ୟୁପି: ପୁଣି ଅଡ଼ୁଆରେ ପୂର୍ବତନ କେନ୍ଦ୍ର ମନ୍ତ୍ରୀ ସ୍ୱାମୀ ଚିନ୍ମୟାନନ୍ଦ । ଯୌନ ଶୋଷଣ ମାମଲାରେ ଚିନ୍ମୟାନନ୍ଦଙ୍କୁ ମିଳିଥିବା ଜାମିନ ବିରୋଧରେ ସୁପ୍ରମିକୋର୍ଟର ଦ୍ୱାରସ୍ତ ହେଲେ ପୀଡ଼ିତା । ଚିନ୍ମୟାନନ୍ଦଙ୍କ ଯୋଗୁଁ ତାଙ୍କ ଜୀବନ ପ୍ରତି ବିପଦ ଥିବା ପୀଡ଼ିତା ଅଭିଯୋଗ କରିଛନ୍ତି । ଏନେଇ ସେ ସୁପ୍ରିମକୋର୍ଟରେ ଆବେଦନ କରିଛନ୍ତି । ସୋମବାର ଏହି ମାମଲାର ଶୁଣାଣି ହେବ ।
ଯୌନ ଶୋଷଣ ମାମଲାରେ ଗିରଫ ହୋଇଥିବା ଚିନ୍ମୟାନନ୍ଦଙ୍କୁ ଫେବୃୟାରୀ ୩ ରେ ଆଲ୍ଲାବାଦ ହାଇକୋର୍ଟ ଜାମିନ ପ୍ରଦାନ କରିଥିଲେ । ଜଷ୍ଟିସ ରାହୁଲ ଚର୍ତୁବେଦୀ ଏହି ମାମଲାର ଶୁଣାଣି କରି ଚିନ୍ମୟାନନ୍ଦଙ୍କୁ ଜାମିନ ଦେଇଥିଲେ । ସେପଟେ ଏହି ମାମଲାରେ ପୀଡ଼ିତା ଛାତ୍ରୀ ଏବଂ ତାଙ୍କ ସାଥୀଙ୍କୁ ପୂର୍ବରୁ ହାଇକୋର୍ଟ ଜାମିନ ମଂଜୁର କରିସାରିଛନ୍ତି । ଯୌନ ଶୋଷଣ ମାମଲାରେ ଚିନ୍ମୟନନ୍ଦ ଗତବର୍ଷ ସେପ୍ଟେମ୍ବର ୨୦ ତାରିଖରୁ ଜେଲରେ ଥିଲେ । ଏସଏସ୍ ଲ’ କଲେଜର ଜଣେ ଛାତ୍ରୀ ତାଙ୍କ ବିରୋଧରେ ଦୁଷ୍କର୍ମ ଅଭିଯୋଗ ଆଣିଥିଲେ ।
Comments are closed.