ମୁମ୍ବାଇ: ଏ ପର୍ଯ୍ୟନ୍ତ ଆରମ୍ଭ ହୋଇନି ଲୋକପ୍ରିୟ ରିୟାଲିଟି ସୋ ବିଗ୍ବସ୍ ସିଜିନ୍-୧୪ । ଆରମ୍ଭ ହେବା ନେଇ ଶୁଣିବାକୁ ମିଳୁଛି ଅନେକ ର୍ୟୁମର । ପୂର୍ବ ସିଜିନ୍ ଗୁଡିକ ପରି ଏହି ସମୟରେ ପ୍ରମୋ ଟିଭିରେ ଆସିବା ସହ କଣ୍ଟେଷ୍ଟାଣ୍ଟଙ୍କୁ ନେଇ ଅନେକ ଅଙ୍କ କଷା ଚାଲିବା କଥା । ହେଲେ କରୋନାଭାଇରସ୍ ପାଇଁ ସବୁ ଅଟକି ରହିଛି ।
ରିପୋର୍ଟ ଅନୁଯାୟୀ ସେପ୍ଟେମ୍ବର ମାସ ଶେଷ ସୁଦ୍ଧା ବିଗ୍ବସ୍ ସିଜିନ୍-୧୪ ଦର୍ଶକଙ୍କ ସାମ୍ନାକୁ ଆସିବ । ଏ ନେଇ ପ୍ରସ୍ତୁତି ଚୁଡାନ୍ତ ପର୍ଯ୍ୟାୟରେ ପହଂଚିଥିଲାବେଳେ ସାମ୍ନାକୁ ଆସିଛି ପ୍ରତିଯୋଗୀଙ୍କ ସମ୍ଭାବ୍ୟ ତାଲିକା । ଏହି ତାଲିକାରେ କରନ କୁନ୍ଦ୍ରା, ନିଆ ଶର୍ମା, ଭିଭିଆନ୍ ଡି’ ସେନା, ସୁରଭି ଜ୍ୟୋତି, ଜସ୍ମୀନ ଭାସୀନ, ଅଲିଶା ପନ୍ୱାର, ବଲରାଜ ସାହାନୀ ଓ ମାନସୀ ଶ୍ରୀବାସ୍ତବଙ୍କ ନାଁ ଶୁଣିବାକୁ ମିଳିଛି ।
ତେବେ ଏ ଯାଏଁ ଅଫିସିଆଲି କୌଣସି ଖବରକୁ କନ୍ଫର୍ମେସନ୍ ମିଳିନି । ଏଣ୍ଟରଟେନ୍ମେଣ୍ଟ ସାଇଟ୍ ପିଙ୍କ୍ ଭିଲା ଅନୁଯାୟୀ ଏଥର ବିଗବସ ସିଜିନର ଟ୍ୟାଗ୍ଲାଇନ୍ କୁଆଡେ “Big Boss 14 Hoga Rocking” ରହିଛି ।
Comments are closed.