ଟ୍ରକ୍ ଧକ୍କାରେ ମାଟ୍ରିକ ଛାତ୍ର ମୃତ, ସ୍ଥାନୀୟ ଅଂଚଳରେ ଉତ୍ତେଜନା

ପାରାଦୀପ: ଟ୍ରକ୍ ଧକ୍କାରେ ମାଟ୍ରିକ ଛାତ୍ର ମୃତ । ପାରାଦୀପ ଗଡ ଲେକ୍ ଥାନା ସମ୍ମୁଖରେ ଏଭଳି ମର୍ମନ୍ତୁଦ ସକଡ ଦୁର୍ଘଟଣା ଘଟିଛି । ମୃତ ଛାତ୍ର ଜଣକ ହେଲେ ଏରସମା ବ୍ଲକ କୋଠି ନିର୍ମଳ ଗାଁର କୁନା ମଲ୍ଲିକ ପୁଅ ଜଗନ୍ନାଥ ମଲ୍ଲିକ ।
ସୂଚନାଯୋଗ୍ୟ ଯେ, ଜଗନ୍ନାଥ ଏକ ଗଡ ବଜାରରୁ ଥଣ୍ଡା କିଣି ଫେରୁ ଥିବାବେଳେ ଲକ୍ ଥାନା ସମ୍ମୁଖରେ ଏକ ଟ୍ରକ୍ ତାଙ୍କ ଉପରେ ମାଡି ଯାଇଥିଲା । ଫଳରେ ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ହୋଇଛି । ପୋଲିସ ପହଂଚି ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ ପଠାଇଛି । ଦୁର୍ଘଟଣା ଘଟାଇଥିବା ଟ୍ରକ୍‌କୁ ପୋଲିସ ଜବତ କରି ତଦନ୍ତ ଆରମ୍ଭ କରିଛି । ସେପଟେ ଏହି ଘଟଣାକୁ ନେଇ ସ୍ଥାନୀୟ ଅଂଚଳରେ ଉତ୍ତେଜନା ଦେଖାଦେଇଛି ।