ଭୁବନେଶ୍ୱର: ପାର୍ବଣ ଋତୁରେ ରାଜଧାନୀରେ ରାତିରେ ବିଭିନ୍ନ ସପିଂ ମଲ ଏବଂ ବଜାର ଘାଟରେ ଗହଳି ଜମୁଥିବା ବେଳେ ଜଣେ ଯୁବକଙ୍କୁ ଆଜି ଅପହରଣ ହୋଇଥିବାର ଅଭିଯୋଗ ଆସିଛି। ରଶୁଲଗଡ ସ୍ଥିତ ଏସପ୍ଲାନେଡ ନିକଟରୁ ଜଣେ ଯୁବକଙ୍କୁ ଅପହରଣ କରାଯାଇଥିବା ଅଭିଯୋଗ ହୋଇଛି। ଏନେଇ ତାଙ୍କ ସାଙ୍କ ସହିଦ ନଗର ଥାନାରେ ଅଭିଯୋଗ କରିଛନ୍ତି।
ଫିଲ୍ମ ଷ୍ଟାଇଲରେ ଦୁର୍ବୃତ୍ତ ମାନେ ଏକ କାରରେ ଆସିଥିଲେ ଆଉ ପ୍ରିୟବତ ସାହୁଙ୍କୁ ଉଠାଇ ନେଇଥିବା ଅଭିଯୋଗ ହୋଇଛି। କାରରେ 4-5 ଦୁର୍ବୃତ୍ତ ଥିଲେ ବୋଲି ସେ ଅଭିଯୋଗ କରିଛନ୍ତି। ପ୍ରିୟବ୍ରତଙ୍କ ସାଙ୍ଗ ଲୋକନାଥ ସାହୁ କହିଛନ୍ତି, ଉଭୟ ସପିଂ ମଲକୁ ଆସୁଥିଲେ। ଆଉ ହଠାତ ଏକ କାରରେ ଆସି ଦୁର୍ବୃତ୍ତ ମାନେ ତାଙ୍କ ସାଙ୍ଗକୁ ଅପହରଣ କରିନେଇଛନ୍ତି। ପ୍ରିୟବ୍ରତଙ୍କ ଘର କେନ୍ଦୁଝର ଜିଲ୍ଲା ଆନନ୍ଦପୁରର ବେଳବାହାଳି ବୋଲି ଲୋକନାଥ ସାହୁ କହିଛନ୍ତି। ତେବେ ଅପହରଣର କାରଣ ସେ ଜାଣିନଥିବା କହିଛନ୍ତି। ପୋଲିସ ଏବେ ଅପହରଣ ମାମଲା ରୁଜୁ କରି ତଦନ୍ତ ଚଳାଇଥିବା ସୂଚନା ରହିଛି।
Comments are closed.