ରାଜଧାନୀର ୫ଟି ସ୍କୁଲରେ ହେବ କରୋନା ସନ୍ଦିଗ୍ଧଙ୍କ ସ୍ୱାବ ନମୂନା ସଂଗ୍ରହ

ଭୁବନେଶ୍ୱର: ରାଜଧାନୀ ଭୁବନେଶ୍ୱରର ୫ଟି ସ୍କୁଲରେ ଚାଲିଛି କରୋନା ସନ୍ଦିଗ୍ଧଙ୍କ ସ୍ୱାବ ନମୂନା ସଂଗ୍ରହ । ଆସନ୍ତା ୧୭ ତାରିଖ ଯାଏଁ ସନ୍ଦିଗ୍ଧଙ୍କ କୋଭିଡ-୧୯ ଟେଷ୍ଟ ପାଇଁ ନମୂନା ସଂଗ୍ରହ କରିବ ମେଡିକାଲ ଟିମ୍ । ତେବେ ଆଜିଠାରୁ ହିଁ ଏହି କାମ ଆରମ୍ଭ ହୋଇଛି ।ଭୁବନେଶ୍ୱରର ୫ଟି ସ୍କୁଲ ଝାରପଡା ପ୍ରାଇମେରୀ ସ୍କୁଲ, ଚନ୍ଦ୍ରଶେଖରପୁରର ସରକାରୀ ହାଇସ୍କୁଲ, ଗଣ୍ଡମୁଣ୍ଡା ହାଇସ୍କୁଲ ଓ ନୟାପଲ୍ଲୀ ମମତାଜ ଅଲି ହାଇସ୍କୁଲରୁ ନମୂନା ସଂଗ୍ରହ କରାଯାଉଛି । କୋଭିଡ-୧୯ ଟେଷ୍ଟ ପାଇଁ ଦିନ ୯ଟାରୁ ୧୨ ଓ ୩ଟାରୁ ୫ ଯାଏଁ ସ୍କୁଲ ଖୋଲା ରହିବ । ଏହି ସମୟରେ ସ୍କୁଲର ଦୁଇ ଜଣ ଶିକ୍ଷକ, ସଫେଇ କର୍ମଚାରୀ, ଜଗୁଆଳି ପ୍ରମୁଖ ଉପସ୍ଥିତ ରହିବେ ।