ରକୁଲ ପ୍ରୀତ ସିଂହ ମଧ୍ୟ ଅଭିନୟ କରିଛନ୍ତି । ଏହି କମେଡିପୂର୍ଣ୍ଣ ଫିଲ୍ମଟି ମୁଦାସର ଅଜିଜଙ୍କ ଦ୍ୱାରା ନିର୍ଦ୍ଦେଶିତ ଏବଂ ଭୂଷଣ କୁମାର ଏବଂ ରେଣୁ ରବି ଚୋପ୍ରାଙ୍କ ଦ୍ୱାରା ପ୍ରଯୋଜିତ ।