ଭୁବନେଶ୍ୱର: ଖେଲୋ ଇଣ୍ଡିଆ ୟୁନିଭରସିଟି ଗେମ୍ସରେ ଓଡିଶାର ମହିଳା ଦୌଡାଳୀ ଦୂତି ଚାନ୍ଦ ୧୦୦ ମିଟର ଦୌଡରେ ସ୍ୱର୍ଣ୍ଣ ପଦକ ଜିତିଛନ୍ତି । ସେ କିଟ୍ ୟୁନିଭରସିଟି ପକ୍ଷରୁ ପ୍ରତିନିଧିତ୍ୱ କରିବା ସହ ୧୧.୪୯ ସେକେଣ୍ଡରେ ରେସ୍ ସମ୍ପୂର୍ଣ୍ଣ କରି ନୂତନ ୟୁନିଭରସିଟି ରେକର୍ଡ ସ୍ଥାପନ କରିଛନ୍ତି । ୨୦୨୦ ଆରମ୍ଭରୁ ସ୍ୱର୍ଣ୍ଣ ପଦକ ଜିତି ସେ ତାଙ୍କ ବର୍ଷ ଭଲରେ ଆରମ୍ଭ କରିଛନ୍ତି ।
ଏଥିନେଇ ବ୍ୟକ୍ତିଗତ ଭାବେ ଖୁସି ବୋଲି ରେସ୍ ପରେ ଦୂତି କହିଛନ୍ତି । ଆଗକୁ ଅନ୍ୟ ମୁକାବିଲାରେ ୦.୧୦ ସେକେଣ୍ଡ କମ୍ ସମୟରେ ରେସ୍ ସମ୍ପୂର୍ଣ୍ଣ କରିବାକୁ ଚାହିଁବି ବୋଲି ସେ କହିଛନ୍ତି । ମାଙ୍ଗାଲୋରର ଏସ.ଧନଲକ୍ଷ୍ମୀ (୧୧.୯୯ ସେକେଣ୍ଡ) ଦୂତିଙ୍କୁ କଡା ଟକ୍କର ଦେଇଥିଲେ । ଏହା ପରେ ଅଲିମ୍ପିକ୍ସ କଟ୍ ଅଫ ପାଇଁ ମୁଁ କଠିନ ପରିଶ୍ରମ କରିବି ବୋଲି ଦୂତି କହିଛନ୍ତି ।
Comments are closed.