ନୂଆଦିଲ୍ଲୀ: ଚଳଚ୍ଚିତ୍ର, ଟିଭି ସୋ ଏବଂ ୱେବ୍ ସିରିଜରେ ଅଭିନୟ କରିଥିବା ଲୋକପ୍ରିୟ ଅଭିନେତା ବିକ୍ରମଜିତ୍ କନୱାରପାଲଙ୍କ କୋଭିଡ-୧୯ରେ ଆକ୍ରାନ୍ତ ହୋଇ ମୃତ୍ୟୁ ହୋଇଥିବା ସୂଚନା ମିଳିଛି। ମୃତ୍ୟୁ ବେଳକୁ ତାଙ୍କୁ ୫୨ ବର୍ଷ ହୋଇଥିଲା।
ଚଳଚ୍ଚିତ୍ର ନିର୍ମାତା ଅଶୋକ ପଣ୍ଡିତ ଟ୍ୱିଟରରେ ଦକ୍ଷ ଅଭିନେତାଙ୍କ ବିୟୋଗରେ ଶୋକ ପ୍ରକାଶ କରିଛନ୍ତି। ସେ ଟ୍ୱିଟ କରି କହିଛନ୍ତି, # କୋଭିଡ କାରଣରୁ ଆଜି ସକାଳେ ଅଭିନେତା ବିକ୍ରମଜିତ କନୱାରପାଲଙ୍କ ଦେହାନ୍ତ ଖବର ଶୁଣି ମୁଁ ଦୁଃଖିତ। ଜଣେ ଅବସରପ୍ରାପ୍ତ ସେନା ଅଧିକାରୀ କନୱାରପାଲ ଅନେକ ଚଳଚ୍ଚିତ୍ର ଏବଂ ଟେଲିଭିଜନ ସିରିଏଲରେ ସହାୟକ ଭୂମିକା ଅଭିନୟ କରିଛନ୍ତି। ତାଙ୍କ ପରିବାର ଏବଂ ନିକଟତମ ଲୋକଙ୍କୁ ହୃଦୟରୁ ସମବେଦନା ଜଣାଉଛି। ”
ଭାରତୀୟ ସେନାବାହିନୀରୁ ଅବସର ନେବା ପରେ ବିକ୍ରମଜିତ୍ କନୱାରପାଲ ୨୦୦୩ ରେ ଅଭିନୟ ଆରମ୍ଭ କରିଥିଲେ। ସେ ପେଜ୍ ୩, ରକେଟ୍ ସିଂ: ସେଲ୍ସମ୍ୟାନ୍ ଅଫ୍ ଦି ଇୟର, ଆରକ୍ଷଣ, ମର୍ଡର ୨, ୨ ଷ୍ଟେଟ୍ସ ଏବଂ ଗାଜୀ ଆଟାକ୍ ଭଳି ଚଳଚ୍ଚିତ୍ରରେ ଅଭିନୟ କରିଛନ୍ତି।
ଟେଲିଭିଜନରେ ସେ ଦିୟା ଔର ବାତି ହମ୍, ୟେ ହୈ ଚାହତେ, ଦିଲ୍ ହି ତୋ ହୈ ଏବଂ ଅନିଲ କପୁରଙ୍କ ୨୪ ଭଳି ଶୋ’ରେ ପ୍ରମୁଖ ଭୂମିକା ଗ୍ରହଣ କରିଥିଲେ।
ତାଙ୍କୁ ଶେଷ ଥର ପାଇଁ ଡିଜନି ପ୍ଲସ୍ ହଟଷ୍ଟାରର ଲୋକପ୍ରିୟ ୱେବ୍ ସିରିଜ୍ ସ୍ପେସିଆଲ୍ ଅପ୍ସରେ ଦେଖିବାକୁ ମିଳିଥିଲା।