ଗୁଗୁଲ୍ ସର୍ଚ୍ଚରେ କିପରି ପାଇବେ ଆପଣଙ୍କର ନାମ ? ଜାଣନ୍ତୁ ଏହି ସହଜ ଟ୍ରିକ୍

ନୂଆଦିଲ୍ଲୀ: ଗୁଗୁଲରେ ବଡ଼ ବଡ଼ିଆ ଲୋକଙ୍କ ନାଁ କିମ୍ବା ସେଲିବ୍ରିଟିଙ୍କ ନାଁ ସର୍ଚ୍ଚ କଲେ ତୁରନ୍ତ ସେମାନଙ୍କ ବିଷୟରେ ତଥ୍ୟ ଆସିଯାଏ। କିନ୍ତୁ କୌଣସି ସାଧାରଣ ଲୋକଙ୍କ ନାଁ ସର୍ଚ୍ଚ କଲେ ତାହା ଦେଖାଏ ନାହିଁ। ଏବେ କିନ୍ତୁ ଗୁଗୁଲରେ ଏହା ସମ୍ଭବ ହୋଇପାରିଛି। ବର୍ତ୍ତମାନ ଗୁଗୁଲରେ ଆପଣଙ୍କ ନାମ ଖୋଜିବା ମାତ୍ରେ ସେଲିବ୍ରିଟିଙ୍କ ପରି ଫଳାଫଳ ଦେଖିପାରିବେ। କାରଣ ଗୁଗୁଲ ଏକ ନୂତନ ଫିଚର ଆଣିଛି। ସର୍ଚ୍ଚ ଇଞ୍ଜିନର ଗୁଗୁଲ୍ ଫିଚରରେ Add me to Google ସାହାଯ୍ୟରେ ଏହା ହୋଇପାରିବ।

ଏହା ମାଧ୍ୟମରେ ଆପଣ ନିଜର ଗୁଗୁଲ୍ ପିପୁଲ୍ କାର୍ଡ ତିଆରି କରିପାରିବେ। ଯେଉଁଥିରେ ଆପଣଙ୍କ ନାମ ସହିତ ଗୁରୁତ୍ୱପୂର୍ଣ୍ଣ ବିବରଣୀ ଉପସ୍ଥିତ ହେବ। ଯେତେବେଳେ ଆପଣ ଗୁଗୁଲରେ ଆପଣଙ୍କ ନାମ ଖୋଜିବେ, ଆପଣଙ୍କ ସମସ୍ତ ବିବରଣୀ ସେଲିବ୍ରିଟିଙ୍କ ପରି ଦୃଶ୍ୟମାନ ହେବ। ଇଣ୍ଟରନେଟ୍ ବ୍ୟବହାର କରୁଥିବା ଯେକୌଣସି ବ୍ୟକ୍ତି ଗୁଗୁଲ୍ ସର୍ଚ୍ଚରେ ତାଙ୍କ ନାମ ଯୋଡିପାରିବେ।

ଗୁଗୁଲ୍ ପିପୁଲ କାର୍ଡ କେବଳ ମୋବାଇଲ୍ ଫୋନରେ ଦୃଶ୍ୟମାନ ହୁଏ। ନିଜର ନାଁ ସର୍ଚ୍ଚ କଲେ ଗୁଗୁଲ୍ ପିପୁଲ୍ କାର୍ଡ କମ୍ପ୍ୟୁଟର କିମ୍ବା ଲାପଟପରେ ଦେଖାଯାଏ ନାହିଁ। ଆମେରିକୀୟ ଟେକ୍ କମ୍ପାନୀ କେବଳ ମନୋନୀତ ଦେଶରେ ଏହି ବୈଶିଷ୍ଟ୍ୟ ପ୍ରକାଶ କରିଛି। ଏହି ସୁବିଧା କେନିଆ, ନାଇଜେରିଆ ଏବଂ ଦକ୍ଷିଣ ଆଫ୍ରିକା ସମେତ ଭାରତରେ ଉପଲବ୍ଧ। ଗୁଗୁଲରେ ଆପଣଙ୍କର ପ୍ରୋଫାଇଲ୍ ତିଆରି କରିବାକୁ ହେଲେ ଆପଣଙ୍କୁ ଇଂରାଜୀ କିମ୍ବା ହିନ୍ଦୀ ଭାଷା ଚୟନ କରିବାକୁ ପଡିବ।

ପିପୁଲ କାର୍ଡ ତିଆରି କରିବାକୁ ହେଲେ ଏକ ସକ୍ରିୟ ଗୁଗୁଲ୍ ଆକାଉଣ୍ଟ୍ ଏବଂ ମୋବାଇଲ୍ ନମ୍ବର ରହିବା ଆବଶ୍ୟକ। ମନେରଖନ୍ତୁ ଯେ ଏହି ଦୁଇଟି ପୂର୍ବରୁ ଅନ୍ୟ କୌଣସି ପିପୁଲ କାର୍ଡ ତିଆରିରେ ବ୍ୟବହୃତ ହୋଇନିଥିବା ଉଚିତ୍। ଯେତେବେଳେ ଆପଣ ଏହି ସମସ୍ତ ସର୍ତ୍ତ ପୂରଣ କରିବେ ସେତେବେଳେ ଆପଣ ଗୁଗୁଲ୍ ସର୍ଚ୍ଚରେ ଏକ କାର୍ଡ ତିଆରି କରିପାରିବେ। ଗୁଗୁଲ୍ ପିପୁଲ କାର୍ଡ ତିଆରି କରିବାକୁ ହେଲେ ଏହି ପଦକ୍ଷେପଗୁଡ଼ିକୁ ଅନୁସରଣ କରନ୍ତୁ।

• ମୋବାଇଲ୍ ଫୋନରେ ଗୁଗୁଲ୍ ସର୍ଚ୍ଚକୁ ଯାଆନ୍ତୁ ଏବଂ add me to Search ଟାଇପ୍ କରି ସର୍ଚ୍ଚ କରନ୍ତୁ।
• ଯେତେବେଳେ ଯାଏଁ Add Yourself to Google Search ବିଭାଗ ନଜରକୁ ନଆସେ ସେତେ ପର୍ଯ୍ୟନ୍ତ ସ୍କ୍ରୋଲ୍ କରନ୍ତୁ।
• ଏହାପରେ Get Started ଉପରେ ଟ୍ୟାପ୍ କରନ୍ତୁ ଏବଂ ଯାଞ୍ଚ ପାଇଁ ମୋବାଇଲ୍ ନମ୍ବର ଏଣ୍ଟ୍ରି କରନ୍ତୁ।
• ମୋବାଇଲ୍ ନମ୍ବର ଇଣ୍ଟରନେଟରେ କାହାକୁ ଦୃଶ୍ୟମାନ ହେବ ନାହିଁ। ଯଦି ଆପଣ ଅନୁମତି ଦିଅନ୍ତି ତେବେ ଶୋ ’କରିବ।
• ପରବର୍ତ୍ତୀ ପୃଷ୍ଠାରେ ନିଜ ବିଷୟରେ କିଛି ମୌଳିକ ବିବରଣୀ ଦେଇ ଫର୍ମ ପୁରଣ କରନ୍ତୁ।
• ଏଠାରେ ଆପଣଙ୍କ ନାମ ସ୍ୱୟଂଚାଳିତ ଭାବରେ ପୂରଣ ହେବ। କେବଳ ସ୍ଥାନ, ନିଜ ବିଷୟରେ, ବୃତ୍ତି, ଶିକ୍ଷା, ୱେବସାଇଟ୍, ସୋସିଆଲ୍ ମିଡିଆ ଆକାଉଣ୍ଟ୍, ଇମେଲ୍, ଫୋନ୍ ନମ୍ବର ଏବଂ ଘର ଭଳି ସୂଚନା ଆପଣ ନିଜେ ଏଣ୍ଟ୍ରି କରିବେ।
• ଆପଣ ପ୍ରିଭ୍ୟୁ ଅପ୍ସନ୍ ଉପରେ ଟ୍ୟାପ୍ କରି ସବିଶେଷ ତଥ୍ୟ ଯାଞ୍ଚ କରିପାରିବେ। ଯଦି ସବୁକିଛି ଠିକ ଅଛି ତେବେ Sumbit ଅପ୍ସନ୍ ଉପରେ ଟ୍ୟାପ୍ କରିବେ।
• ଗୁଗୁଲର କିହବା କଥା ହେଲା କିଛି ଘଣ୍ଟା ମଧ୍ୟରେ ଗୁଗୁଲ୍ ସର୍ଚ୍ଚରେ ଆପଣଙ୍କର ନାମ ଦେଖାଯିବ। ଯଦି ଆପଣଙ୍କର ଏବଂ କୌଣସି ସେଲିବ୍ରିଟିଙ୍କର ନାମ ସମାନ ନାମ ଅଛି, ତେବେ ଆପଣଙ୍କୁ ବୃତ୍ତି କିମ୍ବା ଅନ୍ୟ କିଛି ଆଡ୍ କରିବାକୁ ପଡିବ। ଯାହାଫଳରେ ଆପଣଙ୍କର ପ୍ରୋଫାଇଲ୍ ଭିନ୍ନ ଦେଖାଯିବ।