ମୁମ୍ବାଇ: ସ୍ପେନ୍ରେ ଛୁଟି କାଟୁଛନ୍ତି ବଲିଉଡ ଅଭିନେତା ଆଦିତ୍ୟ ରୟ କପୁର ଏବଂ ଅଭିନେତ୍ରୀ ଅନନ୍ୟା ପାଣ୍ଡେ । ନିକଟରେ ସ୍ପେନ୍ରେ ଆୟୋଜିତ ଏକ ମ୍ୟୁଜିକ୍ କନସର୍ଟରେ ଯୋଗ ଦେଇଥିଲେ । ମ୍ୟୁଜିକ୍ କନସର୍ଟର ଫଟୋ ଉଭୟ ନିଜ ନିଜ ଇନ୍ଷ୍ଟାଗ୍ରାମରେ ସେୟାର କରିଛନ୍ତି ।
ଆଦିତ୍ୟ-ଅନନ୍ୟାଙ୍କ ପ୍ରେମ ସମ୍ପର୍କକୁ ନେଇ ଏବେ ବଲିଉଡ଼ରେ ଜୋର ଚର୍ଚ୍ଚା । ଉଭୟ ଡେଟିଂ କରୁଥିବା ମଧ୍ୟ ଆଲୋଚନା ହେଉଛି । ଉଭୟଙ୍କୁ ଅନେକ ପାର୍ଟିରେ ଏକତ୍ର ନଜର ଆସିଛନ୍ତି । ଆଦିତ୍ୟ ଏକ ସାକ୍ଷାତ୍କାରରେ ତାଙ୍କ ପ୍ରେମ ସମ୍ପର୍କକୁ ନେଇ କିଛିଟା ହିଣ୍ଟ୍ସ ଦେଇଥିଲେ । ସେହିପରି ରଣବୀର କପୁର ମଧ୍ୟ କହିଥିଲେ ଯେ, ଆଦିତ୍ୟ ରୟ କପୁର ଜଣେ ଝିଅକୁ ଡେଟ କରୁଛନ୍ତି । ଯାହାର ନାମ ‘ଏ’ ରୁ ହିଁ ଆରମ୍ଭ ହେଉଛି । ତେଣୁ ଆଦିତ୍ୟ ଅନନ୍ୟାଙ୍କ ପ୍ରେମରେ ପଡିଥିବା କୁହାଯାଉଛି ।
ଅନୁରାଗ ବସୁଙ୍କ ଆଗାମୀ ଫିଲ୍ମ ‘ମେଟ୍ରୋ ଇନ ଦିନୋ’ କୁ ନେଇ ଆଦିତ୍ୟ ଏବେ ବ୍ୟସ୍ତ ଅଛନ୍ତି । ଏହି ଫିଲ୍ମଟି ‘ଲାଇଫ ଇନ ଏ … ମେଟ୍ରୋ’ର ଏକ ସିକ୍ୱେଲ । ସେହିପରି ଅନନ୍ୟାଙ୍କୁ ଆୟୁଷ୍ମାନ ଖୁରାନାଙ୍କ ସହ ‘ଡ୍ରିମ ଗର୍ଲ ୨’ରେ ଦେଖିବାକୁ ମିଳିବ ।
Comments are closed.