ମୁମ୍ୱାଇ: ବହୁ ବିବାଦ ଓ ମୁହାଁମୁହିଁ ସ୍ଥିତି ପରେ ମୁମ୍ୱାଇରେ କ୍ୱାରେଣ୍ଟାଇନରେ ରହିଥିବା ପାଟନା ସିଟି ଏସପି ବିନୟ ତିଓ୍ୱାରୀଙ୍କୁ ଛାଡ଼ିଲା ବିଏମସି । ଅଭିନେତା ସୁଶାନ୍ତ ସିଂହ ରାଜପୁତ ମୃତ୍ୟୁ ମାମଲାର ତଦନ୍ତ ପାଇଁ ଅଗଷ୍ଟ ଦୁଇ ତାରିଖରେ ମୁମ୍ୱାଇ ପହଞ୍ଚିଥିଲେ ପାଟନା ସିଟି ଏସପି । ରାତି ଅଧିଆ ତାଙ୍କୁ କ୍ୱାରେଣ୍ଟାଇନରେ ରଖିଥିଲା ବିଏମସି । ୧୪ ଦିନିଆ ସଂଗରୋଧକୁ ନେଇ ମୁମ୍ୱାଇରୁ ବିହାର ଯାଏଁ ଦେଖିବାକୁ ମିଳିଥିଲା ହଙ୍ଗାମା ।
ପାଟନା ଏସପିଙ୍କୁ କ୍ୱାରେଣ୍ଟାଇନରେ ରଖିବା ଘଟଣାକୁ ନେଇ ମୁହାଁମୁହିଁ ହୋଇଥିଲେ ମୁମ୍ବାଇ ଓ ପାଟନା ପୋଲିସ । ବିହାର ପୋଲିସ ଡିଜି କହିଥିଲେ, ମୁମ୍ବାଇ ପୋଲିସକୁ ସୂଚନା ଦେଇ ଯାଇଥିଲେ ବିନୟ ତିଓ୍ୱାରୀ । ତଥାପି ତାଙ୍କୁ ଜବରଦସ୍ତ କ୍ୱାରେଣ୍ଟାଇନରେ ରଖିଥିଲା ମୁମ୍ୱାଇ ପୋଲିସ ।
Bihar IPS officer #VinayTiwari, who was quarantined in Mumbai, to leave for Patna today. Four other officers had returned to Patna yesterday.
BMC has informed me, through a text message, that I can go out of quarantine. I’ll be leaving for Patna now: Vinay Tiwari (in file pic) pic.twitter.com/Uk94aEy0Oy
— ANI (@ANI) August 7, 2020
ଆଜି ସୁଦ୍ଧା ଆଇପିଏସ୍ ଅଧିକାରୀ ବିନୟ ତିଓ୍ୱାରୀଙ୍କୁ ନ ଛାଡ଼ିଲେ ଆଇନଗତ କାର୍ଯ୍ୟାନୁଷ୍ଠାନ ପାଇଁ ଚେତାବନୀ ଦେଇଥିଲେ ବିହାର ପୋଲିସ ଡିଜି । ସେପଟେ ମୁମ୍ୱାଇରୁ ପାଟନା ଫେରିଛି ବିହାର ପୋଲିସର ଚାରି ଜଣିଆ ଟିମ୍ । ସୁଶାନ୍ତ ସିଂହ ରାଜପୁତ ମୃତ୍ୟୁ ମାମଲାରେ ବିହାର ପୋଲିସ ହାତରେ କିଛି ପ୍ରମାଣ ଲାଗିଥିବା ସୂଚନା ମିଳିଛି ।
ସୁଶାନ୍ତ ସିଂହ ରାଜପୁତ ମୃତ୍ୟୁ ମାମଲାର ତଦନ୍ତ ଏବେ ସିବିଆଇ କରୁଛି । ଅଭିନେତ୍ରୀ ରିୟା ଚକ୍ରବର୍ତ୍ତୀଙ୍କ ସମେତ ୬ ଜଣଙ୍କ ନାଁରେ ରୁଜୁ ହୋଇଛି ମାମଲା ।