ମୁମ୍ବାଇ: ଯୁବ ବିସ୍ଫୋରକ ବ୍ୟାଟ୍ସମ୍ୟାନ ଅଭିଷେକ ଶର୍ମା ସୟେଦ ମୁସ୍ତାକ ଅଲି ଟ୍ରଫିରେ ୨୮ ବଲରେ ଶତକ ହାସଲ କରିଛନ୍ତି । ପଞ୍ଜାବର ଅଭିଷେକ ମେଘାଳୟ ବିପକ୍ଷରେ ଏହି ବିସ୍ଫୋରକ ଇନିଂସ ଖେଳିବା ସହ ଅନେକଗୁଡିଏ ରେକର୍ଡ ମଧ୍ୟ କରିଛନ୍ତି । ସୟେଦ ମୁସ୍ତାକ ଅଲି ଟ୍ରଫିରେ ଦ୍ରୁତ ଶତକ ହାସଲରେ ସେ ଉର୍ବିଲ ପଟେଲଙ୍କ ସହ ସମକକ୍ଷ ହୋଇଥିବା ବେଳେ ରିଷଭ ପନ୍ତଙ୍କ ରେକର୍ଡ ଭଙ୍ଗ କରିଛନ୍ତି । ଅଭିଷେକ ତାଙ୍କ ଇନିଂସରେ ୧୧ଟି ଛକା ମାରିଥିଲେ । ସେ ଚଳିତ ବର୍ଷ ଏ ପର୍ଯ୍ୟନ୍ତ ଟି୨୦ କ୍ରିକେଟରେ ସେ ୮୭ ଛକା ମାରି ସାରିଛନ୍ତି ।
ତେବେ ୨୦୨୪ରେ ସର୍ବାଧିକ ଛକା ନିକୋଲସ ପୂରନଙ୍କ ନାମରେ ରହିଛି । ସେ ଏ ପର୍ଯ୍ୟନ୍ତ ୧୬୯ ଛକା ମାରି ସାରିଛନ୍ତି । ହେନେରିକ କ୍ଲାସେନ ୧୦୪ ଓ ଆନ୍ଦ୍ରେ ରସେଲ ୯୧ ଛକା ଲଗାଇଛନ୍ତି । ହି ତାଲିକାରେ ଅଭିଷେକ ୪ର୍ଥ ସ୍ଥାନରେ ରହିଛନ୍ତି । ଭଉଣୀଙ୍କ ବିବାହ ଉତ୍ସବରେ ଯୋଗ ଦେବା ପରେ ସୂର୍ଯ୍ୟକୁମାର ଏବେ ସୟେଦ ମୁସ୍ତାକ ଅଲି ଟ୍ରଫିରେ ଖେଳିବେ । ଦେଖାଯାଉ ସେ ନୂତନ ରେକର୍ଡ ସୃଷ୍ଟି କରୁଛନ୍ତି କି ନାହିଁ ।
Comments are closed.